ലഹരി വസ്തുക്കളുമായി യുവാവ് പിടിയിൽ
text_fieldsചെറായി: ലഹരി വസ്തുക്കളുമായി യുവാവിനെ എക്സൈസ് സംഘം അറസ്റ്റ് ചെയ്തു. എടവനക്കാട് അണിയിൽ-ഇഖ്ബാൽ റോഡിൽ മുക്കത്ത് വീട്ടിൽ ജെൻസൺ ബെർണാഡ് ആംബ്രോസാണ് (27) അറസ്റ്റിലായത്.
ഞാറക്കൽ പൊലീസും എക്സൈസും സംയുക്തമായി തിങ്കളാഴ്ച ഉച്ചയോടെ ഇയാളുടെ വീട്ടിൽ നടത്തിയ റെയ്ഡിൽ 1.16 ഗ്രാം എം.ഡി.എം.എ, 7.45 ഗ്രാം ചരസ്, 10.3 ഗ്രാം കഞ്ചാവ്, 3.36 ഗ്രാം ഹഷീഷ് ഓയിൽ എന്നിവ കണ്ടെടുത്തിരുന്നു. എടവനക്കാട് ഉൾപ്പെടെ വൈപ്പിനിലെ വിവിധയിടങ്ങളിൽ ലഹരി വസ്തുക്കൾ വിൽപന നടത്തുന്നയാളാണ് പ്രതിയെന്ന് എക്സൈസ് പറഞ്ഞു.
റെയ്ഡിന് ഞാറക്കൽ സി.ഐ എ.എൽ. യേശുദാസ്, എക്സൈസ് ഇൻസ്പെക്ടർ എം.ഒ. വിനോദ്, എറണാകുളം എക്സൈസ് ഇന്റലിജൻസ് ബ്യൂറോ ഇൻസ്പെക്ടർ മനോജ് കുമാർ, പ്രിവന്റിവ് ഓഫിസർ എൻ.ജി. അജിത് എന്നിവർ നേതൃത്വം നൽകി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.