100 വർഷത്തിനുശേഷവും വാരിയൻകുന്നൻ കൂടുതൽ പ്രസക്തനാകുന്നു -വാരിയൻകുന്നത്ത് ഹാജറ

െകാച്ചി: ബ്രിട്ടീഷ് അധികാരികൾ മായ്ച്ചുകളയാൻ ശ്രമിച്ചിട്ടും 100 വർഷങ്ങൾക്കിപ്പുറവും വാരിയൻകുന്നത്ത് കുഞ്ഞഹമ്മദ് ഹാജിയുടെ ചരിത്രവും പോരാട്ടവും കൂടുതൽ പ്രസക്തമായി വരുന്നുണ്ടെന്ന് പേരമകൾ വാരിയൻകുന്നത്ത്​ ഹാജറ. മഹാരാജാസ്​ ​േകാളജിൽ ഫ്രറ്റേണിറ്റി മൂവ്മൻെറ്​ സംഘടിപ്പിച്ച '1921 മലബാർ സമരത്തെ ഓർക്കുന്നു' പരിപാടി ഉദ്ഘാടനം ചെയ്യുകയായിരുന്നു അവർ. മലബാർ സമരം മാപ്പിള കീഴാള സാഹോദര്യത്തി​ൻെറ ചരിത്രമാതൃകയാണെന്ന് ചടങ്ങിൽ സംസാരിച്ച എഴുത്തുകാരൻ കെ.കെ. ബാബുരാജ് അഭിപ്രായപ്പെട്ടു. അപര ജനതകളുടെയും കീഴാള മുസ്‌ലിം സാഹോദര്യത്തി​ൻെറയും ആഘോഷമാണ് വാരിയൻകുന്നനെ ഓർക്കുന്നതിലൂടെ സംഭവിക്കുന്നതെന്നും അദ്ദേഹം കൂട്ടിച്ചേർത്തു. കൊളോണിയലിസത്തിന് എതിരായ ചരിത്രത്തെ ഓർക്കുന്നത് കൊളോണിയലിസം വംശീയവത്​കരിച്ച ഇസ്‌ലാമോഫോബിയ എന്ന പ്രശ്നത്തോടുള്ള പ്രതിരോധം കൂടിയാണെന്ന് കാമ്പസ് അലൈവ്‌ എഡിറ്റർ വാഹിദ് ചുള്ളിപ്പാറയും പറഞ്ഞു. ഫ്രറ്റേണിറ്റി സംസ്ഥാന ജനറൽ സെക്രട്ടറി കെ.കെ. അഷ്റഫ് അധ്യക്ഷത വഹിച്ചു. ജില്ല പ്രസിഡൻറ്​ മുഫീദ് കൊച്ചി, മഹാരാജാസ് യൂനിറ്റ് പ്രസിഡൻറ്​ മുഹമ്മദ് സാലിഹ്, സെക്ര​േട്ടറിയറ്റ് അംഗങ്ങളായ ലിബ, ദാന റാസിഖ്‌ എന്നിവർ സംസാരിച്ചു. ​photo cap മഹാരാജാസ്​ കോളജിൽ ഫ്രറ്റേണിറ്റി മൂവ്മൻെറ്​ സംഘടിപ്പിച്ച 1921 മലബാർ സമരത്തെ ഓർക്കുന്നു പരിപാടി വാരിയൻകുന്നത്ത്​ ഹാജറ ഉദ്ഘാടനം ചെയ്യുന്നു