മാലിന്യവും കാടും നിറഞ്ഞ്​ പെരിയാർവാലി കനാൽ

ആ​ലു​വ: വേ​ന​ൽ തു​ട​ങ്ങി​യി​ട്ടും ക​നാ​ലു​ക​ൾ വൃ​ത്തി​യാ​ക്കാ​ൻ പെ​രി​യാ​ർ​വാ​ലി അ​ധി​കൃ​ത​ർ ത​യാ​റാ​കു​ന്നി​ല്ല. ഇ​തു​മൂ​ലം ക​നാ​ലി​ൽ മാ​ലി​ന്യ​വും കാ​ടും നി​റ​ഞ്ഞു. ഏ​തു​സ​മ​യ​ത്തും വെ​ള്ളം തു​റ​ന്നു​വി​ടാ​ൻ ഉ​ത്ത​ര​വു​ണ്ടാ​കു​മെ​ന്ന​തി​നാ​ൽ നി​ല​വി​ലെ സാ​ഹ​ച​ര്യ​ത്തി​ൽ ക​നാ​ൽ പ്ര​ദേ​ശ​ങ്ങ​ളി​ൽ വ​ലി​യ പ്ര​ശ​ന​ങ്ങ​ൾ​ക്കി​ട​യാ​ക്കും.

മാ​ലി​ന്യം അ​ടി​ഞ്ഞു​കൂ​ടി​യ​തി​നാ​ലും കാ​ട് നി​റ​ഞ്ഞ​തി​നാ​ലും ക​നാ​ൽ പ​ല സ്ഥ​ല​ങ്ങ​ളി​ലും ക​ര​ക​വി​യാ​നി​ട​യു​ണ്ട്. വി​വി​ധ പ്ര​ദേ​ശ​ങ്ങ​ളി​ലെ ക​നാ​ലി​ലെ നെ​റ്റു​ക​ളി​ലും പ​രി​സ​ര​ങ്ങ​ളി​ലു​മാ​ണ് മാ​ലി​ന്യം കു​ന്നു​കൂ​ടി​ക്കി​ട​ക്കു​ന്ന​ത്.

ദൂ​രെ​യു​ള്ള പ്ര​ദേ​ശ​ങ്ങ​ളി​ൽ നി​ന്ന​ട​ക്കം ഒ​ഴു​കി​വ​രു​ന്ന മാ​ലി​ന്യ​ങ്ങ​ളും പ​രി​സ​ര​ങ്ങ​ളി​ൽ​നി​ന്ന് ക​നാ​ലി​ൽ കൊ​ണ്ടി​ടു​ന്ന മാ​ലി​ന്യ​ങ്ങ​ളും ഇ​ത്ത​ര​ത്തി​ൽ നെ​റ്റു​ക​ൾ സ്ഥാ​പി​ച്ച ഭാ​ഗ​ങ്ങ​ളി​ൽ വ​ന്ന​ടി​യു​ന്ന​ത്​ പ​തി​വാ​ണ്.

മാ​ലി​ന്യം അ​ടി​ഞ്ഞു​കൂ​ടി​യ പ്ര​ദേ​ശ​ങ്ങ​ളി​ൽ ദു​ർ​ഗ​ന്ധ​വു​മു​ണ്ടാ​കാ​റു​ണ്ട്. മു​ൻ വ​ർ​ഷ​ങ്ങ​ളി​ൽ ഇ​ത്ത​ര​ത്തി​ൽ ആ​ലു​വ ന​ഗ​ര പ​രി​ധി​യി​ൽ മാ​ലി​ന്യം വ​ന്ന​ടി​ഞ്ഞി​രു​ന്നു. തു​ട​ർ​ന്ന് മാ​ലി​ന്യം കോ​രി ക​ര​യി​ലി​ടാ​ൻ ശ്ര​മി​ച്ച​ത് പ​ല​പ്പോ​ഴും പ്ര​ശ്ന​ങ്ങ​ൾ​ക്കി​ട​യാ​ക്കി.

ക​നാ​ലി​ൽ ചു​ണ​ങ്ങം​വേ​ലി​ക്കും അ​ശോ​ക​പു​ര​ത്തി​നു​മി​ട​യി​ലാ​ണ് മാ​ലി​ന്യം ത​ള്ള​ൽ വ്യാ​പ​ക​മാ​യി​ട്ടു​ള്ള​ത്. ചീ​ഞ്ഞ​ളി​ഞ്ഞ മാ​ലി​ന്യം വ​രെ ഈ ​പ്ര​ദേ​ശ​ത്ത് വി​വി​ധ ഭാ​ഗ​ങ്ങ​ളി​ലാ​യി ത​ള്ള​പ്പെ​ടു​ന്നു​ണ്ട്. പ​ല​ഭാ​ഗ​ങ്ങ​ളി​ൽ നി​ന്നും മാ​ലി​ന്യ​ങ്ങ​ൾ ഇ​വി​ടെ കൊ​ണ്ടി​ടു​ന്ന​താ​യി നാ​ട്ടു​കാ​ർ ആ​രോ​പി​ക്കു​ന്നു.

മാ​ലി​ന്യ​വും കാ​ടും മൂ​ലം പ​ല​പ്പോ​ഴും ക​നാ​ൽ ക​ര​ക​വി​ഞ്ഞ് പ​രി​സ​ര​ത്തെ വീ​ടു​ക​ളി​ൽ വെ​ള്ളം ക​യ​റു​ക​യും നാ​ശ​ന​ഷ്ടം സം​ഭ​വി​ക്കു​ക​യും ചെ​യ്തി​രു​ന്നു.

മാ​ലി​ന്യ​ത്തി​ന് പ്ര​ധാ​ന കാ​ര​ണം കൈ​യേ​റ്റം

ക​നാ​ലി​ൽ മാ​ലി​ന്യം അ​ടി​യു​ന്ന​ത്തി​ന് പ്ര​ധാ​ന കാ​ര​ണം പ​രി​സ​ര​ങ്ങ​ളി​ലെ കൈ​യേ​റ്റ​ങ്ങ​ളാ​ണ്. ക​നാ​ലി​ലേ​ക്കെ​ത്തു​ന്ന മാ​ലി​ന്യ​ത്തി​ൽ ഭൂ​രി​ഭാ​ഗ​വും കൈ​യേ​റ്റ പ്ര​ദേ​ശ​ങ്ങ​ളി​ൽ​നി​ന്നാ​ണ്. ക​നാ​ൽ പു​റ​മ്പോ​ക്കി​ലും മ​റ്റു​മാ​യി ക​നാ​ലി​ന്‍റെ തീ​ര​ങ്ങ​ളി​ൽ നി​ര​വ​ധി സ്ഥാ​പ​ന​ങ്ങ​ൾ പ്ര​വ​ർ​ത്തി​ക്കു​ന്നു​ണ്ട്. ഇ​റ​ച്ചി​ക്ക​ട​ക​ൾ, കോ​ഴി​ക്ക​ക​ൾ, മീ​ൻ വി​ൽ​പ​ന ശാ​ല​ക​ൾ തു​ട​ങ്ങി​യ സ്ഥാ​പ​ന​ങ്ങ​ളാ​ണ് ക​നാ​ൽ പു​റ​മ്പോ​ക്കി​ൽ കൂ​ടു​ത​ലാ​യും ഉ​ള്ള​ത്. ഇ​ത്ത​രം ക​ട​ക​ളി​ൽ പ​ല​തി​ന്‍റെ​യും മാ​ലി​ന്യം ക​നാ​ലി​ലേ​ക്കാ​ണ് ത​ള്ളു​ന്ന​തെ​ന്ന് ആ​ക്ഷേ​പ​മു​ണ്ട്. ചി​ല സ്ഥാ​പ​ന​ങ്ങ​ളി​ൽ​നി​ന്ന് മാ​ലി​ന്യം ഒ​ഴു​ക്കി​വി​ടാ​ൻ സ്ഥി​ര​മാ​യി പൈ​പ്പു​ക​ൾ വ​രെ ക​നാ​ലി​ലേ​ക്ക് സ്ഥാ​പി​ച്ചി​ട്ടു​ണ്ട്.