പെ​രി​ങ്ങ​ൽ​കു​ത്ത് ഡാം ​തു​റ​ന്നു; ചാലക്കുടിപ്പുഴയിൽ ജലനിരപ്പ്​ ഉയർന്നു, തീരവാസികൾ ആശങ്കയിൽ

അ​ങ്ക​മാ​ലി: പെ​രി​ങ്ങ​ൽ​കു​ത്ത് ഡാം ​തു​റ​ന്ന​തോ​ടെ ചാ​ല​ക്കു​ടി​പ്പു​ഴ​യി​ൽ ജ​ല​നി​ര​പ്പ്​ ഉ​യ​ർ​ന്നു. ഇ​തോ​ടെ, പു​ഴ​യു​ടെ ക​ര​ക​ളി​ൽ താ​മ​സി​ക്കു​ന്ന​വ​ർ ആ​ശ​ങ്ക​യി​ൽ. സം​ഭ​ര​ണ​ശേ​ഷി​യു​ടെ പ​രി​ധി ക​വി​ഞ്ഞ​തോ​ടെ ബു​ധ​നാ​ഴ്ച​യാ​ണ് പെ​രി​ങ്ങ​ൽ​കു​ത്ത് ഡാം ​തു​റ​ന്ന​ത്. പു​ഴ​യി​ൽ മ​ണി​ക്കൂ​റു​ക​ൾ​ക്ക​കം മൂ​ന്ന​ടി​യോ​ളം ജ​ലം ഉ​യ​ർ​ന്നു.

പെ​രി​ങ്ങ​ൽ​കു​ത്ത് ഡാം ​തു​റ​ന്നാ​ൽ പ്ര​ധാ​ന​മാ​യും തൃ​ശൂ​ർ, എ​റ​ണാ​കു​ളം ജി​ല്ല​ക​ളെ ബ​ന്ധി​പ്പി​ക്കു​ന്ന ചാ​ല​ക്കു​ടി​പ്പു​ഴ​യി​ലേ​ക്കാ​യി​രി​ക്കും വെ​ള്ളം ഒ​ഴു​കി​യെ​ത്തു​ക. ഡാം ​തു​റ​ന്ന​ത് ജി​ല്ല​യു​ടെ തെ​ക്ക്, പ​ടി​ഞ്ഞാ​റ​ൻ പ്ര​ദേ​ശ​ങ്ങ​ളി​ൽ താ​മ​സി​ക്കു​ന്ന പ​ല കു​ടും​ബ​ങ്ങ​ളും അ​റി​ഞ്ഞി​ട്ട് പോ​ലു​മി​ല്ല​ത്രെ. മ​ഴ ശ​ക്തി​പ്രാ​പി​ച്ചാ​ൽ പെ​രി​ങ്ങ​ൽ​കു​ത്തി​നു മു​ക​ളി​ൽ സ്ഥി​തി ചെ​യ്യു​ന്ന അ​പ്പ​ർ ഷോ​ള​യാ​ർ, ലോ​വ​ർ ഷോ​ള​യാ​ർ, പ​റ​മ്പി​ക്കു​ളം, തു​വെ​ള്ള​പ്പാ​രം, തൂ​ണ​ക്ക​ട​വ് തു​ട​ങ്ങി​യ അ​ഞ്ച് ഡാ​മു​ക​ൾ കൂ​ടി തു​റ​ക്കേ​ണ്ടി​വ​രും.

അ​തോ​ടെ വെ​ള്ളം ഒ​ന്നാ​കെ ചാ​ല​ക്കു​ടി​പ്പു​ഴ​യി​ലേ​ക്കാ​യി​രി​ക്കും ഒ​ഴു​കി​വ​രി​ക. ചാ​ല​ക്കു​ടി​പ്പു​ഴ ക​ര​ക​വി​ഞ്ഞാ​ൽ അ​ന്ന​മ​ന​ട മു​ത​ൽ ജി​ല്ല​യു​ടെ പ്ര​ദേ​ശ​ങ്ങ​ൾ ഉ​ൾ​പ്പെ​ട്ട കാ​ടു​കു​റ്റി, പാ​ലി​ശ്ശേ​രി, പു​വ്വ​ത്തു​ശ്ശേ​രി, പാ​റ​ക്ക​ട​വ്, കൊ​ച്ചു​ക​ട​വ്, എ​ര​വ​ത്തൂ​ർ, കു​ത്തി​യ​തോ​ട്, മൂ​ഴി​ക്കു​ളം തു​ട​ങ്ങി​യ പ്ര​ദേ​ശ​ങ്ങ​ളി​ലും പാ​റ​ക്ക​ട​വ്, കു​ന്നു​ക​ര, പു​ത്ത​ൻ​വേ​ലി​ക്ക​ര തു​ട​ങ്ങി​യ പ്ര​ദേ​ശ​ങ്ങ​ളി​ലും അ​നേ​കം കു​ടും​ബ​ങ്ങ​ൾ കെ​ടു​തി​യി​ൽ​പ്പെ​ടും.

പെ​രി​യാ​റും ചാ​ല​ക്കു​ടി​യാ​റും സം​ഗ​മി​ക്കു​ന്ന​ത് പു​ത്ത​ൻ​വേ​ലി​ക്ക​ര പ​ഞ്ചാ​യ​ത്തി​ലെ ഇ​ള​ന്തി​ക്ക​ര​യി​ലാ​ണ്. ചാ​ല​ക്കു​ടി​പ്പു​ഴ ക​ര​ക​വി​ഞ്ഞാ​ൽ മാ​ഞ്ഞാ​ലി​ത്തോ​ട്, ആ​ലു​വ​ത്തോ​ട് അ​ട​ക്ക​മു​ള്ള ഇ​ട​ത്തോ​ടു​ക​ളി​ലും കൈ​വ​ഴി​ക​ളി​ലും ജ​ല​നി​ര​പ്പ്​ ഉ​യ​രും.

2018ലെ ​പ്ര​ള​യ​ത്തി​ലും തു​ട​ർ​ന്നു​ള്ള വ​ർ​ഷ​ങ്ങ​ളി​ലും ചാ​ല​ക്കു​ടി​പ്പു​ഴ ക​ര​ക​വി​ഞ്ഞൊ​ഴു​കി​യി​രു​ന്നു. മു​ന്ന​റി​യി​പ്പോ ആ​വ​ശ്യ​മാ​യ മു​ൻ​ക​രു​ത​ലു​ക​ളോ ജാ​ഗ്ര​ത നി​ർ​ദ്ദേ​ശ​ങ്ങ​ളോ ഇ​ല്ലാ​തെ പെ​രി​ങ്ങ​ൽ​കു​ത്ത് ഡാ​മു​മാ​യി ബ​ന്ധ​പ്പെ​ട്ട അ​പ്പ​ർ ഷോ​ള​യാ​ർ, ലോ​വ​ർ ഷോ​ള​യാ​ർ, പ​റ​മ്പി​ക്കു​ളം തു​ട​ങ്ങി​യ ഡാ​മു​ക​ൾ ഏ​തെ​ങ്കി​ലും തു​റ​ന്നാ​ൽ പോ​ലും ചാ​ല​ക്കു​ടി​പ്പു​ഴ​യോ​ര​ത്ത് താ​മ​സി​ക്കു​ന്ന​വ​ർ ദു​രി​തം പേ​റേ​ണ്ടി​വ​രും.

2018ലും 2019​ലും ഒ​രു ജാ​ഗ്ര​ത നി​ർ​ദ്ദേ​ശ​വും ന​ൽ​കാ​തെ എ​ല്ലാ ഡാ​മു​ക​ളും തു​റ​ന്ന​തോ​ടെ​യാ​ണ് ചാ​ല​ക്കു​ടി​പ്പു​ഴ​യെ പ്ര​ള​യം വി​ഴു​ങ്ങി​യ​ത്.