ഒന്നിച്ച്​ ജീവിതത്തോട്​ പൊരുതിയ സുഹൃത്തുക്കൾക്ക്​ ഒരുമിച്ച് അന്ത്യയാത്ര

ആ​ലു​വ: ചൂ​ർ​ണി​ക്ക​ര പ​ഞ്ചാ​യ​ത്തി​ന് ദു:​ഖ​വെ​ള്ളി​യാ​ഴ്ച്ച​യാ​യി യു​വാ​ക്ക​ളു​ടെ അ​പ​ക​ട മ​ര​ണം. ജീ​വി​ത പ്രാ​രാ​ബ്ധ​ങ്ങ​ൾ മ​റി​ക​ട​ക്കാ​നു​ള്ള നെ​ട്ടോ​ട്ട​ത്തി​നി​ട​യി​ലാ​ണ് സു​ഹൃ​ത്തു​ക്ക​ൾ ഒ​രു​മി​ച്ച് അ​ന്ത്യ​യാ​ത്ര​യാ​യ​ത്.

ദേ​ശീ​യ​പാ​ത​യി​ൽ എ​റ​ണാ​കു​ളം ച​ക്ക​ര​പ​റ​മ്പി​ലു​ണ്ടാ​യ വാ​ഹ​നാ​പ​ക​ട​ത്തി​ൽ ചൂ​ർ​ണി​ക്ക​ര കു​ന്ന​ത്തേ​രി കി​ട​ക്കേ​ങ്ങേ​ത്ത് സി​റാ​ജി​ന്‍റെ മ​ക​ൻ മു​ഹ​മ്മ​ദ് സ​ജാ​ദ് (22), മു​ട്ടം താ​യി​ക്കാ​ട്ടു​ക​ര പ​രു​ത്തി​ക്കാ​ട് പു​ത്ത​ൻ​ചി​റ വീ​ട്ടി​ൽ പീ​റ്റ​റി​ൻ​റെ മ​ക​ൻ റോ​ബി​ൻ പീ​റ്റ​ർ (30) എ​ന്നി​വ​രാ​ണ് മ​രി​ച്ച​ത്. എ​ളം​കു​ളം പെ​ട്രോ​ൾ പ​മ്പി​ലെ ജീ​വ​ന​ക്കാ​രാ​യ ഇ​രു​വ​രും പു​ല​ർ​ച്ചെ ജോ​ലി സ്ഥ​ല​ത്തേ​ക്ക് പോ​കു​ന്ന​തി​നി​ട​യി​ലാ​യി​രു​ന്നു അ​പ​ക​ടം. എ​ല്ലാ ദി​വ​സ​വും വീ​ട്ടി​ൽ നി​ന്ന്​ അ​തി​രാ​വി​ലെ 5.30ന് ​ഇ​രു​വ​രും ജോ​ലി​ക്കാ​യി ബൈ​ക്കി​ൽ പോ​കാ​റാ​ണ്​ പ​തി​വ്. ഒ​രു വ​ർ​ഷ​ത്തോ​ള​മാ​യി ഈ ​യാ​ത്ര തു​ട​ങ്ങി​യി​ട്ട്. സാ​മ്പ​ത്തി​ക പ്ര​യാ​സ​ങ്ങ​ളു​ള്ള കു​ടും​ബ​ങ്ങ​ളി​ലെ അ​ത്താ​ണി​ക​ളാ​യി​രു​ന്നു ഇ​രു​വ​രും.

പ്ല​സ് ടു ​ക​ഴി​ഞ്ഞ​തി​ന്​ ശേ​ഷം തു​ട​ർ​ന്ന് പ​ഠ​നം ന​ട​ത്തി വീ​ട്ടി​നൊ​രു കൈ​ത്താ​ങ്ങാ​വ​ണ​മെ​ന്നാ​യി​രു​ന്നു സ​ജാ​ദി​ന്‍റെ ആ​ഗ്ര​ഹം. പ​ക്ഷേ, കു​ടും​ബ​ത്തി​ലെ ക​ട​ബാ​ധ്യ​ത​യും പ്രാ​രാ​ബ്ദ​വും സ​ജാ​ദി​ന്‍റെ ആ​ഗ്ര​ഹ​ങ്ങ​ൾ​ക്ക് ത​ട​സ​മാ​യി. പു​തി​യ​താ​യി നി​ർ​മി​ച്ച വീ​ടി​ന്‍റെ ബാ​ധ്യ​ത​യും കൂ​ടി​യാ​യ​പ്പോ​ൾ ഡ്രൈ​വ​ർ ജോ​ലി ചെ​യ്യു​ന്ന പി​താ​വി​ന് ഒ​റ്റ​ക്ക് താ​ങ്ങാ​ൻ ക​ഴി​യാ​തെ​യാ​യി. ഇ​തേ​തു​ട​ർ​ന്നാ​ണ് കു​ടും​ബ​ത്തി​ന് സ​ഹാ​യ​മാ​വാ​ൻ മു​ഹ​മ്മ​ദ് സ​ജാ​ദ് ജോ​ലി​ക്ക് ഇ​റ​ങ്ങി​യ​ത്. അ​ച്ഛ​നും അ​മ്മ​യും ഭാ​ര്യ​യും ര​ണ്ടു കു​ഞ്ഞു​ങ്ങ​ളും ഉ​ള്ള കു​ടും​ബ​ത്തെ മു​ന്നോ​ട്ടു​കൊ​ണ്ടു​പോ​നു​ള്ള ഓ​ട്ട​ത്തി​ലാ​യി​രു​ന്നു റോ​ബി​ൻ പീ​റ്റ​ർ. വാ​ഹ​ന​ങ്ങ​ൾ എ​ത്തി​പ്പെ​ടാ​ത്ത ഒ​റ്റ​പ്പെ​ട്ട പ്ര​ദേ​ശ​ത്തെ ചെ​റി​യ വീ​ട്ടി​ലാ​യി​രു​ന്നു താ​മ​സം. വ​ർ​ഷ​ങ്ങ​ൾ​ക്കു മു​മ്പ് ബാ​ധി​ച്ച പ​ക്ഷാ​ഘാ​ത​ത്തി​ൽ നി​ന്ന് പി​താ​വ് മു​ക്ത​നാ​യി തു​ട​ങ്ങി​യി​ട്ടേ​യു​ള്ളു. നാ​ട്ടി​ൽ കൂ​ടു​ത​ലാ​രു​മാ​യി വ​ലി​യ കൂ​ട്ടി​ല്ലാ​ത്ത റോ​ബി​ൻ, സ​ജാ​ദു​മാ​യി വ​ലി​യ ച​ങ്ങാ​ത്ത​ത്തി​ലാ​യി​രു​ന്നു. കു​ടും​ബ​ത്തി​ന്​ അ​ത്താ​ണി​യാ​കാ​നു​ള്ള യാ​ത്ര​ക്കാ​ണ് വെ​ള്ളി​യാ​ഴ്ച്ച അ​തി​രാ​വി​ലെ അ​ന്ത്യ​മാ​യ​ത്.