റെയിൽപാളത്തിൽ തടിക്കഷണം: അന്തർസംസ്ഥാന തൊഴിലാളി പിടിയിൽ

കളമശേരി: റെയിൽപാളത്തിൽ തടി കഷണം കണ്ടെത്തിയ സംഭവത്തിൽ അന്തർ സംസ്ഥാന തൊഴിലാളി പിടിയിലായി. സൗത്ത് കളമശ്ശേരിയിൽ ബേക്കറി തൊഴിലാളിയായ ബംഗാൾ സ്വദേശി ഉസ്മാൻ അലിയാണ്​ (21) റെയിൽവേ പൊലീസി​െൻറ പിടിയിലായത്. പ്രദേശത്തെ സി.സി.ടി.വി ദൃശ്യത്തിൽ നിന്നാണ് ഇയാളെ കുറിച്ച് സൂചന ലഭിച്ചത്.

പാളത്തിന് സമീപം കിടന്ന തടിക്കഷണം അറിയാതെ കാൽതട്ടി പാളത്തിലേക്ക് തെറിച്ച് വീണതെന്നാണ് ഇയാൾ പറയുന്നത്. ഇയാളെ കോടതിയിൽ ഹാജരാക്കി റിമാൻഡ്​​ചെയ്​തു.കഴിഞ്ഞ ചൊവ്വാഴ്ച രാത്രിയിലാണ്​ പാളത്തിലെ തടിക്കഷണത്തിലൂടെ ട്രെയിൻ കയറി ഇറങ്ങി പോയത്​.കടന്നുപോയ ബിലാസ്പൂർ ട്രെയിനിന്​ കുലുക്കം അനുഭവപ്പെട്ടിരുന്നു.