കായൽസൗന്ദര്യം പകര്‍ത്തുന്നതിനിടെ വെള്ളത്തിൽ വീണ്​ യുവാവ് മരിച്ചു

attn pta കുട്ടനാട്: ഹൗസ് ബോട്ടിൽ കായൽ സൗന്ദര്യം ആസ്വദിച്ച് ചിത്രം പകര്‍ത്തുന്നതിനിടെ കാൽവഴുതി വെള്ളത്തിൽ വീണ്​ യുവാവ്​ മരിച്ചു. പന്തളം തോന്നല്ലൂർ കാക്കക്കുഴി പുത്തൻപുരക്കൽ വീട്ടിൽ പരേതനായ ഹസൻകുട്ടി റാവുത്തറുടെ മകനും പത്തനംതിട്ട ജലസേചന വകുപ്പ്​ യു.ഡി ക്ലർക്കുമായ പി.എച്ച്. അബ്ദുൽമനാഫാണ് (42) മരിച്ചത്. വകുപ്പിലെ മറ്റ്​ ജീവനക്കാർക്കൊപ്പം ബോട്ട് യാത്രക്ക്​ പോയതായിരുന്നു. കനാൽ ക്രൂയിസ് ഹൗസ് ബോട്ടില്‍ യാത്രചെയ്യുന്നതിനിടെ ഞായറാഴ്ച വൈകീട്ട്​​ 4.20ന് കൈനകരി മതികായൽ ഭാഗത്താണ് അപകടം. ഹാൻഡ് റെയിലിൽ ചവിട്ടി ചിത്രം എടുക്കുന്നതിനിടെ കാല്‍വഴുതി കായലിൽ വീണ്​ മനാഫിനെ കാണാതായി. നാട്ടുകാരും ആലപ്പുഴയിൽനിന്ന് അഗ്​നിരക്ഷാസേന സ്കൂബാ സംഘവും ചേർന്ന് നടത്തിയ തിരച്ചിലിലാണ്​ മൃതദേഹം പുറത്തെടുത്തത്​. മാതാവ്: നബീസ. ഭാര്യ: നസിയ. മക്കൾ: ഫയാസ്, ഫിദ. അഗ്​നിരക്ഷാസേന അസി. സ്റ്റേഷൻ ഓഫിസർ വി. വലന്റയിന്റെ നേതൃത്വത്തിൽ ഓഫിസർമാരായ എൻ.എസ്. ഷൈൻകുമാർ, പി. അഖിലേഷ്, സ്കൂബാ മുങ്ങൽ വിദഗ്ധരായ കെ.ആർ. അനീഷ്, കെ.എസ്. ആന്റണി എന്നിവരാണ്​ രക്ഷാപ്രവർത്തനം നടത്തിയത്. ---------- (ചിത്രം... അബ്ദുല്‍ മനാഫ്) ````````````````