ക​ള​മ​ശ്ശേ​രി മെഡിക്കൽ, നഴ്​സിങ്​ കോളജുകളിലെ ജലക്ഷാമത്തിന്​ പരിഹാരമായില്ല

ക​ള​മ​ശ്ശേ​രി: ക​ള​മ​ശ്ശേ​രി ഗ​വ. മെ​ഡി​ക്ക​ൽ കോ​ള​ജി​ലെ​യും ന​ഴ്സി​ങ് കോ​ള​ജി​ലെ​യും കു​ടി​വെ​ള്ള പ്ര​ശ്ന​ത്തി​ന് പ​രി​ഹാ​ര​മാ​യി​ല്ല.ജ​ല​മെ​ത്തി​ക്കു​ന്ന വാ​ട്ട​ർ അ​തോ​റി​റ്റി​യു​ടെ പൈ​പ്പി​ൽ പ്ര​ഷ​ർ കു​റ​ഞ്ഞ​തി​​ന്‍റെ കാ​ര​ണം ക​ണ്ടെ​ത്താ​നാ​വാ​ത്ത​താ​ണ് കാ​ര​ണം. ക​ഴി​ഞ്ഞ വെ​ള്ളി​യാ​ഴ്ച മു​ത​ൽ ജ​ല​ദൗ​ർ​ല​ഭ്യം മൂ​ലം വി​ദ്യാ​ർ​ഥി​ക​ൾ​ക്ക് ന​ഴ്സി​ങ് കോ​ള​ജ് അ​വ​ധി ന​ൽ​കി​യി​രി​ക്കു​ക​യാ​ണ്.

കോ​ള​ജി​ന്​ ആ​വ​ശ്യ​മാ​യ ജ​ലം ഗ​വ. മെ​ഡി​ക്ക​ൽ കോ​ള​ജി​ൽ​നി​ന്നാ​ണ് ല​ഭി​ച്ചി​രു​ന്ന​ത്. മെ​ഡി​ക്ക​ൽ കോ​ള​ജി​ലും ജ​ല​ക്ഷാ​മം രൂ​ക്ഷ​മാ​ണ്. ഇ​വി​ടേ​ക്ക്​ വെ​ള്ള​മെ​ത്തി​ക്കു​ന്ന ജ​ല അ​തോ​റി​റ്റി ലൈ​നി​ൽ പ്ര​ഷ​ർ കു​റ​ഞ്ഞ​താ​ണ് കാ​ര​ണ​മാ​യി പ​റ​യു​ന്ന​ത്.

ലൈ​നി​ൽ പ​രി​ശോ​ധ​ന ന​ട​ത്തി പ്ര​ശ്നം പ​രി​ഹ​രി​ക്കാ​നാ​ണ് തീ​രു​മാ​നി​ച്ച​ത്. എ​ന്നാ​ൽ, മ​ഴ മൂ​ലം തി​ങ്ക​ളാ​ഴ്ച പ​രി​ശോ​ധ​ന ന​ട​ത്താ​നാ​യി​ല്ല. ജ​ല അ​തോ​റി​റ്റി ക​രാ​ർ ജീ​വ​ന​ക്കാ​രു​ടെ പ​ണി​മു​ട​ക്കും പ്ര​ശ്നം രൂ​ക്ഷ​മാ​ക്കി.

അ​തേ സ​മ​യം വി​ദ്യാ​ർ​ഥി​ക​ളെ വീ​ടു​ക​ളി​ലേ​ക്ക് പ​റ​ഞ്ഞ​യ​ച്ചെ​ങ്കി​ലും പ​ഠ​നം ത​ട​സ്സ​പ്പെ​ടാ​തി​രി​ക്കാ​ൻ ഓ​ൺ​ലൈ​നി​ൽ ക്ലാ​സ് ന​ൽ​കു​ന്നു​ണ്ടെ​ന്ന് പ്രി​ൻ​സി​പ്പ​ൽ ഡോ. ​ബീ​ന പ​റ​ഞ്ഞു. പ​രീ​ക്ഷ​യു​ള്ള ര​ണ്ട് ബാ​ച്ചി​ലെ വി​ദ്യാ​ർ​ഥി​ക​ൾ കോ​ള​ജ് ഹോ​സ്റ്റ​ലി​ൽ ത​ങ്ങു​ന്നു​ണ്ടെ​ന്നും അ​വ​ർ​ക്കാ​വ​ശ്യ​മാ​യ ജ​ലം മെ​ഡി​ക്ക​ൽ കോ​ള​ജി​ൽ​നി​ന്ന്​ ല​ഭി​ച്ച​താ​യും പ്രി​ൻ​സി​പ്പ​ൽ പ​റ​ഞ്ഞു.