പാർക്കിങ് ഏരിയയിൽനിന്ന് ബൈക്ക് മോഷ്ടിച്ചു
text_fieldsപാർക്കിങ് ഏരിയയിൽനിന്ന് മോഷ്ടാവ് ബൈക്ക് തള്ളിക്കൊണ്ടുപോകുന്ന സി.സി ടി.വി ദൃശ്യം
കളമശ്ശേരി: കമ്പനിയിൽ ജോലിക്ക് കയറുന്നതിനിടെ പുറത്ത് പാർക്ക് ചെയ്ത ബൈക്ക് മോഷണം പോയി. ദേശീയപാതയോരത്ത് കളമശ്ശേരി അപ്പോളോ കമ്പനിക്ക് മുന്നിൽ പാർക്ക് ചെയ്ത ബൈക്കാണ് മോഷണം പോയത്. ഞായറാഴ്ച പുലർച്ച രണ്ടിനാണ് മോഷണം.
കെ.എൽ 39 എം 7953 എന്ന നമ്പറിലുള്ള ഡ്യൂക്ക് ബൈക്കാണ് കാണാതായത്. അപ്പോളോയിൽ ട്രെയിനിയായി ജോലി ചെയ്യുന്ന കാലടി നടുവട്ടം സ്വദേശി മാലേക്കുടി വീട്ടിൽ ജോൺ എം. സാജുവിേൻറതാണ് വാഹനം. കമ്പനി മതിലിനോട് ചേർത്ത് മറ്റു വാഹനങ്ങൾക്കൊപ്പം പാർക്ക് ചെയ്താണ് ജോലിക്ക് കയറിയത്. രാവിലെ ജോലി കഴിഞ്ഞിറങ്ങുമ്പോഴാണ് വാഹനം നഷ്ടപ്പെട്ടത് അറിയുന്നത്.
പാർക്കിങ് ഏരിയയിൽനിന്ന് വാഹനം ഹെൽമറ്റ് ധരിച്ച മോഷ്ടാവ് തള്ളിക്കൊണ്ട് പോകുന്നത് കമ്പനിയുടെ സി.സി ടി.വിയിൽ വ്യക്തമാണ്. ദൃശ്യം സഹിതം കളമശ്ശേരി പൊലീസ് സ്റ്റേഷനിൽ പരാതി നൽകി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.