68 ലക്ഷം രൂപയുടെ ടാർ നശിച്ചു; വിജിലൻസ് അന്വേഷണം ആവശ്യപ്പെട്ട് ഭരണസമിതി
text_fieldsഎടവനക്കാട് പഞ്ചായത്ത് റോഡ് നവീകരണത്തിന് വാങ്ങിയ ടാർ ഉപയോഗിക്കാതെ നശിച്ച നിലയിൽ
ചെറായി: എടവനക്കാട് പഞ്ചായത്ത് റോഡ് നവീകരണത്തിന് വാങ്ങിയ 68 ലക്ഷം രൂപയുടെ 115 ഓളം വീപ്പ ടാർ ഉപയോഗിക്കാതെ കാലപ്പഴക്കംമൂലം നശിച്ചു. 2015-2020 കാലഘട്ടത്തിലെ റോഡ് നവീകരണത്തിനായി അന്നത്തെ എൽ.ഡി.എഫ് ഭരണ സമിതി നേരിട്ട് വാങ്ങിയതാണ് ഈ ടാർ. എന്നാൽ, അക്കാലത്ത് നടന്ന റോഡ് നിർമാണത്തിന് ഈ ടാർ ഉപയോഗിക്കാതെ കരാറുകാർ പുറമെ നിന്ന് ടാർ വാങ്ങി റോഡ് നിർമാണം നടത്തുകയും പുറത്തുനിന്ന് വാങ്ങിയ ടാറിന്റെ വില പഞ്ചായത്ത് കരാറുകാർക്ക് നൽകുകയും ചെയ്തു. ഈ അഴിമതിയെക്കുറിച്ച് വിജിലൻസ് അന്വേഷിക്കണമെന്നും ഇതിന് കൂട്ടുനിന്ന ഓഡിറ്ററെ നിയമത്തിന് മുന്നിൽ കൊണ്ടുവരണമെന്നും ആവശ്യപ്പെട്ട് നാലാം വാർഡ് മെംബർ ഇ.ആർ. ബിനോയ് ആഗസ്റ്റ് ഏഴിന് കൂടിയ പഞ്ചായത്ത് ഭരണസമിതിയിൽ അവതരിപ്പിച്ച പ്രമേയം പഞ്ചായത്ത് ഭരണസമിതി പാസാക്കി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.