സ്ലാബുകൾ തകർന്ന കാനകൾ ‘ചതിക്കുഴി’ ഒരുക്കുന്നു

ആ​ലു​വ: ബൈ​പാ​സ് അ​ടി​പ്പാ​ത​ക​ളി​ൽ സ്ലാ​ബു​ക​ൾ ത​ക​ർ​ന്ന കാ​ന​ക​ൾ അ​പ​ക​ട​ങ്ങ​ൾ​ക്കി​ട​യാ​ക്കു​ന്നു. കാ​ന​യി​ൽ വീ​ണ് ഓ​ട്ടോ​റി​ക്ഷ​ക്ക് ത​ക​രാ​ർ സം​ഭ​വി​ച്ചു. തി​ര​ക്കേ​റി​യ സ​മ​യ​ത്ത് ഗ​താ​ഗ​ത​ക്കു​രു​ക്കി​നും അ​പ​ക​ടം വ​ഴി​യൊ​രു​ക്കി. മേ​ൽ​പാ​ല​ത്തി​ന് കീ​ഴി​ൽ നി​ര​വ​ധി അ​ടി​പ്പാ​ത​ക​ളു​ണ്ട്. ഈ ​വ​ഴി​ക​ളി​ലെ കാ​ന​ക​ളാ​ണ് അ​പ​ക​ട​ങ്ങ​ൾ​ക്കി​ട​യാ​ക്കു​ന്ന​ത്. ഇ​ത്ത​ര​ത്തി​ൽ, വ​ള​വി​ൽ സ്ലാ​ബി​ല്ലാ​ത്ത കാ​ന​യി​ലാ​ണ് തി​ങ്ക​ളാ​ഴ്ച വൈ​കീ​ട്ട് ഓ​ട്ടോ​റി​ക്ഷ വീ​ണ​ത്.

ന​ഗ​ര​ത്തി​ൽ നി​ന്നു​ള്ള വാ​ഹ​ന​ങ്ങ​ൾ ദേ​ശീ​യ​പാ​ത​യി​ലേ​ക്ക് പോ​കു​ന്ന വ​ഴി​യി​ലാ​ണ് അ​പ​ക​ട​മു​ണ്ടാ​യ​ത്. സ​ർ​വി​സ് റോ​ഡി​ൽ മാ​ർ​ക്ക​റ്റ് ഭാ​ഗ​ത്ത് ബ​സു​ക​ൾ നി​ർ​ത്തു​ന്ന പ്ര​ദേ​ശം കൂ​ടി​യാ​ണി​ത്. അ​തി​നാ​ൽ ഗ​താ​ഗ​ത​ക്കു​രു​ക്ക് രൂ​ക്ഷ​മാ​കാ​നും ഇ​ത് ഇ​ട​യാ​ക്കി. മാ​ർ​ക്ക​റ്റ് പ​രി​സ​ര​ത്തെ അ​ടി​പ്പാ​ത​യി​ലാ​ണ് കൂ​ടു​ത​ൽ അ​പ​ക​ട ഭീ​ഷ​ണി. ന​ഗ​ര​ത്തി​ൽ​നി​ന്ന് അ​ങ്ക​മാ​ലി ഭാ​ഗ​ത്തേ​ക്കു​ള്ള എ​ല്ലാ വാ​ഹ​ന​ങ്ങ​ളും ഇ​തു​വ​ഴി​യാ​ണ് ദേ​ശീ​യ​പാ​ത​യി​ലേ​ക്ക് പോ​കു​ന്ന​ത്.

ഈ ​വ​ഴി​യു​ടെ വ​ള​വി​ലാ​ണ് പ്ര​ധാ​ന​മാ​യും സ്ലാ​ബ് ത​ക​ർ​ന്ന​ത്. വ​ർ​ഷ​ങ്ങ​ളാ​യി ഈ ​അ​വ​സ്ഥ തു​ട​രു​ന്നു. തി​ര​ക്കേ​റി​യ ഈ ​ഭാ​ഗ​ത്ത് ഇ​രു​ച​ക്ര വാ​ഹ​ന​ങ്ങ​ള​ട​ക്കം കാ​ന​യി​ൽ ചാ​ടു​ന്ന​തും പ​തി​വാ​ണ്. ഈ ​പ്ര​ശ്നം ചൂ​ണ്ടി​ക്കാ​ട്ടി ന​ഗ​ര​സ​ഭ​യ​ട​ക്കം നി​ര​വ​ധി പ​രാ​തി ന​ൽ​കി​യി​രു​ന്നു.