എച്ച്.എം.ടി കവല ട്രാഫിക് പരിഷ്കാരം; രണ്ടാംദിവസം ദേശീയപാതയിൽ ഗതാഗതക്കുരുക്ക്

ക​ള​മ​ശ്ശേ​രി: എ​ച്ച്.​എം.​ടി ക​വ​ല​യി​ലെ ഗ​താ​ഗ​ത​ക്കു​രു​ക്ക് പ​രി​ഹ​രി​ക്കാ​ൻ ന​ട​പ്പാ​ക്കി​യ ട്രാ​ഫി​ക് പ​രി​ഷ്കാ​ര​ത്തി​ന്‍റെ ര​ണ്ടാം നാ​ൾ ദേ​ശീ​യ​പാ​ത​യി​ലെ ഒ​രു​വ​ശ​ത്ത് വ​ലി​യ കു​രു​ക്ക് അ​നു​ഭ​വ​പ്പെ​ട്ടു. രാ​വി​ലെ എ​ച്ച്.​എം.​ടി ക​വ​ല​യി​ലേ​ക്ക് പ്ര​വേ​ശി​ക്കു​ന്ന​തി​നു​മു​മ്പ് ആ​ലു​വ ക​മ്പ​നി​പ്പ​ടി മു​ത​ൽ ആ​ര്യാ​സ് ജ​ങ്​​ഷ​ൻ വ​രെ നാ​ല് കി​ലോ​മീ​റ്റ​റോ​ളം ദൂ​രം മ​ന്ദ​ഗ​തി​യി​ലാ​ണ് വാ​ഹ​ന​ങ്ങ​ൾ എ​ത്തി​യ​ത്.

ആ​ലു​വ ഭാ​ഗ​ത്തു​നി​ന്നും എ​റ​ണാ​കു​ളം ടി.​വി.​എ​സ് ജ​ങ്​​ഷ​ൻ ഭാ​ഗ​ത്തു​നി​ന്നും എ​ച്ച്.​എം.​ടി ക​വ​ല​യി​ലേ​ക്ക് വാ​ഹ​ന​ങ്ങ​ൾ ക​ട​ക്കു​ന്ന​തി​ലെ തി​ര​ക്കാ​ണ് വാ​ഹ​ന​ങ്ങ​ളു​ടെ നി​ര നീ​ളാ​നി​ട​യാ​ക്കി​യ​ത്. ഗ​താ​ഗ​ത​ത​ട​സ്സം ഒ​ഴി​വാ​ക്കാ​ൻ പൊ​ലീ​സു​കാ​ർ​ക്കൊ​പ്പം രാ​വി​ലെ മ​ന്ത്രി പി. ​രാ​ജീ​വി​ന്‍റെ ഓ​ഫി​സ് ജീ​വ​ന​ക്കാ​രും ഡി.​വൈ.​എ​ഫ്.​ഐ പ്ര​വ​ർ​ത്ത​ക​രും നി​ര​ത്തി​ലു​ണ്ടാ​യി​രു​ന്നു. എ​ന്നാ​ൽ, ടി.​വി.​എ​സ് ജ​ങ്​​ഷ​ൻ മു​ത​ൽ ആ​ലു​വ​യി​ലേ​ക്കു​ള്ള ദേ​ശീ​യ പാ​ത​യി​ലെ യാ​ത്ര സു​ഗ​മ​മാ​യി​രു​ന്നു.

ര​ണ്ട് സി​ഗ്ന​ലു​ക​ൾ ഒ​ഴി​വാ​ക്കി​യ​തും നോ​ർ​ത്ത് ക​ള​മ​ശ്ശേ​രി​യി​ലെ ഗ്രൗ​ണ്ട് സ്റ്റോ​പ്പി​ൽ മാ​റ്റം വ​രു​ത്തി​യ​തും ഗ​താ​ഗ​തം സു​ഗ​മ​മാ​ക്കി. ഇ​തി​നി​ടെ റെ​യി​ൽ​വേ മേ​ൽ​പാ​ല​ത്തി​ലൂ​ടെ കാ​ൽ​ന​ട​ക്കാ​ർ​ക്ക് താ​ൽ​ക്കാ​ലി​ക​മാ​യി ഒ​രു​ക്കി​യി​രു​ന്ന റി​ബ​ൺ കെ​ട്ടി​യു​ള്ള സൗ​ക​ര്യം ഉ​ച്ച​യോ​ടെ അ​ധി​കൃ​ത​ർ നീ​ക്കം​ചെ​യ്തു. ഇ​ത് കാ​ൽ​ന​ട​ക്കാ​ർ​ക്ക് ഭീ​ഷ​ണി​യാ​യി. കാ​ൽ​ന​ട​ക്കാ​ര​ന്‍റെ കൈ​യി​ൽ ത​ട്ടി ബൈ​ക്ക് ക​ട​ന്നു​പോ​യ​ത് പ്ര​തി​ഷേ​ധ​ത്തി​ന് വ​ഴി​വെ​ച്ച​തോ​ടെ വീ​ണ്ടും പ​ഴ​യ നി​ല​യി​ൽ റി​ബ​ൺ വ​ലി​ച്ചു​കെ​ട്ടി.

ട്രാ​ഫി​ക് പ​രി​ഷ്കാ​ര​ത്തി​ന്‍റെ ഭാ​ഗ​മാ​യി ജ​ങ്​​ഷ​നി​ലെ റോ​ഡ​രി​കു​ക​ളി​ൽ പാ​ർ​ക്കി​ങ് നി​രോ​ധി​ച്ച​ത് ക​ച്ച​വ​ട​ക്കാ​രെ​യും ഇ​രു​ച​ക്ര വാ​ഹ​ന​ക്കാ​രെ​യും വ​ല​ച്ചി​രി​ക്കു​ക​യാ​ണ്. പ​ക​രം സം​വി​ധാ​നം ഒ​രു​ക്കാ​തെ​യാ​ണ് നി​രോ​ധ​നം. ക​ച്ച​വ​ട​സ്ഥാ​പ​ന​ങ്ങ​ൾ​ക്ക് മു​ന്നി​ൽ അ​ശാ​സ്ത്രീ​യ​മാ​യി കാ​ന നി​ർ​മി​ച്ച​തു​മൂ​ലം പാ​ർ​ക്കി​ങ് സൗ​ക​ര്യം ന​ഷ്ട​പ്പെ​ട്ട നി​ല​യി​ലാ​ണ്. അ​തി​നാ​ൽ വാ​ഹ​ന​ങ്ങ​ൾ റോ​ഡ​രി​കി​ലാ​ണ് നി​ർ​ത്തി​യി​ടു​ന്ന​ത്. പ​രി​ഷ്കാ​ര​ത്തി​ന്‍റെ ആ​ദ്യ ദി​ന​ത്തി​ൽ രാ​ത്രി​യി​ൽ വാ​ഹ​ന​നി​യ​ന്ത്ര​ണ​ത്തി​ന് ആ​ളി​ല്ലാ​തെ വ​ന്ന​തോ​ടെ ടി.​വി.​എ​സ് ജ​ങ്​​ഷ​നി​ൽ വ​ല​ത്തോ​ട്ട് തി​രി​യേ​ണ്ട വ​ലി​യ വാ​ഹ​ന​ങ്ങ​ൾ ഇ​ട​ത്തോ​ട്ടു​തി​രി​ഞ്ഞ​ത് ദേ​ശീ​യ​പാ​ത കു​സാ​റ്റ് സി​ഗ്ന​ൽ ജ​ങ്​​ഷ​ൻ വ​രെ വാ​ഹ​ന​ക്കു​രു​ക്കു​ണ്ടാ​ക്കി. പി​ന്നീ​ട് പൊ​ലീ​സെ​ത്തി വാ​ഹ​ന​ങ്ങ​ൾ തി​രി​ച്ചു​വി​ട്ടു.