വികസനം അതിവേഗം; മെ​ഡി​ക്ക​ൽ കോ​ള​ജി​ലെ കെട്ടിടനിർമാണം അന്തിമഘട്ടത്തിൽ

കൊ​ച്ചി: എ​റ​ണാ​കു​ളം മെ​ഡി​ക്ക​ൽ കോ​ള​ജി​ലെ പു​തു​താ​യി നി​ർ​മി​ക്കു​ന്ന കെ​ട്ടി​ട​ങ്ങ​ളു​ടെ നി​ർ​മാ​ണം അ​ന്തി​മ​ഘ​ട്ട​ത്തി​ലേ​ക്ക്. സൂ​പ്പ​ർ സ്പെ​ഷാ​ലി​റ്റി കെ​ട്ടി​ട​ത്തി​ന്‍റെ​യും ആ​ശു​പ​ത്രി​യോ​ടു ചേ​ർ​ന്ന കൊ​ച്ചി​ൻ കാ​ൻ​സ​ർ സെൻറ​ർ (സി.​സി.​ആ​ർ.​സി) കെ​ട്ടി​ട​ത്തി​ന്‍റെ​യും നി​ർ​മാ​ണ​മാ​ണ്​ അ​തി​വേ​ഗം പു​രോ​ഗ​മി​ക്കു​ന്ന​ത്. ഏ​ഴ് നി​ല​ക​ളി​ലാ​യി എ​ട്ട് ല​ക്ഷം ച​തു​ര​ശ്ര അ​ടി വി​സ്തീ​ർ​ണ​ത്തി​ലാ​ണ് സൂ​പ്പ​ർ സ്പെ​ഷാ​ലി​റ്റി കെ​ട്ടി​ടം ഒ​രു​ങ്ങു​ന്ന​ത്. പൂ​ർ​ണ​മാ​യും ശീ​തീ​ക​രി​ച്ച കെ​ട്ടി​ട​ത്തി​ന്‍റെ നി​ർ​മാ​ണം 95 ശ​ത​മാ​നം പൂ​ർ​ത്തി​യാ​യി. ഒ​രു മാ​സ​ത്തി​നു​ള്ളി​ൽ അ​ന്തി​മ​ഘ​ട്ട ജോ​ലി​ക​ൾ പൂ​ർ​ത്തി​യാ​കു​മെ​ന്നാ​ണ് പ്ര​തീ​ക്ഷ.

ഏ​ക​ദേ​ശം 450 കോ​ടി രൂ​പ​യാ​ണ് ഏ​ഴ് ല​ക്ഷം ച​തു​ര​ശ്ര അ​ടി​യി​ലു​ള്ള സി.​സി.​ആ​ർ.​സി​യു​ടെ നി​ർ​മാ​ണ​ത്തി​നു​ള്ള ചെ​ല​വ്, തൊ​ട്ട​ടു​ത്തു ത​ന്നെ​യു​ള്ള സൂ​പ്പ​ർ സ്പെ​ഷാ​ലി​റ്റി കെ​ട്ടി​ട​ത്തി​ന് 350 കോ​ടി രൂ​പ​യും. എ​ട്ട് ല​ക്ഷം ച​തു​ര​ശ്ര അ​ടി​യാ​ണ് ഇ​തി​ന്‍റെ വി​സ്തൃ​തി. ഇ​ൻ​കെ​ൽ ആ​ണ് പ​ദ്ധ​തി​ക​ളു​ടെ നി​ർ​വ​ഹ​ണ ഏ​ജ​ൻ​സി (എ​സ്.​പി.​വി). സൂ​പ്പ​ർ സ്പെ​ഷാ​ലി​റ്റി കെ​ട്ടി​ട​ത്തി​ന് അ​ത്യാ​ധു​നി​ക ഉ​പ​ക​ര​ണ​ങ്ങ​ളും ഫ​ർ​ണി​ച്ച​റു​ക​ളു​മു​ൾ​പ്പെ​ടെ ല​ഭ്യ​മാ​ക്കാ​ൻ കി​ഫ്ബി 60 കോ​ടി രൂ​പ അ​നു​വ​ദി​ച്ചി​ട്ടു​ണ്ട്. ഇ​തി​ൽ വി​ദേ​ശ​രാ​ജ്യ​ങ്ങ​ളി​ൽ​നി​ന്ന് ഇ​റ​ക്കു​മ​തി ചെ​യ്യേ​ണ്ട ഉ​പ​ക​ര​ണ​ങ്ങ​ളു​ൾ​പ്പ​ടെ​യു​ണ്ട്.

കെ​ട്ടി​ടം മാ​ത്രം പോ​രാ, നി​യ​മ​ന​വും വേ​ണം

അ​ടു​ത്തു​ത​ന്നെ പൂ​ർ​ണ പ്ര​വ​ർ​ത്ത​ന സ​ജ്ജ​മാ​വു​ന്ന സൂ​പ്പ​ർ സ്പെ​ഷാ​ലി​റ്റി കെ​ട്ടി​ടം ജീ​വ​ന​ക്കാ​രെ നി​യ​മി​ക്കാ​തെ ഉ​ദ്ഘാ​ട​നം ചെ​യ്യു​മോ​യെ​ന്ന ആ​ശ​ങ്ക​യി​ലാ​ണ് രോ​ഗി​ക‍ളും ആ​ശു​പ​ത്രി​യു​ടെ ക്ഷേ​മ​ത്തി​നാ​യി പ്ര​വ​ർ​ത്തി​ക്കു​ന്ന ജ​സ്റ്റി​സ് വി.​ആ​ർ കൃ​ഷ്ണ​യ്യ​ർ മൂ​വ്മെ ൻ​റ് പ്ര​വ​ർ​ത്ത​ക​രു​മു​ള്ള​ത്. സൂ​പ്പ​ർ സ്പെ​ഷാ​ലി​റ്റി പ്ര​വ​ർ​ത്ത​നം തു​ട​ങ്ങു​ന്ന​തി​നാ​യി ഈ ​വി​ഭാ​ഗ​ത്തി​ൽ നി​ര​വ​ധി ഡോ​ക്ട​ർ​മാ​രെ​യും ന​ഴ്സു​മാ​രെ​യും അ​നു​ബ​ന്ധ ജീ​വ​ന​ക്കാ​രെ​യു​മെ​ല്ലാം നി​യ​മി​ക്കേ​ണ്ട​തു​ണ്ട്. ഇ​തി​ന്‍റെ ഭാ​ഗ​മാ​യി സ​ർ​ക്കാ​ർ മാ​സ​ങ്ങ​ൾ​ക്കു മു​മ്പ് 45 ത​സ്തി​ക​ക​ൾ സൃ​ഷ്ടി​ച്ചി​രു​ന്നു. ഇ​തി​ലേ​ക്ക് നി​യ​മ​നം ന​ട​ത്താ​നാ​യി പ​ല​പ്പോ​ഴും ന​ട​പ​ടി സ്വീ​ക​രി​ച്ചെ​ങ്കി​ലും പ​രാ​ജ​യ​പ്പെ​ട്ടു. നി​ല​വി​ൽ നാ​മ​മാ​ത്ര ത​സ്തി​ക​യി​ൽ മാ​ത്ര​മാ​ണ് നി​യ​മ​നം ന​ട​ന്നി​ട്ടു​ള്ള​ത്.

നി​ല​വി​ൽ പ​രി​മി​ത​മാ​യ സൗ​ക​ര്യ​ങ്ങ​ളും ജീ​വ​ന​ക്കാ​രെ​യും വെ​ച്ചാ​ണ് കാ​ൻ​സ​ർ സെൻറ​ർ പ്ര​വ​ർ​ത്തി​ക്കു​ന്ന​ത്. പു​തി​യ കെ​ട്ടി​ട​ത്തി​ലേ​ക്ക് പൂ​ർ​ണ​തോ​തി​ൽ മാ​റു​ന്ന​തോ​ടെ കാ​ൻ​സ​ർ ചി​കി​ത്സ വി​ഭാ​ഗ​ത്തി​ലും കൂ​ടു​ത​ൽ നി​യ​മ​ന​ങ്ങ​ളും അ​ത്യാ​ധു​നി​ക സം​വി​ധാ​ന​ങ്ങ​ളും ഒ​രു​ക്കേ​ണ്ടി വ​രും. കൂ​ടാ​തെ, പു​തി​യ​താ​യി പ്ര​ഖ്യാ​പി​ച്ച കോ​ഴ്സു​ക​ൾ അ​ടി​യ​ന്തി​ര​മാ​യി ആ​രം​ഭി​ക്കാ​നും ന​ട​പ​ടി വേ​ണ്ട​തു​ണ്ട്.

ആ ​ബ​സും പോ​യ​ല്ലോ..

ക​ള​മ​ശ്ശേ​രി ടൗ​ണി​ൽ നി​ന്ന്, അ​ഞ്ചു കി​ലോ​മീ​റ്റ​റി​ലേ​റെ ദൂ​ര​മു​ണ്ട് മെ​ഡി​ക്ക​ൽ കോ​ള​ജി​ലേ​ക്ക്. ഈ ​റൂ​ട്ടി​ൽ കൃ​ത്യ​മാ​യ ബ​സ് സ​ർ​വി​സ് കെ.​എ​സ്.​ആ​ർ.​ടി.​സി​യോ സ്വ​കാ​ര്യ ബ​സു​ക​ളോ ഒ​ന്നും ന​ട​ത്തു​ന്നി​ല്ല. നി​ത്യേ​ന ആ​യി​ര​ക്ക​ണ​ക്കി​ന് സാ​ധാ​ര​ണ​ക്കാ​രാ​യ രോ​ഗി​ക​ളെ​ത്തു​ന്ന ആ​ശു​പ​ത്രി​യി​ലേ​ക്കു​ള്ള ഗ​താ​ഗ​ത സം​വി​ധാ​നം വി​ര​ലി​ലെ​ണ്ണാ​വു​ന്ന കെ.​എ​സ്.​ആ​ർ.​ടി.​സി ബ​സു​ക​ളാ​ണ്.

നേ​ര​ത്തെ കാ​ക്ക​നാ​ട് വാ​ട്ട​ർ മെ​ട്രോ സ്റ്റേ​ഷ​ൻ, ക​ള​മ​ശ്ശേ​രി മെ​ഡി​ക്ക​ൽ കോ​ള​ജ്, ക​ള​മ​ശ്ശേ​രി മെ​ട്രോ സ്റ്റേ​ഷ​ൻ എ​ന്നി​വ​യെ ബ​ന്ധ​പ്പെ​ടു​ത്തി സ​ർ​വി​സ് ന​ട​ത്തി​യി​രു​ന്ന കൊ​ച്ചി മെ​ട്രോ ഫീ​ഡ​ർ ബ​സും നി​ല​വി​ൽ സ​ർ​വി​സ് ന​ട​ത്തു​ന്നി​ല്ല. മെ​ഡി​ക്ക​ൽ കോ​ള​ജ് കാ​മ്പ​സി​ലെ​ത്തി​യി​രു​ന്ന ഈ ​ബ​സ് അ​ങ്ങോ​ട്ടു​മി​ങ്ങോ​ട്ടും നി​റ​യെ യാ​ത്ര​ക്കാ​രു​മാ​യി​ട്ടാ​ണ് സ​ർ​വി​സ് ന​ട​ത്തി​യി​രു​ന്ന​ത്.

എ​ന്നാ​ൽ, പ്ര​ത്യേ​കി​ച്ച് കാ​ര​ണ​മൊ​ന്നും വ്യ​ക്ത​മാ​ക്കാ​തെ സ​ർ​വി​സ് അ​വ​സാ​നി​പ്പി​ച്ച​തോ​ടെ ദു​രി​ത​ത്തി​ലാ​യ​ത് നി​ത്യേ​ന ആ​ശ്ര​യി​ച്ചി​രു​ന്ന ജീ​വ​ന​ക്കാ​രും സാ​ധാ​ര​ണ​ക്കാ​രാ​യ രോ​ഗി​ക​ളു​മാ​ണ്. കെ.​എ​സ്.​ആ​ർ.​ടി.​സി സ​ർ​വി​സു​ക​ളു​ടെ എ​ണ്ണം കൂ​ട്ട​ണ​മെ​ന്നാ​വ​ശ്യ​പ്പെ​ട്ട് ഗ​താ​ഗ​ത മ​ന്ത്രി, റോ​ഡ് ട്രാ​ൻ​സ്പോ​ർ​ട്ട് അ​തോ​റി​റ്റി (ആ​ർ.​ടി.​എ) ചെ​യ​ർ​മാ​നാ​യ ക​ല​ക്ട​ർ തു​ട​ങ്ങി​യ​വ​ർ​ക്കെ​ല്ലാം പ​ല​ത​വ​ണ കൃ​ഷ്ണ​യ്യ​ർ മൂ​വ്മെൻറ് ഭാ​ര​വാ​ഹി​ക​ൾ നി​വേ​ദ​നം ന​ൽ​കി​യി​ട്ടു​ണ്ട്. എ​ന്നാ​ൽ, മെ​ഡി​ക്ക​ൽ കോ​ള​ജി​ലേ​ക്കു​ള്ള ഗ​താ​ഗ​ത സം​വി​ധാ​ന​ങ്ങ​ൾ വ​ർ​ധി​പ്പി​ക്കു​ന്ന​തി​ൽ അ​ധി​കൃ​ത​ർ​ക്ക് ചി​റ്റ​മ്മ ന​യ​മാ​ണ്. നി​ല​വി​ൽ എ​റ​ണാ​കു​ളം ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ നി​ന്നും ഇ​ടു​ക്കി ജി​ല്ല​ക്കാ​രും ആ​ല​പ്പു​ഴ​യു​ടെ അ​തി​ർ​ത്തി​പ്ര​ദേ​ശ​ങ്ങ​ളി​ൽ നി​ന്നു​മു​ള്ള നി​ര​വ​ധി പേ​ർ മെ​ഡി​ക്ക​ൽ കോ​ള​ജി​നെ ആ​ശ്ര​യി​ക്കു​ന്നു​ണ്ട്. ഇ​വ​രെ സം​ബ​ന്ധി​ച്ചി​ട​ത്തോ​ളം ഇ​ങ്ങോ​ട്ട് എ​ത്തി​പ്പെ​ടു​ന്ന​താ​ണ് ഡോ​ക്ട​റെ ക​ണ്ട് മ​രു​ന്നു വാ​ങ്ങു​ന്ന​തി​നേ​ക്കാ​ൾ അ​ധ്വാ​നം. നി​ല​വി​ൽ ആ​ലു​വ-​തൃ​പ്പൂ​ണി​ത്തു​റ റൂ​ട്ടി​ൽ സ​ർ​വി​സ് ന​ട​ത്തു​ന്ന ബ​സു​ക​ൾ ഈ ​റൂ​ട്ടി​ൽ നി​ന്ന് വെ​റും ഒ​രു കി​ലോ​മീ​റ്റ​ർ മാ​ത്ര​മു​ള്ള മെ​ഡി​ക്ക​ൽ കോ​ള​ജി​ലേ​ക്കു കൂ​ടി സ​ർ​വി​സ് ന​ട​ത്തി​യാ​ൽ നൂ​റു​ക​ണ​ക്കി​ന് രോ​ഗി​ക​ൾ​ക്ക് ഇ​ത് പ്ര​യോ​ജ​ന​പ്പെ​ടും.