മൂലമ്പിള്ളി പുനരധിവാസം നടപ്പാക്കിയിട്ടുമതി കെ-റെയിലിന് കല്ലിടൽ -മുഹമ്മദ് ഷിയാസ്

കൊ​ച്ചി: 13 വ​ർ​ഷം മു​മ്പ്​ കു​ടി​യി​റ​ക്കി​യ 316 കു​ടും​ബ​ത്തെ വ​ഴി​യാ​ധാ​ര​മാ​ക്കി​യ​വ​ർ വീ​ണ്ടും മ​റ്റൊ​രു പ​ദ്ധ​തി​യു​മാ​യി പാ​വ​പ്പെ​ട്ട ജ​ന​ങ്ങ​ളെ കു​ടി​യി​റ​ക്കാ​ൻ വ​ന്നാ​ൽ അ​നു​വ​ദി​ക്കി​ല്ലെ​ന്ന് ഡി.​സി.​സി ​പ്ര​സി​ഡ​ന്‍റ്​ മു​ഹ​മ്മ​ദ് ഷി​യാ​സ്. പി​ണ​റാ​യി വി​ജ​യ​നും സി.​പി.​എ​മ്മി​നും ലാ​വ​ലി​ൻ മോ​ഡ​ൽ ക​മീ​ഷ​ന​ടി​ക്കാ​ൻ സാ​ധാ​ര​ണ​ക്കാ​രു​ടെ വീ​ടും സ്ഥ​ല​വും ബ​ലം പ്ര​യോ​ഗി​ച്ച് ഏ​റ്റെ​ടു​ക്കാ​നു​ള്ള നീ​ക്കം അ​നു​വ​ദി​ക്കി​ല്ല. കൊ​ച്ചി​യി​ൽ മു​ഖ്യ​മ​ന്ത്രി​യു​ടെ കെ-​റെ​യി​ൽ വി​ശ​ദീ​ക​ര​ണ യോ​ഗ​ത്തി​ന് തൊ​ട്ടു​പി​ന്നാ​ലെ മാ​ധ്യ​മ​ങ്ങ​ളോ​ട് സം​സാ​രി​ക്കു​ക​യാ​യി​രു​ന്നു ഷി​യാ​സ്.

സ​ർ​വേ​ക്ക​ല്ല് പി​ഴു​താ​ൽ കെ-​റെ​യി​ൽ ഇ​ല്ലാ​താ​വി​ല്ലെ​ന്ന കോ​ടി​യേ​രി​യു​ടെ പ്ര​തി​ക​ര​ണം ത​മാ​ശ​യാ​ണ്. മു​ഖ്യ​മ​ന്ത്രി പ​റ​ഞ്ഞ​തു​ത​ന്നെ​യാ​ണ് ഞ​ങ്ങ​ൾ തി​രി​ച്ചും പ​റ​യു​ന്ന​ത്, പി​ടി​വാ​ശി കാ​ട്ടി​യാ​ൽ വ​ഴ​ങ്ങി​ല്ല. വ​ല്ലാ​ർ​പാ​ടം പ​ദ്ധ​തി​ക്കു​വേ​ണ്ടി ഏ​ഴ് വി​ല്ലേ​ജി​ൽ​നി​ന്ന് കു​ടി​യി​റ​ക്ക​പ്പെ​ട്ട 316 കു​ടും​ബ​ത്തി​ൽ 56 പേ​ർ​ക്ക് മാ​ത്ര​മാ​ണ് പു​ന​ര​ധി​വാ​സം സാ​ധ്യ​മാ​യ​ത്. ആ​നു​കൂ​ല്യം കി​ട്ടാ​തെ 32 പേ​ർ മ​രി​ച്ചു. പു​ന​ര​ധി​വാ​സ​ത്തി​ന്​ കൈ​മാ​റി​യ ഏ​ഴ്​ സൈ​റ്റി​ൽ വ​ടു​ത​ല സൈ​റ്റ് മാ​ത്ര​മാ​ണ് വാ​സ​യോ​ഗ്യ​മാ​യ​ത്. വാ​സ​യോ​ഗ്യ​മാ​യ ഭൂ​മി ല​ഭ്യ​മാ​ക്കും വ​രെ 5000 രൂ​പ വീ​തം മാ​സ​വാ​ട​ക ന​ൽ​ക​ണ​മെ​ന്ന ഹൈ​കോ​ട​തി ഉ​ത്ത​ര​വു​പോ​ലും ലം​ഘി​ച്ച സ​ർ​ക്കാ​റാ​ണി​ത്. ഇ​നി ഒ​രു​കു​ടും​ബ​ത്തെ​യും ജി​ല്ല​യി​ൽ കു​ടി​യി​റ​ക്കാ​ൻ അ​നു​വ​ദി​ക്കി​ല്ലെ​ന്നും ഷി​യാ​സ് പ​റ​ഞ്ഞു.

മുഖ്യമന്ത്രി പിടിവാശി ഉപേക്ഷിക്കണം

കൊ​ച്ചി: കെ-​റെ​യി​ൽ ന​ട​പ്പാ​ക്കു​മെ​ന്ന ദു​ശ്ശാ​ഠ്യ​ത്തി​ല്‍നി​ന്ന്​ മു​ഖ്യ​മ​ന്ത്രി പി​ന്തി​രി​യ​ണ​മ​ന്ന് ഇ​ന്ത്യ​ന്‍ ഹ്യൂ​മ​ന്‍ റൈ​റ്റ്സ് വാ​ച്ച് വി​ളി​ച്ച കൊ​ച്ചി​യി​ലെ സാ​മൂ​ഹി​ക സം​ഘ​ട​ന നേ​താ​ക്ക​ളു​ടെ യോ​ഗം ആ​വ​ശ്യ​പ്പെ​ട്ടു. പ​ദ്ധ​തി ജ​ന​ഹി​ത​ത്തി​ന് അ​നു​കൂ​ല​മാ​ണോ​യെ​ന്ന് അ​ന്വേ​ഷി​ക്കാ​നാ​ണ് മു​ഖ്യ​മ​ന്ത്രി ത​യാ​റാ​കേ​ണ്ട​ത്. അ​ല്ലാ​തെ ജി​ല്ല​ക​ള്‍തോ​റും സ​മ്മേ​ള​ന​ങ്ങ​ള്‍ വി​ളി​ച്ച്​ എ​ന്തു​വി​ല​കൊ​ടു​ത്തും പ​ദ്ധ​തി ന​ട​പ്പാ​ക്കു​മെ​ന്ന ദു​ര്‍വാ​ശി പ്ര​ഖ്യാ​പി​ക്കു​ക​യ​ല്ല വേ​ണ്ട​ത്. കൊ​ച്ചി​യി​ലെ മു​ഖ്യ​മ​ന്ത്രി​യു​ടെ വി​ശ​ദീ​ക​ര​ണ സ​മ്മേ​ള​ന​ത്തി​ല്‍ സാ​മൂ​ഹി​ക-​മ​നു​ഷ്യാ​വ​കാ​ശ സം​ഘ​ട​ന​ക​ളെ പ​ങ്കെ​ടു​പ്പി​ച്ചി​ല്ല.പ​ദ്ധ​തി സം​ബ​ന്ധി​ച്ച് ബോ​ധ​വ​ത്ക​ര​ണ പ​രി​പാ​ടി​ക​ള്‍ ന​ട​പ്പാ​ക്കാ​നും സ​മ​ര പ​ര​മ്പ​ര​ക​ള്‍ ആ​രം​ഭി​ക്കാ​നും നേ​തൃ​യോ​ഗം തീ​രു​മാ​നി​ച്ചു. ഇ​തി​നാ​യി എ​റ​ണാ​കു​ളം ഗാ​ന്ധി​സ്ക്വ​യ​റി​ല്‍ 16ന് ​ക​ണ്‍വെ​ന്‍ഷ​ന്‍ വി​ളി​ച്ചു​ചേ​ര്‍ക്കും. ഇ​ന്ത്യ​ന്‍ ഹ്യൂ​മ​ന്‍ റൈ​റ്റ്സ് വാ​ച്ച് പ്ര​സി​ഡ​ന്‍റ് ഫെ​ലി​ക്സ് ജെ. ​പു​ല്ലൂ​ട​ന്‍ അ​ധ്യ​ക്ഷ​ത വ​ഹി​ച്ചു. ഗാ​ന്ധി​യ​ന്‍ ക​ല​ക്ടി​വ് ജ​ന​റ​ല്‍ സെ​ക്ര​ട്ട​റി വി.​എം. മൈ​ക്കി​ള്‍ മു​ഖ്യ​പ്ര​ഭാ​ഷ​ണം ന​ട​ത്തി. പി.​എ. പ്രേം ​ബാ​ബു, കെ.​പി. സേ​തു​നാ​ഥ്, ഡോ. ​ബാ​ബു ജോ​സ​ഫ്, സു​നി​ല്‍കു​മാ​ര്‍, കെ.​ഡി. മാ​ര്‍ട്ടി​ന്‍, ആ​ദം അ​യ്യൂ​ബ് എ​ന്നി​വ​ര്‍ സം​സാ​രി​ച്ചു.

സമരം ശക്തമാക്കാൻ ഡി.സി.സി തീരുമാനം

കൊ​ച്ചി: കെ-​റെ​യി​ൽ പ​ദ്ധ​തി​ക്കെ​തി​രെ സ​മ​രം ശ​ക്ത​മാ​ക്കാ​ൻ ഡി.​സി.​സി നേ​തൃ​യോ​ഗം തീ​രു​മാ​നി​ച്ചു. മു​ഖ്യ​മ​ന്ത്രി​യു​ടെ വെ​ല്ലു​വി​ളി​ക്കും ഭീ​ഷ​ണി​ക്കും മു​ന്നി​ൽ മു​ട്ടു​മ​ട​ക്കേ​ണ്ട​തി​ല്ലെ​ന്നും ജ​ന​ങ്ങ​ളെ കു​ടി​യൊ​ഴി​പ്പി​ക്കു​ന്ന​ത് ത​ട​യാ​ൻ ഏ​ത​റ്റം വ​രെ​യും പോ​കാ​നും യോ​ഗം തീ​രു​മാ​നി​ച്ചു.

പ്ര​സി​ഡ​ന്‍റ്​ മു​ഹ​മ്മ​ദ് ഷി​യാ​സ് അ​ധ്യ​ക്ഷ​ത വ​ഹി​ച്ചു. കെ.​പി.​സി.​സി വൈ​സ് പ്ര​സി​ഡ​ന്‍റ്​ വി.​ജെ. പൗ​ലോ​സ് ഉ​ദ്ഘാ​ട​നം ചെ​യ്തു. മൂ​ല​മ്പി​ള്ളി ആ​വ​ർ​ത്തി​ക്കാ​തി​രി​ക്കാ​നു​ള്ള മു​ൻ​ക​രു​ത​ൽ എ​ടു​ക്കാ​നും ശ​ക്ത​മാ​യ പ്ര​ക്ഷോ​ഭ​വും ജ​ന​കീ​യ സ​ദ​സ്സു​ക​ളും സം​ഘ​ടി​പ്പി​ക്കാ​നും യോ​ഗം തീ​രു​മാ​നി​ച്ചു.

കെ. ​ബാ​ബു, എ​ൽ​ദോ​സ് കു​ന്ന​പ്പ​ള്ളി, അ​ൻ​വ​ർ സാ​ദ​ത്ത്, എ​ൻ. അ​ശോ​ക​ൻ, ദീ​പ്തി മേ​രി വ​ർ​ഗീ​സ്, കെ.​പി. ധ​ന​പാ​ല​ൻ, ജ​യ്സ​ൺ ജോ​സ​ഫ്, ജോ​സ​ഫ് വാ​ഴ​ക്ക​ൻ, ടോ​ണി ച​മ്മി​ണി, മു​ഹ​മ്മ​ദ് കു​ട്ടി മാ​സ്റ്റ​ർ, പി.​ഡി. മാ​ർ​ട്ടി​ൻ, കെ.​പി. ബേ​ബി എ​ന്നി​വ​ർ സം​സാ​രി​ച്ചു.