ഗിഫ്​റ്റ് സിറ്റി ഭാഗത്ത്​ ​ഉരുൾപൊട്ടൽ സാധ്യത: എറണാകുളം ജി​ല്ല ദു​ര​ന്ത​നി​വാ​ര​ണ അ​തോ​റി​റ്റിയാണ്​ മുന്നറിയിപ്പ്​ നൽകിയത്​

അ​യ്യ​മ്പു​ഴ: മ​ല​യോ​ര മേ​ഖ​ല​യാ​യ അ​യ്യ​മ്പു​ഴ ഗി​ഫ്റ്റ് സി​റ്റി പ​ദ്ധ​തി പ്ര​ദേ​ശ​ത്ത് ഉ​രു​ൾ​പൊ​ട്ടൽ മു​ന്ന​റി​യി​പ്പു​മാ​യി ജി​ല്ല ദു​ര​ന്ത​നി​വാ​ര​ണ അ​തോ​റി​റ്റി. സം​സ്ഥാ​ന​ത്ത് മ​ഴ ശ​ക്ത​മാ​കു​ന്ന സാ​ഹ​ച​ര്യ​ത്തി​ൽ ജി​യ​ളോ​ജി​ക്ക​ൽ സ​ർ​വേ ഓ​ഫ് ഇ​ന്ത്യ​യു​ടെ​യും കേ​ര​ള സം​സ്ഥാ​ന ദു​ര​ന്ത​നി​വാ​ര​ണ അ​തോ​റി​റ്റി​യു​ടെ​യും റി​പ്പോ​ർ​ട്ട് പ്ര​കാ​രം ജ​ന​ങ്ങ​ളെ മാ​റ്റി പാ​ർ​പ്പി​ക്കേ​ണ്ട​താ​യ ഉ​രു​ൾ​പൊ​ട്ടാ​ൻ സാ​ധ്യ​ത​യു​ള്ള പ്ര​ദേ​ശ​ങ്ങ​ളു​ടെ ലി​സ്​​റ്റി​ലാ​ണ് ഗി​ഫ്റ്റ് സി​റ്റി പ​ദ്ധ​തി​ക്കാ​യി ക​ണ്ടെ​ത്തി​യി​രി​ക്കു​ന്ന അ​യ്യ​മ്പു​ഴ പ​ഞ്ചാ​യ​ത്തി​ലെ മു​ണ്ടോ​പു​റം, താ​ണി​ക്കൊ​ട് ഭാ​ഗ​ങ്ങ​ളെ ഉ​ൾ​പ്പെ​ടു​ത്തി​യി​രി​ക്കു​ന്ന​ത്. നി​ല​വി​ലെ നോ​ട്ടീ​സ് പ്ര​കാ​രം പ​ദ്ധ​തി പ്ര​ദേ​ശ​ത്തി​ന് പു​റ​ത്തു​ള്ള പ​ഞ്ചാ​യ​ത്തി​ലെ ത​ന്നെ അ​ഞ്ചു​സ്ഥ​ല​ങ്ങ​ളി​ൽ കൂ​ടി മ​ണ്ണി​ടി​ച്ചി​ലി​നും ഉ​രു​ൾ​പൊ​ട്ട​ലി​നും സാ​ധ്യ​ത​യു​ണ്ട്.

മു​ൻ വ​ർ​ഷ​ങ്ങ​ളി​ൽ മൂ​ന്ന് പ്രാ​വ​ശ്യം ഉ​രു​ൾ​പൊ​ട്ടി മ​ണ്ണി​ടി​ച്ചി​ൽ ഉ​ണ്ടാ​കു​ക​യും ആ​ളു​ക​ളെ മാ​റ്റി​പാ​ർ​പ്പി​ക്കു​ക​യും ചെ​യ്ത പ്ര​ദേ​ശ​ത്തെ സം​ര​ക്ഷി​ക്കു​ന്ന​തി​നോ, വ​ർ​ഷ​ങ്ങ​ളാ​യി പ്ര​വ​ർ​ത്തി​ച്ചു കൊ​ണ്ടി​രി​ക്കു​ന്ന ക​രി​ങ്ക​ൽ ക്വ​റി​ക​ളെ നി​യ​ന്ത്രി​ക്കു​ന്ന​തി​നോ ഒ​രു ന​ട​പ​ടി​യും സ​ർ​ക്കാ​ർ-​ഉ​ദ്യോ​ഗ​സ്ഥ​ത​ല​ത്തി​ൽ​നി​ന്ന്​ ഉ​ണ്ടാ​യി​ട്ടി​ല്ലെ​ന്ന് പ്ര​ദേ​ശ​വാ​സി​ക​ൾ ആ​രോ​പി​ക്കു​ന്നു. എ​ല്ലാ നി​യ​മ​ങ്ങ​ളും ലം​ഘി​ച്ച് എ​ട്ടോ​ളം വ​ൻ പാ​റ​മ​ട​ക​ളാ​ണ് മേ​ഖ​ല​യി​ൽ പ്ര​വ​ർ​ത്തി​ക്കു​ന്ന​ത്. ഗി​ഫ്റ്റ് സി​റ്റി പ​ദ്ധ​തി​ക്കാ​യി ക​ണ്ടെ​ത്തി​യി​രി​ക്കു​ന്ന​ത് പ​രി​സ്ഥി​തി​ദു​ർ​ബ​ല പ്ര​ദേ​ശ​മാ​ണെ​ന്നും മു​മ്പും ഇ​വി​ടെ പ്ര​കൃ​തി ദു​ര​ന്ത​ങ്ങ​ൾ ഉ​ണ്ടാ​യി​ട്ടു​ണ്ടെ​ന്നു​മു​ള്ള കാ​ര്യ​ങ്ങ​ൾ തു​ട​ക്കം മു​ത​ലേ ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രെ അ​റി​യി​ച്ചി​രു​ന്നെ​ങ്കി​ലും ആ ​വി​ഷ​യ​ത്തി​ൽ മ​തി​യാ​യ കൂ​ടി​യാ​ലോ​ച​ന​യോ, പ​ഠ​ന​മോ ന​ട​ത്താ​തെ തി​ടു​ക്ക​ത്തി​ലു​ള്ള ഭൂ​മി ഏ​റ്റെ​ടു​ക്ക​ൽ ന​ട​പ​ടി​യു​മാ​യി അ​ധി​കൃ​ത​ർ മു​ന്നോ​ട്ടു പോ​കു​ക​യാ​യി​രു​ന്നെ​ന്ന് ജ​ന​കീ​യ മു​ന്നേ​റ്റ സ​മി​തി ക​ൺ​വീ​ന​ർ ബി​ജോ​യ് ചെ​റി​യാ​ൻ പ​റ​യു​ന്നു.

2018ൽ ​ഉ​രു​ൾ​പൊ​ട്ടി​യ​പ്പോ​ൾ വീ​ട്ടി​ൽ​നി​ന്ന്​ മാ​റി താ​മ​സി​ച്ചി​രു​ന്നെ​ന്നും എ​ന്നാ​ൽ, അ​തി​നു​ശേ​ഷ​വും നി​ര​വ​ധി പ​രാ​തി​ക​ൾ ന​ൽ​കി​യി​ട്ടും മ​ണ്ണി​ടി​ച്ചി​ലു​ണ്ടാ​യ പ്ര​ദേ​ശ​ത്തു​നി​ന്ന്​ മീ​റ്റ​റു​ക​ൾ മാ​ത്രം ദൂ​ര​ത്തി​ൽ പ്ര​വ​ർ​ത്തി​ക്കു​ന്ന ക്വ​റി​ക​ളു​ടെ പ്ര​വ​ർ​ത്ത​നം നി​ർ​ത്തു​ന്ന​തി​ന്​ ത​യാ​റാ​യി​ട്ടി​ല്ലെ​ന്നും പ്ര​ദേ​ശ​വാ​സി​ക​ൾ ആ​രോ​പി​ക്കു​ന്നു.

അ​പ​ക​ട​മേ​ഖ​ല​യി​ൽ​നി​ന്ന്​ സു​ര​ക്ഷി​ത ഇ​ട​ങ്ങ​ളി​ലേ​ക്ക് മാ​റാ​മെ​ന്ന് താ​മ​സ​ക്കാ​ർ അ​റി​യി​ച്ചെ​ങ്കി​ലും ദു​ര​ന്ത​ങ്ങ​ൾ ഒ​ഴി​വാ​ക്കു​ന്ന​തി​ന് ഒ​രു ന​ട​പ​ടി​യും സ്വീ​ക​രി​ക്കാ​തെ പി​ന്നെ​യും പ്ര​കൃ​തി ചൂ​ഷ​ണം േപ്രാ​ത്സാ​ഹി​പ്പി​ക്കു​ന്ന ത​ര​ത്തി​ലു​ള്ള സ​ർ​ക്കാ​ർ ന​ട​പ​ടി​യി​ൽ, മു​ന്ന​റി​യി​പ്പ് നോ​ട്ടീ​സ് ന​ൽ​കാ​നെ​ത്തി​യ ഉ​ദ്യോ​ഗ​സ്ഥ​രെ പ്ര​ദേ​ശ​വാ​സി​ക​ൾ പ്ര​തി​ഷേ​ധം അ​റി​യി​ച്ചു.