നോക്കുകുത്തിയായി കളമശ്ശേരിയിലെ നിരീക്ഷണ കാമറകൾ

ക​ള​മ​ശ്ശേ​രി: അ​പ​ക​ട​ങ്ങ​ളും കു​റ്റ​കൃ​ത്യ​ങ്ങ​ളും നി​രീ​ക്ഷി​ക്കാ​ൻ​ ദേ​ശീ​യ​പാ​ത​യി​ൽ ല​ക്ഷ​ങ്ങ​ൾ ചെ​ല​വി​ട്ട് സ്ഥാ​പി​ച്ച സി.​സി ടി.​വി സം​വി​ധാ​നം നോ​ക്കു​കു​ത്തി​യാ​യി. ദേ​ശീ​യ​പാ​ത ക​ള​മ​ശ്ശേ​രി​യി​ൽ ട്രാ​ഫി​ക് പൊ​ലീ​സ് മൂ​ന്ന് വ​ർ​ഷം മു​മ്പ് സ്ഥാ​പി​ച്ച സി.​സി ടി.​വി സം​വി​ധാ​ന​മാ​ണ് പ്ര​വ​ർ​ത്ത​ന​ര​ഹി​ത​മാ​യി നി​ൽ​ക്കു​ന്ന​ത്. മെ​ട്രോ സ്റ്റേ​ഷ​ന് സ​മീ​പം മു​ത​ൽ ആ​ലു​വ ഭാ​ഗ​ത്തേ​ക്കു​ള്ള ബ​സ് സ്റ്റോ​പ് വ​രെ​യാ​ണ് കാ​മ​റ സ്ഥാ​പി​ച്ച​ത്.

പ്ര​ത്യേ​ക ഇ​രു​മ്പ് പൈ​പ്പു​ക​ൾ സ്ഥാ​പി​ച്ചാ​ണ് കാ​മ​റ​ക​ൾ വെ​ച്ച​ത്. കൂ​ടാ​തെ ന​ട​പ്പാ​ത​യി​ൽ വെ​ളി​ച്ചം ന​ൽ​കാ​ൻ ലൈ​റ്റു​ക​ളും ഘ​ടി​പ്പി​ച്ചി​രു​ന്നു. കാ​മ​റ നി​രീ​ക്ഷ​ണ കേ​ന്ദ്ര​മാ​യി ആ​ലു​വ ബ​സ്​ സ്റ്റോ​പ്പി​ന് സ​മീ​പം പ്ര​ത്യേ​കം കാ​ബി​നും സ​ജ്ജീ​ക​രി​ച്ചി​രു​ന്നു. ഇ​തി​ലേ​ക്ക് കേ​ബി​ളു​ക​ളും വ​ലി​ച്ചി​രു​ന്നു. എ​ന്നാ​ൽ, കാ​മ​റ​ക​ൾ ന​ശി​ച്ച നി​ല​യി​ലും നി​രീ​ക്ഷ​ണ​കേ​ന്ദ്രം കാ​ടു​ക​യ​റി​യ നി​ല​യി​ലു​മാ​ണ്. രാ​വി​ലെ​യും വൈ​കീ​ട്ടും വ​ലി​യ വാ​ഹ​ന​ത്തി​ര​ക്കാ​ണ് ദേ​ശീ​യ​പാ​ത​യി​ലെ ഈ ​ഭാ​ഗ​ത്ത് അ​നു​ഭ​വ​പ്പെ​ടു​ന്ന​ത്. അ​ന​ധി​കൃ​ത പാ​ർ​ക്കി​ങ്ങും വാ​ഹ​ന​ങ്ങ​ളു​ടെ നി​യ​മ ലം​ഘ​ന​ങ്ങ​ളും പ​തി​വ് കാ​ഴ്ച​യാ​ണ്. കൂ​ടാ​തെ രാ​ത്രി സാമൂഹിക വിരുദ്ധ പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന​താ​യ പ​രാ​തി​യും നാ​ട്ടു​കാ​ർ​ക്കി​ട​യി​ലു​ണ്ട്. ഇ​തെ​ല്ലാം ത​ട​യാ​ൻ ഏ​റെ ഉ​പ​കാ​ര​പ്പെ​ടു​ന്ന സം​വി​ധാ​ന​മാ​ണ് അ​ധി​കൃ​ത​രു​ടെ അ​നാ​സ്ഥ​യി​ൽ ന​ശി​ക്കു​ന്ന​ത്. ക​ള​മ​ശ്ശേ​രി ടൗ​ൺ നി​രീ​ക്ഷി​ക്കാ​വു​ന്ന നി​ല​യി​ൽ 50ഓ​ളം കാ​മ​റ​യാ​ണ് സ്ഥാ​പി​ച്ചി​രു​ന്ന​തെ​ന്നാ​ണ് അ​ന്ന​ത്തെ ക​ണ​ക്ക്.