ദേശീയപാതയിൽ മാലിന്യം തള്ളിയവർ കാമറയിൽ കുടുങ്ങി

ആലുവ: ദേശീയപാതയിൽ മാലിന്യം തള്ളിയവർ കാമറയിൽ കുടുങ്ങി. പുളിഞ്ചോട് ഭാഗത്ത് ഉന്തു വണ്ടിയിൽ മാലിന്യം കൊണ്ടുതള്ളിയവരെയാണ് പഞ്ചായത്ത് പിടികൂടിയത്. പുളിഞ്ചോട് അടക്കം മാലിന്യ പ്രശ്‌നം നിലനിന്നിരുന്ന വിവിധ ഭാഗങ്ങളിൽ പഞ്ചായത്ത് കാമറകൾ സ്‌ഥാപിച്ചിരുന്നു. ഇതാണ് മാലിന്യം തള്ളിയവർക്ക് വിനയായത്. മാലിന്യമിട്ട ചിത്രങ്ങൾ പൊലീസിന് കൈമാറിയിരുന്നു. ഇതി​െൻറ അടിസ്‌ഥാനത്തിൽ പഞ്ചായത്ത്, പൊലീസ് അധികൃതരുടെ നേതൃത്വത്തിൽ മാലിന്യം ഇട്ടവരെ കൊണ്ടുതന്നെ അവ നീക്കം ചെയ്യിച്ചു.