കെ.എസ്.ആർ.ടി.സി ജീവനക്കാർക്ക്​നേരെ കൈയേറ്റം; യുവാവ് അറസ്റ്റിൽ

ക​ള​മ​ശ്ശേ​രി : കെ.​എ​സ്.​ആ​ർ.​ടി.​സി ബ​സ് ജീ​വ​ന​ക്കാ​രെ​ കൈ​യേ​റ്റം ചെ​യ്യു​ക​യും ടി​ക്ക​റ്റ് വെ​ൻ​ഡി​ങ്ങ് മെ​ഷി​ൻ ന​ശി​പ്പി​ക്കു​ക​യും ചെ​യ്ത യു​വാ​വി​നെ ക​ള​മ​ശ്ശേ​രി പൊ​ലീ​സ് അ​റ​സ്റ്റ് ചെ​യ്തു.

മ​ട്ടാ​ഞ്ചേ​രി ചെ​മ്പി​ട്ട പ​ള്ളി​ക്ക്​ സ​മീ​പം കെ.​സി റോ​ഡി​ൽ മൊ​യ്തീ​ൻ​ക്ക വീ​ട്ടി​ൽ ഇ​ർ​ഫാ​നാ​ണ്​ (42) അ​റ​സ്റ്റി​ലാ​യ​ത്. പ്ര​തി സ​ഞ്ച​രി​ച്ചി​രു​ന്ന ബ​സ്, സ്റ്റോ​പ്പി​ല്ലാ​ത്ത സ്ഥ​ല​ത്ത് നി​ർ​ത്തി​യി​ല്ലെ​ന്നാ​രോ​പി​ച്ചാ​യി​രു​ന്നു ആ​ക്ര​മ​ണം. ക​ണ്ട​ക്ട​റെ​യും ഡ്രൈ​വ​റെ​യും അ​സ​ഭ്യം പ​റ​യു​ക​യും ക​യ്യേ​റ്റം ചെ​യ്യു​ക​യും ക​ണ്ട​ക്ട​റു​ടെ ക​ഴു​ത്തി​ൽ കി​ട​ന്ന ടി​ക്ക​റ്റ് വെ​ൻ​ഡി​ങ്ങ് മെ​ഷി​ൻ വ​ലി​ച്ച് പൊ​ട്ടി​ച്ചെ​ടു​ത്ത് എ​റി​ഞ്ഞ് നാ​ശ ന​ഷ്ട​മു​ണ്ടാ​ക്കു​ക​യും ചെ​യ്തു. അ​തോ​ടെ യാ​ത്ര​ക്കാ​രും ജീ​വ​ന​ക്കാ​രും ചേ​ർ​ന്ന് പ്ര​തി​യെ ത​ട​ഞ്ഞു​നി​ർ​ത്തി. പി​ന്നാ​ലെ വി​വ​ര​മ​റി​ഞ്ഞെ​ത്തി​യ പൊ​ലീ​സ് അ​റ​സ്റ്റ് ചെ​യ്യു​ക​യാ​യി​രു​ന്നു.

പ്ര​തി​ക്ക് ജി​ല്ല​യി​ൽ ത​ന്നെ പ​ല സ്റ്റേ​ഷ​നു​ക​ളി​ലാ​യി എ​ട്ടോ​ളം കേ​സ്​ നി​ല​വി​ലു​ള്ള​താ​യി പൊ​ലീ​സ് പ​റ​ഞ്ഞു. സ്റ്റേ​ഷ​ൻ സ​ബ് ഇ​ൻ​സ്പെ​ക്ട​ർ ശ്യാം ​ലാ​ൽ, സെ​ബാ​സ്റ്റ്യ​ൻ പി. ​ചാ​ക്കോ, സി.​പി.​ഒ ഷാ​ബി​ൻ എ​ന്നി​വ​ർ ചേ​ർ​ന്നാ​ണ് പ്ര​തി​യെ അ​റ​സ്റ്റ് ചെ​യ്ത​ത്. കോ​ട​തി​യി​ൽ ഹാ​ജ​രാ​ക്കി റി​മാ​ന്റ് ചെ​യ്തു.