ഹൈകോടതി വിധി ഫലംകാണുന്നു; മട്ടാഞ്ചേരി ജലമെട്രോ ടെർമിനൽ നിർമാണത്തിന്​

മ​ട്ടാ​ഞ്ചേ​രി: ഹൈ​കോ​ട​തി വി​ധി ഫ​ലം​ക​ണ്ടു​തു​ട​ങ്ങി; മ​ട്ടാ​ഞ്ചേ​രി ജ​ല മെ​ട്രോ ടെ​ർ​മി​ന​ൽ നി​ർ​മാ​ണം കൗ​ണ്ട്ഡൗ​ൺ ബോ​ർ​ഡ് സ്ഥാ​പി​ച്ച് വേ​ഗ​ത്തി​ലാ​ക്കി അ​ധി​കൃ​ത​ർ. നാ​ട്ടു​കാ​ർ​ക്ക് ഓ​ണ​സ​മ്മാ​ന​മാ​യി മ​ട്ടാ​ഞ്ചേ​രി ടെ​ർ​മി​ന​ൽ സ​മ​ർ​പ്പി​ക്കാ​നു​ള്ള ഒ​രു​ക്ക​ത്തി​ലാ​ണ് കെ.​എം.​ആ​ർ.​എ​ൽ. ജ​ല മെ​ട്രോ പ​ദ്ധ​തി​യു​ടെ ആ​ദ്യ​ഘ​ട്ട​ത്തി​ൽ നി​ർ​മാ​ണം ആ​രം​ഭി​ച്ച​താ​ണ് മ​ട്ടാ​ഞ്ചേ​രി ടെ​ർ​മി​ന​ൽ.

പ​ദ്ധ​തി പ്ര​കാ​രം ആ​ദ്യ​ഘ​ട്ട​ത്തി​ൽ നി​ർ​മാ​ണം പൂ​ർ​ത്തീ​ക​രി​ക്കു​ന്ന ആ​ദ്യ ജെ​ട്ടി​ക​ളി​ൽ ഒ​ന്നാ​യി​രി​ക്കും മ​ട്ടാ​ഞ്ചേ​രി ടെ​ർ​മി​ന​ൽ എ​ന്നാ​യി​രു​ന്നു അ​ധി​കൃ​ത​ർ അ​റി​യി​ച്ചി​രു​ന്ന​ത്.

എ​ന്നാ​ൽ, വി​വി​ധ കേ​ന്ദ്ര​ങ്ങ​ളി​ൽ ടെ​ർ​മി​ന​ലു​ക​ൾ പൂ​ർ​ത്തീ​ക​രി​ച്ച് സ​ർ​വി​സു​ക​ൾ ന​ട​ന്നി​ട്ടും മ​ട്ടാ​ഞ്ചേ​രി​യി​ൽ നി​ർ​മാ​ണം തു​ട​ങ്ങി​യി​ട​ത്ത് ത​ന്നെ​യാ​യി​രു​ന്നു. ക​രാ​റു​കാ​ര​ൻ തു​ക​യു​മാ​യി ‘മു​ങ്ങി’​യ​താ​ണ് ആ​ദ്യം പ്ര​ശ്ന​മാ​യ​ത്. വീ​ണ്ടും വി​വി​ധ കാ​ര​ണ​ങ്ങ​ളാ​ൽ പ​ദ്ധ​തി ഏ​താ​ണ്ട് നി​ല​ച്ച മ​ട്ടാ​യി​രു​ന്നു. ജ​ന​കീ​യ സ​മ​ര​ങ്ങ​ൾ പ​ല​തും ന​ട​ന്നെ​ങ്കി​ലും ഒ​ന്നും ഫ​ലം​ക​ണ്ടി​ല്ല.

ഇ​തേ​തു​ട​ർ​ന്നാ​ണ് ടി.​കെ. അ​ഷ്​​റ​ഫ്, ജു​നൈ​ദ് സു​ലൈ​മാ​ൻ, പ്ര​വീ​ൺ ച​ന്ദ്ര​ൻ എ​ന്നി​വ​ർ ചേ​ർ​ന്ന് ഹൈ​കോ​ട​തി​യെ സ​മീ​പി​ച്ച​ത്. 2023 സെ​പ്റ്റം​ബ​ർ 20ന് ​ജ​സ്റ്റി​സ് ദേ​വ​ൻ രാ​മ​ച​ന്ദ്ര​ൻ ടെ​ർ​മി​ന​ൽ ഒ​രു​വ​ർ​ഷ​ത്തി​ന​കം നി​ർ​മാ​ണം പൂ​ർ​ത്തീ​ക​രി​ച്ച് ജ​ന​ങ്ങ​ൾ​ക്ക് തു​റ​ന്നു​കൊ​ടു​ക്ക​ണ​മെ​ന്ന് ഉ​ത്ത​ര​വി​ട്ടു. മൂ​ന്നു​മാ​സം ടെ​ൻ​ഡ​ർ ന​ട​പ​ടി​ക്കും ഒ​മ്പ​തു​മാ​സം നി​ർ​മാ​ണ​ത്തി​നു​മെ​ന്ന നി​ർ​ദേ​ശ​മാ​ണ് ഉ​ത്ത​ര​വി​ൽ ചൂ​ണ്ടി​ക്കാ​ട്ടി​യി​രു​ന്ന​ത്.

ഹൈ​കോ​ട​തി​യു​ടെ ഈ ​ഉ​ത്ത​ര​വി​ന്‍റെ​കൂ​ടി പ​ശ്ചാ​ത്ത​ല​ത്തി​ലാ​ണ് നി​ർ​മാ​ണ പ്ര​വ​ർ​ത്ത​ന​ങ്ങ​ൾ കൗ​ണ്ട്ഡൗ​ൺ ബോ​ർ​ഡു​മാ​യി ഊ​ർ​ജി​ത​മാ​ക്കി​യി​രി​ക്കു​ന്ന​ത്. അ​തു​പ്ര​കാ​രം സെ​പ്റ്റം​ബ​ർ 19ന​കം നി​ർ​മാ​ണം പൂ​ർ​ത്തീ​ക​രി​ക്ക​ണം. ഏ​താ​യാ​ലും വി​ധി കു​റി​ക്കു​കൊ​ണ്ടു. പു​തി​യ ക​രാ​റു​കാ​ര​നാ​യി, നി​ർ​മാ​ണ​വും ധൃ​ത​ഗ​തി​യി​ലാ​യി. സെ​പ്റ്റം​ബ​ർ നാ​ലി​ന് നി​ർ​മാ​ണം പൂ​ർ​ത്തീ​ക​രി​ക്കാ​നാ​ണ് കൗ​ണ്ട്ഡൗ​ൺ ബോ​ർ​ഡ് സ്ഥാ​പി​ച്ചി​ട്ടു​ള്ള​ത്.