ചേലക്കുളം ഖാദി യൂനിറ്റ്​ പ്രവര്‍ത്തനം താളംതെറ്റി

കി​ഴ​ക്ക​മ്പ​ലം: കി​ഴ​ക്ക​മ്പ​ലം പ​ഞ്ചാ​യ​ത്തി​ലെ ചേ​ല​ക്കു​ള​ത്ത് പ്ര​വ​ര്‍ത്തി​ക്കു​ന്ന ഖാ​ദി യൂ​ണി​റ്റി​ന്റെ പ്ര​വ​ര്‍ത്ത​നം താ​ളം തെ​റ്റി. അ​റു​പ​തി​ല്‍ പ​രം തൊ​ഴി​ലാ​ളി​ക​ള്‍ ജോ​ലി ചെ​യ്തി​രു​ന്ന സ്ഥാ​പ​ന​ത്തി​ല്‍ നി​ല​വി​ല്‍ 13 പേ​ര്‍ മാ​ത്ര​മാ​ണു​ള്ള​ത്. തു​ട​ക്ക​ത്തി​ല്‍ സോ​പ്പു, നോ​ട്ട് ബു​ക്ക്, സ​ര്‍ക്കാ​റിന്റെ ഫ​യ​ല്‍ ബോ​ര്‍ഡ്, ക​ട​ലാ​സ് ക്യാ​രി ബാ​ഗ് നി​ർ​മാ​ണം ന​ട​ന്നി​രു​ന്നു. എ​ന്നാ​ല്‍ തു​ട​ക്ക​ത്തി​ല്‍ ത​ന്നെ സോ​പ്പ്, നോ​ട്ട്ബു​ക്ക് തു​ട​ങ്ങി​യ​വ​യു​ടെ ഉ​ല്പാ​ദ​നം നി​ല​ച്ചു. പി​ന്നീ​ട് ഫ​യ​ല്‍ബോ​ര്‍ഡു നി​ര്‍മ്മാ​ണം മാ​ത്ര​മാ​ണ് ചെ​റി​യ തോ​തി​ല്‍ ന​ട​ന്ന​ത്. എ​ന്നാ​ല്‍ ലോ​ട്ട​റി വേ​സ്റ്റ് കി​ട്ടാ​നി​​ല്ലെ​ന്ന കാ​ര​ണ​ത്താ​ൽ ഫ​യ​ല്‍ നി​ര്‍മ്മാ​ണ​വും നി​ര്‍ത്തി.

വ​ര്‍ഷ​ങ്ങ​ള്‍ക്കു​മു​മ്പ് ക​ട​ലാ​സ് ക്യാ​രി ബാ​ഗ് നി​ർ​മാ​ണം തു​ട​ങ്ങി​യെ​ങ്കി​ലും യ​ന്ത്ര​ത്തി​ന്റെ ത​ക​രാ​ര്‍ മൂ​ലം അ​തു തു​ട​രാ​നാ​യി​ല്ല. തു​ട​ർ​ന്ന്​ ഡി​റ്റ​ർ​ജ​ന്‍റ്​ യൂ​നി​റ്റ്​ മ​ന്ത്രി പി.​രാ​ജീ​വ് ഉ​ദ്ഘാ​ട​നം ചെ​യ്​​തെ​ങ്കി​ലും ര​ണ്ട്​ ദി​വ​സ​ത്തി​ന​കം അ​തും നി​ല​ച്ചു. ര​ണ്ടു​ദി​വ​സ​ത്തി​ന​കം ഓ​രോ​കി​ലോ പാ​യ്ക്ക​റ്റു​ക​ളി​ലാ​ക്കി കൊ​ടു​ത്ത​യ​ച്ചു. പി​ന്നീ​ട് അ​തി​ന്റെ് ഒ​രു ജോ​ലി​യും ഉ​ണ്ടാ​യി​ട്ടി​ല്ല.

1984 ലാ​ണ് ചേ​ല​ക്കു​ള​ത്ത് ഖാ​ദി​യൂ​നി​റ്റി​നു അ​ന്ന​ത്തെ മു​ഖ്യ​മ​ന്ത്രി കെ. ​ക​രു​ണാ​ക​ര​ന്‍ ത​റ​ക്ക​ല്ലി​ട്ട​ത്. 2000ല്‍ ​മു​ഖ്യ​മ​ന്ത്രി​യാ​യി​രു​ന്ന ഇ.​കെ. നാ​യ​നാ​ര്‍ യൂ​നി​റ്റി​ന്റെ ഉ​ദ്ഘാ​ട​നം നി​ര്‍വ​ഹി​ച്ചു.

കോ​ടി​ക​ള്‍ വി​ല​മ​തി​ക്കു​ന്ന വി​സ്തൃ​തമാ​യ കെ​ട്ടി​ട​സമ​ുച്ച​യ​വും ഓ​ഫീ​സ് സൗ​ക​ര്യ​ങ്ങ​ളും ഇ​വി​ടെ​യു​ണ്ടെ​ങ്കി​ലും പ​തി​റ്റാ​ണ്ടു​ക​ളാ​യി​ട്ടും സൗ​ക​ര്യ​ങ്ങ​ള്‍ പ്ര​യോ​ജ​ന​പ്പെ​ടു​ത്താ​ന്‍ ഖാ​ദി ബോ​ര്‍ഡി​നു സാ​ധി​ച്ചി​ട്ടി​ല്ല.