d

അവരെത്താം; ഒരുങ്ങിയിരിക്കിൻ chn haikku വോട്ടർ ​തിരിഞ്ഞുനോക്കി. അതാ മുറ്റത്തൊരു മന്ത്രി. സംശയമില്ല മന്ത്രി തന്നെ, കണ്ണ്​ തിരുമ്മി ഒന്നൂടെ നോക്കി. ദാ അപ്പുറത്തൊരു മുൻ മന്ത്രി. തൃക്കാക്കരയിലെ അവസ്​ഥ ഇപ്പോൾ ഇങ്ങനെയാണ്​. 'ഗ്രാമം നിറയെ കുഴികൾ ' എന്നത്​ ഒരു സർക്കാർ പദ്ധതിയാണ്​. അതു ​പോലെയാണ്​ ഇപ്പോൾ കാര്യങ്ങൾ. നാടുമുഴുവൻ മന്ത്രിമാരും നേതാക്കളും. സെഞ്ച്വറി പോരാട്ടമായതുകൊണ്ട്​ ക്യാപ്​റ്റൻ തന്നെയാണ്​ ബാറ്റിങിന്​ ഇറങ്ങിയത്​. തമ്പടിച്ചാണ്​ പ്രചാരണം. മന്ത്രിസഭാ യോഗം ഓൺലൈനായി! മന്ത്രിമാർ, മുൻ മന്ത്രിമാർ, ചെറുകിട വൻകിട ഇടത്തരം നേതാക്കൾ ഒക്കെ തൃക്കാക്കരയിലുണ്ട്​. ഒരു ലോഡ്ജുപോലും ഒഴിവില്ല. എല്ലാം നേതാക്കൾക്കായി ബുക്ക്​ ചെയ്തിരിക്കുകയാണത്രെ. എതിർ ടീമിൽ മന്ത്രി പത്രാസില്ലന്നേ ഉള്ളൂ. മുൻ മുഖ്യമന്ത്രി, മുൻ ആഭ്യന്തര മന്ത്രി അങ്ങനെ ഒരുപാട്​ 'മുൻ' നിര നേതാക്കൾ പ്രചാരണത്തിനുണ്ട്​. കുടുംബ യോഗം, ഫ്ലാറ്റ്​ സന്ദർശനം, കൺവെൻഷൻ ഒക്കെയുണ്ട്​. പ്രധാന ചടങ്ങുകൾ എന്തായാലും ഫ്ലാറ്റ്​ കയറി ഇറങ്ങി നേതാക്കൾ ഒരുവഴിക്കാവും. കാരണം ​അത്രക്കുണ്ട്​ ഫ്ലാറ്റുകൾ തൃക്കാക്കരയിൽ. വോട്ടർമാരെ ഫ്ലാറ്റാക്കലാണ്​ മുഖ്യം. ടി.വിയിൽ ഇരുന്ന്​ ഞാൻ പറയാം, ഞാൻ പറയാം എന്നൊക്കെ പറയുന്ന നേതാക്കളെ നേരിൽ കാണാൻ കിട്ടിയതിന്‍റെ ത്രില്ലിലാണ്​ നാട്ടുകാർ. അല്ലേലും ഉപ തെരഞ്ഞെടുപ്പ്​ വന്നാലെ നാട്ടുകാർക്ക്​ ഇതുപോലൊരു അവസരം കിട്ടൂ. 31 വരെ നാട്ടുകാർക്ക്​ ഒരു മുട്ടുമില്ല. മഴയിൽ മരം വീണാൽ വെട്ടാൻ സ്ഥാനാർഥി പാഞ്ഞെത്തും. ഇല്ലെങ്കിൽ പാർട്ടിക്കാരെത്തും. എല്ലാം ക്ലീനാക്കിയിട്ടേ പോകൂ. സ്വീകരണത്തിൽ കിട്ടുന്ന പഴം, പച്ചക്കറിയെല്ലാം നാട്ടുകാർക്ക്​. ആഹാ! അതിനാൽ വോട്ടർമാരെ തയാറായിരിക്കുവിൻ, പ്രതീക്ഷിക്കാത്ത ദിവസത്തിലും അറിയാത്ത മണിക്കൂറിലും അവരെത്തും. സൈക്കിൾ റിക്ഷയിലും കുതിരപ്പുറത്തും. അവർ പ്രത്യക്ഷപ്പെടും. അവരെ സ്വീകരിക്കാൻ ഒരുങ്ങിയിരിക്കുവിൻ. ഹൈക്കു