ഓണക്കാലത്തും റേഷൻ വിതരണം മുടങ്ങി

മ​ട്ടാ​ഞ്ചേ​രി: കാ​ർ​ഡു​ട​മ​ക​ളെ വ​ല​ച്ച് ഓ​ണ​ക്കാ​ല​ത്തും റേ​ഷ​ൻ വി​ത​ര​ണം മു​ട​ങ്ങി. തൊ​ഴി​ലാ​ളി സ​മ​രം മൂ​ല​മാ​ണ് റേ​ഷ​ൻ വി​ത​ര​ണം മു​ട​ങ്ങി​യ​ത്.

വാ​തി​ൽ​പ​ടി റേ​ഷ​ൻ വി​ത​ര​ണം ന​ട​ത്തു​ന്ന ക​രാ​റു​കാ​ർ​ക്ക് കൂ​ലി ല​ഭി​ക്കാ​ത്ത​താ​ണ് ഇ​ത്ത​വ​ണ​യും സ​മ​ര​ത്തി​നി​ട​യാ​ക്കി​യ​ത്. ക​ഴി​ഞ്ഞ നാ​ല് മാ​സ​മാ​യി സ​ർ​ക്കാ​ർ ന​ൽ​കേ​ണ്ട വാ​തി​ൽ​പ്പ​ടി വി​ത​ര​ണ കൂ​ലി ന​ൽ​കാ​ത്ത​ത് മൂ​ലം തു​ട​ർ​ച്ച​യാ​യി എ​ല്ലാ മാ​സ​വും സ​മ​രം മൂ​ലം വി​ത​ര​ണ സ്തം​ഭ​നം തു​ട​രു​ക​യാ​ണ്.

സ​മ​ര പ്ര​തി​സ​ന്ധി​യി​ൽ ക​രാ​റു​കാ​രു​മാ​യി ഒ​ത്തു​തീ​ർ​പ്പു​ണ്ടാ​ക്കു​മെ​ങ്കി​ലും അ​ത് പാ​ലി​ക്ക​പ്പെ​ടാ​ത്ത​താ​ണ് തു​ട​ർ​സ​മ​ര​ങ്ങ​ൾ​ക്കി​ട​യാ​ക്കു​ന്ന​തെ​ന്ന് ബ​ന്ധ​പ്പെ​ട്ട​വ​ർ ചൂ​ണ്ടി​ക്കാ​ട്ടു​ന്നു. കൂ​ലി കു​ടി​ശ്ശി​ക​യെ തു​ട​ർ​ന്ന് റേ​ഷ​ൻ വാ​തി​ൽ​പ​ടി തൊ​ഴി​ലാ​ളി​ക​ളും വ​ണ്ടി ഉ​ട​മ​ക​ളും സ​മ​രം തു​ട​ങ്ങി​യ​തോ​ടെ റേ​ഷ​ൻ വി​ത​ര​ണം സ്തം​ഭ​നാ​വ​സ്ഥ​യി​ലാ​ണ്. എ​ഫ്.​സി ഐ ​ഗോ​ഡൗ​ണി​ൽ​നി​ന്ന് സാ​ധ​ന​ങ്ങ​ൾ ക​യ​റ്റി​റ​ക്ക് ന​ട​ത്തു​ന്ന തൊ​ഴി​ലാ​ളി​ക​ളും സാ​ധ​ന​ങ്ങ​ൾ റേ​ഷ​ൻ ക​ട​ക​ളി​ലേ​ക്ക് എ​ത്തി​ക്കു​ന്ന ലോ​റി ഉ​ട​മ​ക​ളു​മാ​ണ് സ​മ​ര​ത്തി​ലു​ള്ള​ത്.

ഇ​വ​ർ​ക്ക് മാ​സ​ങ്ങ​ളാ​യി കൂ​ലി​യോ വ​ണ്ടി വാ​ട​ക​യോ ക​രാ​റു​കാ​ർ ന​ൽ​കു​ന്നി​ല്ല. ക​രാ​റു​കാ​ർ​ക്ക് സ​ർ​ക്കാ​ർ ന​ൽ​കാ​നു​ള്ള കു​ടി​ശ്ശി​ക ന​ൽ​കാ​ത്ത​താ​ണ് തൊ​ഴി​ലാ​ളി​ക​ൾ​ക്ക് കൂ​ലി കു​ടി​ശ്ശി​ക വ​രാ​ൻ കാ​ര​ണ​മെ​ന്നാ​ണ് ക​രാ​റു​കാ​ർ പ​റ​യു​ന്ന​ത്. ഇ​നി അ​വ​ധി ദി​ന​ങ്ങ​ൾ ക​ഴി​ഞ്ഞ് ബു​ധ​നാ​ഴ്ച മു​ത​ൽ മാ​ത്ര​മേ റേ​ഷ​ൻ ക​ട​ക​ളി​ൽ സാ​ധ​ന​ങ്ങ​ൾ വി​ത​ര​ണം ന​ട​ക്കു​ക​യു​ള്ളു.

റേ​ഷ​ൻ സാ​ധ​ന​ങ്ങ​ൾ എ​ത്താ​താ​യ​തോ​ടെ ഓ​ണ​ക്കാ​ല​ത്തും പ​ല ക​ട​ക​ളും തു​റ​ക്കാ​ൻ ക​ഴി​യാ​ത്ത അ​വ​സ്ഥ​യാ​ണ്. റേ​ഷ​ൻ സാ​ധ​ന​ങ്ങ​ൾ വാ​ങ്ങാ​ൻ കാ​ർ​ഡ് ഉ​ട​മ​ക​ൾ എ​ത്തു​മ്പോ​ൾ സാ​ധ​ന​ങ്ങ​ൾ ഇ​ല്ലാ​യെ​ന്ന് പ​റ​യു​ന്ന​ത് മൂ​ലം വ്യാ​പാ​രി​ക​ളും കാ​ർ​ഡ് ഉ​ട​മ​ക​ളും ത​മ്മി​ൽ വാ​ക്കേ​റ്റ​മു​ണ്ടാ​കു​ന്നു​മു​ണ്ട്. സ​മ​രം തു​ട​ർ​ന്നാ​ൽ അ​ത് റേ​ഷ​ൻ വി​ത​ര​ണ​ത്തെ കാ​ര്യ​മാ​യി ബാ​ധി​ക്കും.