കളമശ്ശേരി കാൻസർ സെന്ററിന് 14.5 കോടി; മറ്റ് പദ്ധതികൾക്ക് 15 കോടി -മന്ത്രി പി. രാജീവ്
text_fieldsകളമശ്ശേരി: കൊച്ചി കാൻസർ സെന്റർ നിർമാണത്തിന് 14.5 കോടി രൂപ ബജറ്റിൽ അനുവദിച്ചു. കാൻസർ സെന്റർ നിർമാണം പൂർത്തിയാക്കുന്നതിന് ഏറെ സഹായകരമായ നിലപാടാണ് ബജറ്റ് വകയിരുത്തലിലൂടെ നടത്തിയിരിക്കുന്നതെന്ന് മന്ത്രി പി. രാജീവ് പറഞ്ഞു.
കുന്നുകര-കരുമാല്ലൂർ പഞ്ചായത്തുകളെ ബന്ധിപ്പിക്കുന്ന കുന്ന്-കോട്ടപ്പുറം പാലം നിർമാണത്തിന് 10 കോടിയും ഏലൂർ നഗരസഭയിലെ മുട്ടാർ റോഡ്-ഫാക്ട് കവല റോഡ് സ്ഥലം ഏറ്റെടുക്കുന്നതിനും വീതി കൂട്ടുന്നതിനുമായി അഞ്ചുകോടിയും അനുവദിച്ചിട്ടുണ്ട്.
എടയാർ - മുപ്പത്തടം നാലുവരി റോഡ്, കരുമാല്ലൂർ പഞ്ചായത്തിലെ നെല്ലിക്കാപറമ്പ് തൈത്തറക്കടവ് റോഡ്, മാഞ്ഞാലി തോടിന് കുറുകെയുള്ള കളത്തിക്കടവ് പാലം നിർമാണം, ആലുപുരം-കൈന്റിക്കര പാലം നിർമാണം, ഏലൂക്കര-ഉളിയന്നൂർ പാലത്തിന്റെ അവശേഷിക്കുന്ന പ്രവൃത്തികൾ, എച്ച്.എം.ടി ജങ്ഷൻ -മെഡിക്കൽ കോളജ് റോഡ് സൗന്ദര്യവത്കരണം, കളമശ്ശേരി നഗരസഭയിലെ റോഡുകളുടെ ആഴം വർധിപ്പിക്കൽ,
ഇടപ്പള്ളി-മൂവാറ്റുപുഴ റോഡിൽ വള്ളത്തോൾ ജങ്ഷൻ മുതൽ കങ്ങരപ്പടി ജങ്ഷൻ വരെ വീതികൂട്ടൽ, അങ്ങാടിക്കടവ് പാലം നിർമാണം, ആലങ്ങാട് -കാരിപ്പുഴ പാലം നിർമാണം, കോട്ടപ്പുറം-കൂനമ്മാവ് റോഡിലെ കൊങ്ങോർപ്പിള്ളി ജങ്ഷൻ വീതികൂട്ടലും നവീകരണവും എന്നീ പ്രവൃത്തികൾക്കായി ടോക്കൺ തുകയും ബജറ്റിൽ വകയിരുത്തിയിട്ടുള്ളതായി മന്ത്രി പി. രാജീവ് പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.