നമ്പർ 18 ഹോട്ടലുടമ റോയ് വയലാറ്റിനെതിരെ പോക്സോ കേസ്​

ഫോർട്ട്​കൊച്ചി: മോഡലുകളുടെ അപകടമരണത്തിലൂടെ വിവാദത്തിലായ ഫോർട്ട്കൊച്ചിയിലെ . പ്രായപൂർത്തിയാകാത്ത പെൺകുട്ടിയെ പീഡിപ്പിച്ചെന്ന പരാതിയിലാണ് കേസ്. കോഴിക്കോട് സ്വദേശിനി നൽകിയ പരാതിയിലാണ് ഫോർട്ട്കൊച്ചി പൊലീസ് കേസെടുത്തത്. റോയിയുടെ കൂട്ടാളികളായ സൈജു തങ്കച്ചൻ, അഞ്ജലി എന്നിവർക്കെതിരെയും കേസെടുത്തിട്ടുണ്ട്. ഹോട്ടലിൽവെച്ച്​ റോയ് പീഡിപ്പിച്ചെന്നും സൈജുവും അഞ്ജലിയും കൂട്ടുനിന്നുവെന്നുമാണ് പരാതി. സംഭവം പുറത്തുപറഞ്ഞാൽ സ്വകാര്യ വിഡിയോ ദൃശ്യങ്ങൾ പുറത്തുവിടുമെന്ന് ഭീഷണിപ്പെടുത്തിയതായും പരാതിയിൽ പറയുന്നു. മോഡലുകളായ മുൻ മിസ് കേരള അൻസി കബീർ, അഞ്ജന ഷാജു എന്നിവരുടെ മരണത്തിനിടയാക്കിയ വാഹനാപകടം നടന്നത് ഈ ഹോട്ടലിൽനിന്ന് പോയതിന് ശേഷമായിരുന്നുവെന്ന് അന്വേഷണസംഘം കണ്ടെത്തിയിരുന്നു. അനുവദിക്കപ്പെട്ട സമയം കഴിഞ്ഞും മദ്യം വിളമ്പിയത് സംബന്ധിച്ച് പരാതി ഉയരുകയും ഹോട്ടലിന്‍റെ ബാർ ലൈസൻസ് താൽക്കാലികമായി റദ്ദാക്കുകയും ചെയ്തിരുന്നു. മോഡലുകളുടെ മരണം സംബന്ധിച്ച് അന്വേഷണം പുരോഗമിക്കുന്നതിനിടെയാണ് പുതിയ പരാതി. കേസിന്‍റെ തുടരന്വേഷണം മോഡലുകളുടെ മരണം അന്വേഷിക്കുന്ന സംഘത്തിന് കൈമാറിയിട്ടുണ്ട്.