ഇൻഷുറൻസ് പരിരക്ഷ ഉറപ്പാക്കണം -സി.പി.ഐ

കോലഞ്ചേരി: വടവുകോട്-പുത്തൻകുരിശ് പഞ്ചായത്തിലെ മുഴുവൻ വാർഡുകളിലെയും ജനങ്ങൾക്ക് ആരോഗ്യ ഇൻഷുറൻസ് പരിരക്ഷ ഉറപ്പുവരുത്താൻ ബി.പി.സി.എൽ കമ്പനി തയാറാകണമെന്ന് സി.പി.ഐ പുത്തൻകുരിശ് ലോക്കൽ സമ്മേളനം ആവശ്യപ്പെട്ടു. സമ്മേളനം സംസ്ഥാന കമ്മിറ്റി അംഗം ബാബു പോൾ ഉദ്ഘാടനം ചെയ്തു. ജില്ല കമ്മിറ്റി അംഗം മോളി വർഗീസ്​, മണ്ഡലം സെക്രട്ടറി എം.പി. ജോസഫ്, എം.ടി. തങ്കച്ചൻ, ജോർജ് ഐസക്, ടി.ആർ. വിശ്വപ്പൻ എന്നിവർ സംസാരിച്ചു. പി.കെ. മധുവിനെ വീണ്ടും ലോക്കൽ സെക്രട്ടറിയായി തെരഞ്ഞെടുത്തു.