അങ്കമാലി -കുണ്ടന്നൂർ എൻ.എച്ച് ബൈപാസ്; ഹൈ​കോ​ട​തി​യെ സ​മീ​പി​ക്കു​മെ​ന്ന്​ ആ​ക്​​ഷ​ൻ കൗ​ൺ​സി​ൽ

കാ​ഞ്ഞൂ​ർ: നി​ർ​ദി​ഷ്ട അ​ങ്ക​മാ​ലി -കു​ണ്ട​ന്നൂ​ർ ദേ​ശീ​യ പാ​ത ബൈ​പാ​സി​ന്​ സ്ഥ​ലം ഏ​റ്റെ​ടു​ക്കു​ന്ന​തി​നെ​തി​രെ വി​വി​ധ ആ​വ​ശ്യ​ങ്ങ​ൾ ഉ​ന്ന​യി​ച്ച്​ ​ആ​ക്​​ഷ​ൻ കൗ​ൺ​സി​ലി​ന്‍റെ നേ​തൃ​ത്വ​ത്തി​ൽ ഭൂ​വു​ട​മ​ക​ൾ യോ​ഗം ചേ​ർ​ന്നു. വീ​ടു​ക​ൾ​ക്ക് കാ​ല​പ്പ​ഴ​ക്കം ക​ണ​ക്കാ​ക്കാ​തെ ന​ഷ്ട​പ​രി​ഹാ​രം ന​ൽ​കു​ക, ഭൂ​മി ഏ​റ്റെ​ടു​ത്ത ശേ​ഷം ബാ​ക്കി​വ​രു​ന്ന ഉ​പ​യോ​ഗ​ശൂ​ന്യ​മാ​കു​ന്ന സ്ഥ​ല​ങ്ങ​ൾ കൂ​ടി ഏ​റ്റെ​ടു​ക്കു​ക തു​ട​ങ്ങി​യ ആ​വ​ശ്യ​ങ്ങ​ൾ ഉ​ന്ന​യി​ച്ചു.

ഇ​ത്​ നേ​ടി​യെ​ടു​ക്കാ​ൻ ബ​ന്ധ​പ്പെ​ട്ട അ​ധി​കാ​രി​ക​ൾ​ക്ക് പ​രാ​തി ന​ൽ​കാ​നും ഹൈ​കോ​ട​തി​യെ സ​മീ​പി​ക്കാ​നും ആ​ക്ഷ​ൻ കൗ​ൺ​സി​ൽ തീ​രു​മാ​നി​ച്ചു. പ​ദ്ധ​തി​ക്കാ​യി കാ​ഞ്ഞൂ​ർ പ​ഞ്ചാ​യ​ത്തി​ൽ 200ഓ​ളം വീ​ടു​ക​ളാ​ണ്​ വി​ട്ടു​കൊ​ടു​ക്കേ​ണ്ടി വ​രു​ന്ന​തെ​ന്ന്​ യോ​ഗം വി​ല​യി​രു​ത്തി. ഏ​റ്റ​വു​മ​ധി​കം വീ​ടു​ക​ൾ ന​ഷ്ട​മാ​കു​ന്ന​തും ഈ ​പ​ഞ്ചാ​യ​ത്തി​ലാ​ണ്.

ദേ​ശീ​യ പാ​ത നി​യ​മ പ്ര​കാ​രം ഭൂ​മി ഏ​റ്റെ​ടു​ത്തു ക​ഴി​ഞ്ഞാ​ൽ കൂ​ടു​ത​ൽ ന​ഷ്ട​പ​രി​ഹാ​ര​ത്തി​ന്​ കോ​ട​തി​യെ സ​മീ​പി​ക്കാ​നാ​കി​ല്ല. ജി​ല്ല ക​ല​ക്ട​ർ ആ​ണ് അ​ന്തി​മ ന​ഷ്ട​പ​രി​ഹാ​രം നി​ശ്ച​യി​ക്കു​ന്ന​ത്. കൂ​ടു​ത​ൽ വി​ല കി​ട്ടു​വാ​ൻ ക​ല​ക്ട​ർ​ക്ക് ത​ന്നെ​യാ​ണ്​ ഭൂ​ഉ​ട​മ​ക​ൾ അ​പ്പീ​ൽ ന​ൽ​കേ​ണ്ട​തെ​ന്നും യോ​ഗം ചൂ​ണ്ടി​ക്കാ​ട്ടി. ഇ​ത​ട​ക്കം ആ​വ​ശ്യ​ങ്ങ​ൾ​ക്ക്​ പ​രി​ഹാ​രം തേ​ടി​യാ​ണ്​ അ​ധി​കാ​രി​ക​ളെ സ​മീ​പി​ക്കു​ന്ന​ത്. കാ​ഞ്ഞൂ​ർ സെ​ന്‍റ്​ സെ​ബാ​സ്റ്റ്യ​ൻ​സ്​ സ്കൂ​ൾ ഓ​ഡി​റ്റോ​റി​യ​ത്തി​ൽ ചേ​ർ​ന്ന യോ​ഗ​ത്തി​ൽ ആ​ക്​​ഷ​ൻ കൗ​ൺ​സി​ൽ ചെ​യ​ർ​മാ​ൻ ആ​ന്‍റ​ണി പാ​റ​ക്ക, ക​ൺ​വീ​ന​ർ സ​ജി കു​ടി​യി​രി​പ്പി​ൽ, വാ​ർ​ഡ് അം​ഗ​ങ്ങ​ളാ​യ പ്രി​യ ര​ഖു, സ​ത്യ​ൻ എ​ന്നി​വ​രും സം​സാ​രി​ച്ചു.