തിരുവൈരാണിക്കുളം ക്ഷേത്രം നടതുറപ്പ്​ ഇന്ന്

കാ​ല​ടി: ധ​നു​മാ​സ​ത്തി​ലെ തി​രു​വാ​തി​ര മു​ത​ൽ 12 ദി​വ​സം മാ​ത്രം തു​റ​ക്കു​ന്നു​വെ​ന്ന അ​പൂ​ർ​വ​ത​യു​ള്ള തി​രു​വൈ​രാ​ണി​ക്കു​ളം മ​ഹാ​ദേ​വ​ക്ഷേ​ത്ര​ത്തി​ലെ ശ്രീ​പാ​ർ​വ​തി ദേ​വി​യു​ടെ തി​രു​ന​ട വ്യാ​ഴാ​ഴ്ച രാ​ത്രി എ​ട്ടി​ന് തു​റ​ക്കും.

കാ​ല​ടി​ക്ക​ടു​ത്ത്​ കാ​ഞ്ഞൂ​ർ തൃ​ക്ക​ണി​ക്കാ​വി​​ൽ പെ​രി​യാ​റി​ന്‍റെ തീ​ര​ത്ത്​ സ്ഥി​തി​ചെ​യ്യു​ന്ന ഐ​തി​ഹ്യ​പ്ര​ധാ​ന​മാ​യ ക്ഷേ​ത്ര​ത്തി​ൽ ഉ​ത്സ​വ​ദി​ന​ങ്ങ​ളി​ൽ അ​ന്ത​ർ സം​സ്ഥാ​ന​ങ്ങ​ളി​ൽ നി​ന്ന​ട​ക്കം പ​തി​നാ​യി​ര​ക്ക​ണ​ക്കി​ന്​ ഭ​ക്ത​ജ​ന​ങ്ങ​ളാ​ണ്​ ദ​ർ​ശ​ന​ത്തി​നെ​ത്തു​ക. ന​ട​തു​റ​പ്പി​ന്​ മു​ന്നോ​ടി​യാ​യി ക്ഷേ​ത്രോ​ൽ​പ​ത്തി​യു​മാ​യി ബ​ന്ധ​പ്പെ​ട്ട അ​ക​വൂ​ർ മ​ന​യി​ൽ​നി​ന്ന് വൈ​കീ​ട്ട്​ നാ​ലി​ന് തി​രു​വാ​ഭ​ര​ണ ഘോ​ഷ​യാ​ത്ര പു​റ​പ്പെ​ടും.

ഘോ​ഷ​യാ​ത്ര ക്ഷേ​ത്ര​ത്തി​ൽ പ്ര​വേ​ശി​ച്ചാ​ലു​ട​ൻ ന​ട​തു​റ​ക്കു​ന്ന​തി​ന് ആ​ചാ​ര​വി​ധി​പ്ര​കാ​രം ച​ട​ങ്ങു​ക​ൾ ആ​രം​ഭി​ക്കും. ക്ഷേ​ത്ര ഉ​രാ​ഴ്മ​ക്കാ​രാ​യ അ​ക​വൂ​ർ, വെ​ടി​യൂ​ർ, വെ​ൺ​മ​ണി മ​ന​ക​ളി​ലെ പ്ര​തി​നി​ധി​ക​ളും ഉ​ത്സ​വ ന​ട​ത്തി​പ്പി​നാ​യി ദേ​ശ​ക്കാ​ർ തെ​ര​ഞ്ഞെ​ടു​ത്ത സ​മു​ദാ​യം തി​രു​മേ​നി​യും ക്ഷേ​ത്ര ട്ര​സ്റ്റ് അം​ഗ​ങ്ങ​ളും ദേ​വി​യു​ടെ പ്രി​യ​തോ​ഴി​യാ​യി സ​ങ്ക​ൽ​പി​ക്ക​പ്പെ​ടു​ന്ന പു​ഷ്പി​ണി​യും ന​ട​​യ്​​ക്ക​ൽ സ​ന്നി​ഹി​ത​രാ​വും.

തു​ട​ർ​ന്ന് പു​ഷ്പി​ണി​യാ​യ ബ്രാ​ഹ്മ​ണി​യ​മ്മ ന​ട​യ്ക്ക​ൽ വ​ന്നു​നി​ന്ന് ഈ​രാ​ഴ്മ​ക്കാ​രും സ​മു​ദാ​യം തി​രു​മേ​നി​യും എ​ത്തി​യി​ട്ടു​ണ്ടോ എ​ന്നു മൂ​ന്നു​വ​ട്ടം വി​ളി​ച്ചു​ചോ​ദി​ക്കും. എ​ത്തി​യെ​ന്ന മ​റു​പ​ടി ല​ഭി​ച്ചാ​ൽ ന​ട​തു​റ​ക്ക​ട്ടേ എ​ന്ന് അ​നു​വാ​ദം ചോ​ദി​ക്കും. തു​റ​ന്നാ​ലും എ​ന്ന അ​നു​മ​തി ന​ൽ​കു​ന്ന​തോ​ടെ ന​ട​തു​റ​ക്കും.

ദീ​പാ​രാ​ധ​ന​ക്കു​ശേ​ഷം ദേ​വി​യെ പാ​ട്ടു​പു​ര​യി​ലേ​ക്ക് ആ​ന​യി​ച്ചി​രു​ത്തും. ഈ ​സ​മ​യം ദേ​വി​യു​ടെ ന​ട​യി​ൽ വ്ര​തം നോ​റ്റ മ​ങ്ക​മാ​ർ തി​രു​വാ​തി​ര പാ​ട്ടു​പാ​ടി ചു​വ​ടു​വെ​ക്കും. തു​ട​ർ​ന്നു​ള്ള ദി​വ​സ​ങ്ങ​ളി​ൽ രാ​വി​ലെ നാ​ല് മു​ത​ൽ ഉ​ച്ച​ക്ക്​ ഒ​ന്നു​വ​രെ​യും ഉ​ച്ച​ക്ക്​ ശേ​ഷം ര​ണ്ട് മു​ത​ൽ രാ​ത്രി ഒ​മ്പ​ത് വ​രെ​യു​മാ​ണ് ദ​ർ​ശ​ന സ​മ​യം.

സാ​ധാ​ര​ണ ക്യൂ​വി​നു പു​റ​മെ വെ​ർ​ച്വ​ൽ ക്യൂ ​ഉ​ണ്ടാ​കും. ഇ​തി​ന്​ ബു​ക്ക്​ ചെ​യ്യാം. ഭ​ക്ത​ർ​ക്ക് സൗ​ജ​ന്യ​മാ​യി കു​ടി​വെ​ള്ള​വും രാ​വി​ലെ ഒ​മ്പ​ത് മു​ത​ൽ അ​ന്ന​ദാ​ന​വും ഉ​ണ്ടാ​കു​മെ​ന്ന്​ ക്ഷേ​ത്ര ട്ര​സ്റ്റ് പ്ര​സി​ഡ​ന്‍റ്​ അ​ക​വൂ​ർ കു​ഞ്ഞ​നി​യ​ൻ ന​മ്പൂ​തി​രി​പ്പാ​ട്, സെ​ക്ര​ട്ട​റി കെ.​എ. പ്ര​സൂ​ൺ കു​മാ​ർ എ​ന്നി​വ​ർ പ​റ​ഞ്ഞു.