ഫോർട്ട്​കൊച്ചി ബോട്ട് ദുരന്തത്തിന്​ അഞ്ചുവയസ്സ്​

ഫോർട്ട്​കൊച്ചി: കോ​വി​ഡ് വ്യാ​പ​ന ഭീ​തി​ക്കി​ടെ കൊ​ച്ചി അ​ഴി​മു​ഖ ബോ​ട്ട​പ​ക​ട​ത്തി​െൻറ അ​ഞ്ചാം വാ​ർ​ഷി​കം അ​നു​സ്​​മ​ര​ണ ച​ട​ങ്ങു​ക​ൾ ഇ​ല്ലാ​തെ ക​ട​ന്നു​പോ​യി. 2015 ആ​ഗ​സ്​​റ്റ്​ 26ന് ​ഉ​ച്ച​ക്ക്​ 1.40ന് ​വൈ​പ്പി​നി​ൽ​നി​ന്ന് ഫോ​ർ​ട്ട്​​കൊ​ച്ചി​യി​ലേ​ക്ക് വ​രി​ക​യാ​യി​രു​ന്ന കൊ​ച്ചി ന​ഗ​ര​സ​ഭ​യു​ടെ ഭാ​ര​ത് എ​ന്ന യാ​ത്രാ ബോ​ട്ട് മ​ത്സ്യ ബ​ന്ധ​ന യാ​ന​ത്തി​െൻറ ഇ​ടി​യേ​റ്റ് ത​ക​ർ​ന്ന് മു​ങ്ങി താ​ഴു​ക​യാ​യി​രു​ന്നു.

നാ​ല് സ്ത്രീ​ക​ള​ട​ക്കം 11 പേ​രാ​ണ് അ​പ​ക​ട​ത്തി​ൽ മ​രി​ച്ച​ത്. ഇ​രു​പ​തോ​ളം പേ​ർ​ക്ക് പ​രി​ക്കേ​റ്റു. ര​ക്ഷ​പ്പെ​ട്ട ബോ​ട്ട് യാ​ത്ര​ക്കാ​ർ ഇ​ന്നും ഭ​യ​ത്തോ​ടെ​യാ​ണ് അ​പ​ക​ട നി​മി​ഷം ഓ​ർ​ക്കു​ന്ന​ത്.

ഫോ​ർ​ട്ട്​​കൊ​ച്ചി ജെ​ട്ടി​ക്ക് സ​മീ​പ​ത്ത് വെ​ച്ച് അ​മി​ത വേ​ഗ​ത്തി​ലെ​ത്തി​യ ഇ​ൻ​ബോ​ർ​ഡ് വ​ള്ള​മാ​ണ് യാ​ത്രാ ബോ​ട്ടി​നെ നെ​ടു​കെ പി​ള​ർ​ത്തി​യ​ത്. ഇത്​ സംബന്ധിച്ച അ​ന്വേ​ഷ​ണം എ​ങ്ങു​മെ​ത്തി​യി​ല്ല. നി​ര​ന്ത​ര പ്ര​തി​ഷേ​ധ സ​മ​ര​ങ്ങ​ളെ തു​ട​ർ​ന്നാ​ണ് കൊ​ച്ചി അ​ഴി​മു​ഖ​ത്ത് റോ ​റോ ജ​ങ്കാ​ർ സ​ർ​വി​സ് സം​വി​ധാ​നം യാ​ഥാ​ർ​ഥ്യ​മാ​യ​ത്. ദു​ര​ന്ത​ത്തി​ൽ​നി​ന്നും പാ​ഠ​മു​ൾ​ക്കൊ​ള്ളാ​തെയുള്ള അ​ഴി​മു​ഖ യാ​ത്ര ഇ​ന്നും ജ​ന​ങ്ങ​ൾ​ക്ക് ഭീ​തി​നി​റ​ഞ്ഞ​താ​ണ്.

കോ​വി​ഡ്​ വ്യാ​പ​ന​ത്തെ തു​ട​ർ​ന്ന് പ​ടി​ഞ്ഞാ​റ​ൻ കൊ​ച്ചി മു​ഴു​വൻ അ​ട​ച്ചു പൂ​ട്ടി​യ​തോ​ടെ അ​ഴി​മു​ഖ​ത്തെ ബോ​ട്ട്, റോ ​റോ വെ​സ​ൽ സ​ർ​വി​സു​ക​ൾ സ്തം​ഭി​ച്ചി​രി​ക്കു​ക​യാ​ണ്. സാ​ധാ​ര​ണ​യാ​യി ഓ​ർ​മ ദി​ന​ത്തി​ൽ നി​ര​വ​ധി സം​ഘ​ട​ന​ക​ളാ​ണ് അ​നു​സ്മ​ര​ണ ച​ട​ങ്ങു​ക​ൾ സം​ഘ​ടി​പ്പി​ക്കാ​റു​ള്ള​ത്.