അമ്പലമുകൾ വ്യവസായ മേഖലയിൽ വാതക ചോർച്ച; നിരവധി പേർക്ക്​ ദേഹാസ്വാസ്ഥ്യം

അ​മ്പ​ല​മേ​ട്: അ​മ്പ​ല​മുകൾ വ്യ​വ​സാ​യ മേ​ഖ​ല​യി​ലു​ണ്ടാ​യ വാ​ത​ക ചോ​ർ​ച്ച​യെ തു​ട​ർ​ന്ന്​ അ​യ്യ​കു​ഴി നി​വാ​സി​ക​ൾ​ക്ക് ദേ​ഹാ​സ്വാ​സ്​​ഥ്യ​വും ശ്വാ​സ​ത​ട​സ്സ​വും. വ്യാ​ഴാ​ഴ്ച രാ​ത്രി എ​ട്ടോ​ടെ അ​യ്യ​കു​ഴി പ്ര​ദേ​ശ​ത്ത് ക​ട ന​ട​ത്തി​യി​രു​ന്ന ബി​ജു ക​ട പൂ​ട്ടി വീ​ട്ടി​ലേ​ക്ക് പോ​കാ​ൻ ഒ​രു​ങ്ങു​മ്പോ​ഴാ​ണ് ശ്വാ​സം​മു​ട്ട് അ​നു​ഭ​വ​പ്പെ​ടു​ക​യും ഛർ​ദി​ക്കു​ക​യും ചെ​യ്ത​ത്.

സ​മ​ര​സ​മി​തി സെ​ക്ര​ട്ട​റി​യും ഹൃ​ദ്രോ​ഗി​യു​മാ​യ പ​ങ്ക​ജാ​ക്ഷ​നും ദേ​ഹാ​സ്വാ​സ്​​ഥ്യ​വും ശ്വാ​സ​ത​ട​സ്സ​വും അ​നു​ഭ​വ​പ്പെ​ട്ടു. ഇ​തോ​ടെ​യാ​ണ് എ​ച്ച്.​ഒ.​സി ക​മ്പ​നി​യു​ടെ ഭാ​ഗ​ത്ത് നി​ന്ന് ശ​ക്ത​മാ​യ പു​ക​യും തീ​ഗോ​ള​വും ശ്ര​ദ്ധ​യി​ൽ​പെ​ട്ട​ത്. വൈ​കീ​ട്ട് മു​ത​ൽ പ​ല​ർ​ക്കും ശ​ക്ത​മാ​യ ത​ല​വേ​ദ​ന അ​നു​ഭ​വ​പ്പെ​ട്ടി​രു​ന്നു. ഉ​ട​ൻ അ​റി​യി​ച്ച​ങ്കി​ലും ക​മ്പ​നി അ​ധി​കൃ​ത​ർ തി​രി​ഞ്ഞ് നോ​ക്കാ​ൻ പോ​ലും ത​യാ​റാ​യി​ല്ല​ന്ന് നാ​ട്ടു​കാ​ർ പ​റ​ഞ്ഞു.

രാ​ത്രി​യി​ൽ വാ​ഹ​ന​ങ്ങ​ൾ എ​ത്തി​പ്പെ​ടാ​ൻ ബു​ദ്ധി​മു​ട്ടു​ള്ള പ്ര​ദേ​ശ​മാ​യ​തി​നാ​ൽ ആ​ളു​ക​ളെ ആ​ശു​പ​ത്രി​യി​ലെ​ത്തി​ക്കാ​ൻ ആം​ബു​ല​ൻ​സ് വേ​ണ​മെ​ന്ന് ക​മ്പ​നി​യോ​ട് ആ​വ​ശ്യ​പ്പെ​ട്ട​ങ്കി​ലും അ​തി​നും ത​യാ​റാ​യി​ല്ല. ഇ​തി​ൽ പ്ര​തി​ഷേ​ധി​ച്ച് രാ​ത്രി വൈ​കി നാ​ട്ടു​കാ​ർ ക​മ്പ​നി ഗേ​റ്റി​ൽ കു​ത്തി​യി​രു​ന്ന് പ്ര​തി​ഷേ​ധി​ച്ചു.

രാ​ത്രി 12ന് ​ഷി​ഫ്റ്റ് ക​ഴി​ഞ്ഞ് ജോ​ലി​ക്കാ​ർ​ക്ക് ഇ​റ​ങ്ങി​പ്പോ​കാ​ൻ ക​ഴി​യാ​താ​യ​തോ​ടെ അ​മ്പ​ല​മേ​ട് പൊ​ലീ​സ് സ്ഥ​ല​ത്തെ​ത്തി സ​മ​ര​ക്കാ​രു​മാ​യി ച​ർ​ച്ച ന​ട​ത്തി​യ ശേ​ഷം ക​മ്പ​നി അ​ധി​കൃ​ത​രെ ബ​ന്ധ​പ്പെ​ടാ​ൻ ശ്ര​മി​ച്ചു. എ​ന്നാ​ൽ, ച​ർ​ച്ച​ക്ക് ത​യാ​റാ​കാ​തെ വ​ന്ന​തോ​ടെ പൊ​ലീ​സ് 108 ലേ​ക്ക് വി​ളി​ച്ച് ആം​ബു​ല​ൻ​സ് വ​രു​ത്തി​യാ​ണ് രോ​ഗി​ക​ളെ ആ​ശു​പ​ത്രി​യി​ൽ എ​ത്തി​ച്ച​ത്. ആ​ദ്യം തൃ​പ്പൂ​ണി​ത്തു​റ താ​ലൂ​ക്ക് ആ​ശു​പ​ത്രി​യി​ലും പി​ന്നീ​ട് എ​റ​ണാ​കു​ള​ത്തെ സ്വ​കാ​ര്യ ആ​ശു​പ​തി​യി​ലേ​ക്കും രോ​ഗി​ക​ളെ മാ​റ്റി. ക​മ്പ​നി അ​ധി​കൃ​ത​ർ ച​ർ​ച്ച​ക്ക് ത​യാ​റാ​ക​ത്തി​ലും പ്രാ​ഥ​മി​ക ന​ട​പ​ടി സ്വീ​ക​രി​ക്കാ​ത്ത​തി​ലും പ്ര​തി​ഷേ​ധി​ച്ച് നാ​ട്ടു​കാ​ർ പു​ല​ർ​ച്ചെ മൂ​ന്ന് വ​രെ ക​മ്പ​നി ഗേ​റ്റി​ൽ കു​ത്തി​യി​രു​ന്ന് സ​മ​രം ന​ട​ത്തി.

രോ​ഗി​ക​ളു​മാ​യി പോ​യ ആം​ബു​ല​ൻ​സ് അ​പ​ക​ട​ത്തി​ൽപെ​ട്ടു

അ​മ്പ​ല​മേ​ട്: അ​മ്പ​ല​മു​കൾ എ​ച്ച്.​ഒ.​സി ക​മ്പ​നി​യി​ലു​ണ്ടാ​യ വാ​ത​ക ചോ​ർ​ച്ച​യെ തു​ട​ർ​ന്ന് ശ്വാ​സ​ത​ട​സ്സം നേ​രി​ട്ട രോ​ഗി​ക​ളു​മാ​യി പോ​യ ആം​ബു​ല​ൻ​സ് ഇ​രു​മ്പ​നം പു​തി​യ റോ​ഡി​ൽ വ​ച്ച് ടോ​റ​സ് ടി​പ്പ​റു​മാ​യി ഇ​ടി​ച്ച് വാ​ഹ​ന​ത്തി​ലു​ണ്ടാ​യ രോ​ഗി​ക​ൾ​ക്ക് പ​രി​ക്കേ​റ്റു. ഇ​തേ​തു​ട​ർ​ന്ന് മ​റ്റൊ​രു ആം​ബു​ല​ൻ​സി​ൽ രോ​ഗി​ക​ളെ അ​തി​ലേ​ക്ക് മാ​റ്റി​യാ​ണ് ആ​ശു​പ​ത്രി​യി​ൽ എ​ത്തി​ച്ച​ത്. ടോ​റ​സ് ടി​പ്പ​റു​മാ​യി കൂ​ട്ടി​യി​ടി​ച്ച​തോ​ടെ ആം​ബു​ല​ൻ​സി​ന്‍റെ​മു​ൻ​വ​ശം പൂ​ർ​ണ​മാ​യും ത​ക​ർ​ന്നു.