സർവീസ് വയറിൽ കുടുങ്ങിയ പ്രാവിന്​ അഗ്നിരക്ഷാസേന തുണയായി

ആലുവ: സർവീസ് വയറിൽ കുടുങ്ങിയ പ്രാവിന് അഗ്നിരക്ഷാസേന രക്ഷകരായി. ആലുവ മാർക്കറ്റിൽ ഞായറാഴ്ച്ച രാവിലെ പത്തുമണിയോടെയാണ് ഇലക്ട്രിക് പോസ്റ്റിൽ നിന്നുള്ള സർവീസ് വയറിൽ പ്രാവ് കുടുങ്ങിയത്.

ഉടനെ സമീപത്ത വ്യാപാരിയായ ഹക്കിം ആലുവ അഗ്നിരക്ഷാസേനയെ വിവരമറിയിച്ചു. അവരെത്തി പ്രാവിനെ രക്ഷപ്പെടുത്തുകയായിരുന്നു. പ്രാവി​െൻറ ഒരു കാലിൽ പരുക്ക് പറ്റിയിരുന്നു. ഇതേ തുടർന്ന്, മാർക്കറ്റിൽ സാധനങ്ങൾ വാങ്ങാനെത്തിയ മെഡിക്കൽ കോളജ് വെള്ളിനപറമ്പിൽ സീന പ്രാവിനെ പരിപാലിക്കാനായി ഏറ്റെടുത്തു. സീന പ്രാവുകളെ വളർത്തുന്നുണ്ട്.