ഇസിൻ ജോബിൻസ് വേദനകളില്ലാത്ത ലോകത്തേക്ക്...

ആ​ലു​വ: രോ​ഗ​ക്കി​ട​ക്ക​യി​ൽ പാ​ട്ടെ​ഴു​തി​യും ക​ഥ​യെ​ഴു​തി​യും വേ​ദ​ന​ക​ളെ പൂ​ക്ക​ളാ​യി സ്വീ​ക​രി​ച്ച ആ​ലു​വ അ​ന്ധ​വി​ദ്യാ​ല​യ​ത്തി​ലെ അ​ഞ്ചാം ക്ലാ​സ് വി​ദ്യാ​ർ​ഥി​നി ഇ​സി​ൻ ജോ​ബി​ൻ​സ് ഇ​നി​യി​ല്ല. മൂ​ന്നാം വ​യ​സ്സി​ൽ ബാ​ധി​ച്ച ട്യൂ​മ​ർ ഇ​സി​ന്‍റെ ര​ണ്ട്​ ക​ണ്ണു​ക​ളു​ടെ​യും കാ​ഴ്ച ഇ​ല്ലാ​താ​ക്കി​യി​രു​ന്നു. എ​ങ്കി​ലും ഉ​ൾ​ക്ക​രു​ത്തോ​ടെ ലോ​ക​ത്തെ കീ​ഴ​ട​ക്കാ​ൻ തീ​രു​മാ​നി​ച്ച ഇ​സി​നെ നാ​ലാം ക്ലാ​സി​ൽ പ​ഠി​ക്കു​മ്പോ​ൾ ബാ​ധി​ച്ച ബോ​ൺ കാ​ൻ​സ​ർ വീ​ണ്ടും വേ​ദ​ന​ക​ളു​ടെ രോ​ഗ​ക്കി​ട​ക്ക​യി​ലേ​ക്ക് മ​ട​ക്കി.

ക​ടു​ത്ത വേ​ദ​ന​ക്കി​ട​ക്ക​യി​ലും ഓ​ഡി​യോ പു​സ്ത​ക​ങ്ങ​ൾ കേ​ട്ടും വാ​യി​ച്ചും ക​ഥ​ക​ളും പാ​ട്ടു​ക​ളെ​ഴു​തി​യും എ​ല്ലാ​വ​ർ​ക്കും ഉ​ത്തേ​ജ​ന​മാ​യി ജീ​വി​ച്ച ഇ​സി​ൻ ജോ​ബി​ൻ​സി​ന്‍റെ മ​ര​ണം നാ​ട്ടു​കാ​ർ​ക്ക് ക​ണ്ണീ​രോ​ർ​മ​യാ​യി. പ​ഠി​ച്ച് വ​ലു​താ​യി ക​ല​ക്ട​റാ​ക​ണ​മെ​ന്ന ആ​ഗ്ര​ഹ​ത്തോ​ടൊ​പ്പം എ​റ​ണാ​കു​ളം ജി​ല്ല ക​ല​ക്ട​റെ സ​ന്ദ​ർ​ശി​ക്ക​ണ​മെ​ന്ന ആ​ഗ്ര​ഹ​വും ഇ​സി​ൻ പ്ര​ക​ടി​പ്പി​ച്ചി​രു​ന്നു.

ഇ​ക്കാ​ര്യം പ്ര​ധാ​നാ​ധ്യാ​പി​ക ജി​ജി ടീ​ച്ച​ർ ക​ല​ക്ട​റെ അ​റി​യി​ച്ച​പ്പോ​ൾ എ​റ​ണാ​കു​ളം അ​സി. ക​ല​ക്ട​ർ നി​ഷാ​ന്ത് സി​ഹാ​ര ഇ​സി​ന്‍റെ ഭ​വ​നം സ​ന്ദ​ർ​ശി​ച്ച് സ​മ്മാ​ന​ങ്ങ​ൾ ന​ൽ​കി​യി​രു​ന്നു. വേ​ൾ​ഡ് വൈ​റ്റ് കെ​യി​ൻ ദി​ന​ത്തി​ലാ​യി​രു​ന്നു സ​ന്ദ​ർ​ശ​നം.

ഇ​ടു​ക്കി നെ​ടു​ങ്ക​ണ്ടം സ്വ​ദേ​ശി​യാ​യ ജോ​ബി​ൻ​സ് തോ​മ​സി​ന്‍റെ​യും റോ​ഷ്ന​യു​ടെ​യും മൂ​ത്ത മ​ക​ളാ​ണ് ഒ​മ്പ​തു​വ​യ​സ്സു​കാ​രി​യാ​യ ഇ​സി​ൻ ജോ​ബി​ൻ​സ്. ഹെ​ൽ​ഗ ജോ​ബി​ൻ​സ് സ​ഹോ​ദ​രി​യാ​ണ്.