നിരോധനത്തിന്​ പുല്ലുവില; അങ്കമാലിയെ വലച്ച്​ അനധികൃത പാർക്കിങ്

അ​ങ്ക​മാ​ലി: പ​ട്ട​ണ​ത്തി​ലെ ഗ​താ​ഗ​ത​സ്തം​ഭ​നം തീ​രാ​ദു​രി​ത​മാ​യ​തോ​ടെ ടൗ​ണി​ലെ എ​സ്.​ബി.​ഐ​ക്ക് സ​മീ​പ​ത്തെ ബ​സ്​ സ്റ്റോ​പ്പ് മു​ന്നോ​ട്ട് മാ​റ്റി റോ​ഡി​ന്റെ വ​ശ​ങ്ങ​ളി​ൽ പാ​ർ​ക്കി​ങ് നി​രോ​ധി​ച്ച്​ ബോ​ർ​ഡു​ക​ൾ സ്ഥാ​പി​ച്ചെ​ങ്കി​ലും നോ​ക്കു​കു​ത്തി​യാ​യ​താ​യി ആ​ക്ഷേ​പം. എം.​സി റോ​ഡും ദേ​ശീ​യ​പാ​ത​യും സം​ഗ​മി​ക്കു​ന്ന അ​ങ്ക​മാ​ലി ടൗ​ണി​ലെ റോ​ഡി​​ന്‍റെ വ​ശ​ങ്ങ​ളി​ൽ അ​ന​ധി​കൃ​ത പാ​ർ​ക്കി​ങ് വീ​ണ്ടും വി​ല്ല​നാ​വു​ക​യാ​ണ്.

ടൗ​ണി​ലു​ട​നീ​ളം ‘നോ ​പാ​ർ​ക്കി​ങ്’ ബോ​ർ​ഡു​ക​ൾ സ്ഥാ​പി​ച്ചി​ട്ടു​ണ്ടെ​ങ്കി​ലും അ​തൊ​ന്നും ആ​രും വ​ക​വെ​ക്കു​ന്നി​ല്ല. അ​ങ്ക​മാ​ലി​യി​ലേ​ക്ക് വ​രു​ന്ന​തി​നും പ​റ​വൂ​ർ, മാ​ള, ക​ണ​ക്ക​ൻ​ക​ട​വ് ഭാ​ഗ​ങ്ങ​ളി​ലേ​ക്ക് പോ​കു​ന്ന​തി​നു​മു​ള്ള പ്ര​ധാ​ന ബ​സ്​​സ്റ്റോ​പ്പി​നാ​ണ് ഈ ​ദു​ര​വ​സ്ഥ. ട്രാ​ഫി​ക് റെ​ഗു​ലേ​റ്റ​റി ക​മ്മി​റ്റി തീ​രു​മാ​ന​പ്ര​കാ​രം ജോ​സ് ജ്വ​ല്ല​റി​ക്ക് മു​ൻ​ഭാ​ഗ​ത്താ​ണ് ബ​സ് ​സ്റ്റോ​പ്പ് അ​നു​വ​ദി​ച്ചി​രു​ന്ന​ത്. ബ​സു​ക​ൾ നി​ർ​ത്തി​യി​രു​ന്ന​തും അ​വി​ടെ​യാ​യി​രു​ന്നു. കാ​ൽ​ന​ട​ക്കാ​ർ​ക്ക് ഏ​റെ ബു​ദ്ധി​മു​ട്ടു​ണ്ടാ​ക്കി​യ അ​ശാ​സ്ത്രീ​യ ബ​സ് കാ​ത്തു​നി​ൽ​പു​കേ​ന്ദ്രം ന​ഗ​ര​സ​ഭ ഇ​ട​പെ​ട്ടാ​ണ് അ​ടു​ത്തി​ടെ പൊ​ളി​ച്ചു​മാ​റ്റി​യ​ത്. അ​ന​ധി​കൃ​ത പാ​ർ​ക്കി​ങ് ഒ​ഴി​വാ​ക്കാ​ൻ ന​ട​പ​ടി എ​ടു​ക്കാ​ത്ത​തി​നാ​ൽ പ​ല​പ്പോ​ഴും ബ​സു​ക​ൾ​ക്ക് റോ​ഡി​ൽ​ത​ന്നെ നി​ർ​ത്തി​യി​ടേ​ണ്ട അ​വ​സ്ഥ​യാ​ണ്.

ഗ​താ​ഗ​ത മ​ന്ത്രി​യു​ടെ നി​ർ​ദേ​ശ​ത്തെ​തു​ട​ർ​ന്ന് എം.​സി റോ​ഡി​ൽ​നി​ന്ന് തൃ​ശൂ​ർ ഭാ​ഗ​ത്തേ​ക്ക്‌ സെ​ൻ​ട്ര​ൽ ജ​ങ്ഷ​നി​ലെ ട്രാ​ഫി​ക് സി​ഗ്‌​ന​ൽ ലൈ​റ്റ് പ്ര​കാ​രം 30 സെ​ക്ക​ൻ​ഡ് സ​മ​യം അ​നു​വ​ദി​ച്ചി​രു​ന്ന​ത് ഇ​പ്പോ​ൾ 15 ആ​ക്കി കു​റ​ച്ചു. ഇ​തു​മൂ​ലം ഗ​താ​ഗ​ത​ക്കു​രു​ക്ക് ഒ​ലി​യാ​ൻ ക​പ്പേ​ള വ​രെ നീ​ളു​ക​യാ​ണ്. അ​ന​ധി​കൃ​ത പാ​ർ​ക്കി​ങ് ഒ​ഴി​വാ​ക്കാ​ൻ പൊ​ലീ​സ് അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന് പ്രൈ​വ​റ്റ് ബ​സ് ഓ​പ​റേ​റ്റേ​ഴ്സ് അ​സോ​സി​യേ​ഷ​ൻ അ​ങ്ക​മാ​ലി മേ​ഖ​ല പ്ര​സി​ഡ​ന്റ് എ.​പി. ജി​ബി, സെ​ക്ര​ട്ട​റി ബി.​ഒ. ഡേ​വി​സ് എ​ന്നി​വ​ർ ആ​വ​ശ്യ​പ്പെ​ട്ടു.