ഓളപ്പരപ്പിൽ പുതുചരിത്രമായി ജല മെട്രോ ഇ​ന്നു​മു​ത​ൽ സ​ർ​വി​സ്​

കൊ​ച്ചി: കൊ​ച്ചി കാ​യ​ലി​ലെ ഓ​ള​പ്പ​ര​പ്പു​ക​ളി​ൽ പു​തു​ച​രി​ത്ര​മെ​ഴു​തി ജ​ല മെ​ട്രോ.​ ലോ​ക വി​നോ​ദ​സ​ഞ്ചാ​ര ഭൂ​പ​ട​ത്തി​ൽ ന​ഗ​ര​ത്തി​ന്​ പു​തി​യ അ​ട​യാ​ളം സ​മ്മാ​നി​ക്കു​ന്ന ജ​ല മെ​ട്രോ യാ​ത്ര ബു​ധ​നാ​ഴ്ച രാ​വി​ലെ ഏ​ഴു​മു​ത​ൽ ഹൈ​കോ​ർ​ട്ട്-​ബോ​ൾ​ഗാ​ട്ടി- വൈ​പ്പി​ൻ റൂ​ട്ടി​ലാ​ണ്​ ആ​രം​ഭി​ക്കു​ക. മെ​ട്രോ റെ​യി​ലി​നൊ​പ്പം ജ​ല മെ​ട്രോ സ​ർ​വി​സു​ള്ള രാ​ജ്യ​ത്തെ ഏ​ക ന​ഗ​ര​മാ​യും ഇ​തോ​ടെ കൊ​ച്ചി മാ​റി. തി​രു​വ​ന​ന്ത​പു​ര​ത്ത്​ പ്ര​ധാ​ന​മ​ന്ത്രി പ​ദ്ധ​തി ഉ​ദ്ഘാ​ട​നം ചെ​യ്ത​തി​ന്​ പി​ന്നാ​ലെ കൊ​ച്ചി​യി​ൽ മ​ന്ത്രി പി.​രാ​ജീ​വ് ച​ട​ങ്ങ്​ ഫ്ലാ​ഗ് ഓ​ഫ് ചെ​യ്തു. കൊ​ല്ലം, നീ​ലേ​ശ്വ​രം, അ​ഴീ​ക്ക​ൽ എ​ന്നീ പേ​രു​ക​ളു​ള്ള മൂ​ന്ന് ബോ​ട്ടു​ക​ൾ ഹോ​ൺ മു​ഴ​ക്കി സ​ർ​വി​സി​നെ സ്വാ​ഗ​തം ചെ​യ്തു. 10 ഭി​ന്ന​ശേ​ഷി​ക്കാ​രാ​യ കു​ട്ടി​ക​ളും അ​വ​രു​ടെ ര​ക്ഷി​താ​ക്ക​ളും ഉ​ദ്​​ഘാ​ട​ന​യാ​ത്ര​യി​ൽ പ​​ങ്കെ​ടു​ത്തു. എ​റ​ണാ​കു​ള​ത്തെ സെൻറ​ർ ഫോ​ർ എം​പ​വ​ർ​മെൻറ് ആ​ൻ​ഡ് എ​ൻ​റി​ച്ച്മെൻറി​ലെ കു​ട്ടി​ക​ളാ​യി​രു​ന്നു ഇ​വ​ർ. ബോ​ട്ട് മാ​സ്റ്റ​ർ ജ​ലീ​ഷ് ച​ന്ദ്ര​ൻ, അ​സി. ബോ​ട്ട് മാ​സ്റ്റ​ർ​മാ​രാ​യ ഗ്ലാ​ഡ്സ​ൺ, എ​സ്. കി​ര​ൺ എ​ന്നി​വ​രാ​ണ്​ ആ​ദ്യ ബോ​ട്ട്​ യാ​ത്ര​ക്ക്​ ചു​ക്കാ​ൻ പി​ടി​ച്ച​ത്. ഇ​തോ​ടൊ​പ്പം മ​റ്റ് ര​ണ്ട് ബോ​ട്ടും കാ​യ​ൽ​പ​ര​പ്പി​ലൂ​ടെ കു​തി​ച്ചു. കാ​യ​ലി​ന്‍റെ​യും ന​ഗ​ര​ത്തി​ന്‍റെ​യും കാ​ഴ്ച ആ​സ്വ​ദി​ക്കാ​വു​ന്ന വി​ധ​മാ​ണ്​ ബോ​ട്ടി​ന്‍റെ രൂ​പ​ക​ൽ​പ​ന. ഉ​ച്ച​ക്ക് 1.08ന് ​ഹൈ​കോ​ർ​ട്ട് ടെ​ർ​മി​ന​ലി​ൽ​നി​ന്ന്​ യാ​ത്ര ആ​രം​ഭി​ച്ച ബോ​ട്ട് 1.14ന് ​ബോ​ൾ​ഗാ​ട്ടി​യി​ലെ​ത്തി. അ​വി​ടെ​നി​ന്ന്​ 1.20ന് ​ഹൈ​കോ​ർ​ട്ടി​ൽ തി​രി​ച്ചെ​ത്തി. പാ​ട്ടു​പാ​ടി​യും കൗ​തു​ക​ക്കാ​ഴ്ച​ക​ൾ ആ​സ്വ​ദി​ച്ചും ഭി​ന്ന​ശേ​ഷി​ക്കാ​രാ​യ കു​ട്ടി​ക​ൾ ജ​ല മെ​ട്രോ യാ​ത്ര​യെ ആ​ഘോ​ഷ​മാ​ക്കി.

‘വിപ്ലവകരമായ പദ്ധതി’

കൊ​ച്ചി: ജ​ല​മെ​ട്രോ വി​പ്ല​വ​ക​ര​മാ​യ പ​ദ്ധ​തി​യാ​ണെ​ന്ന് വ്യ​വ​സാ​യ മ​ന്ത്രി പി. ​രാ​ജീ​വ്. കൊ​ച്ചി ജ​ല​മെ​ട്രോ ഉ​ദ്ഘാ​ട​ന​ത്തോ​ട​നു​ബ​ന്ധി​ച്ച് ഹൈ​കോ​ർ​ട്ട് ടെ​ർ​മി​ന​ലി​ൽ സം​ഘ​ടി​പ്പി​ച്ച പ​രി​പാ​ടി​യി​ൽ മു​ഖ്യാ​തി​ഥി​യാ​യി സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. കേ​ര​ള​ത്തി​ന്‍റെ ഈ ​പ​ദ്ധ​തി ഇ​ന്ത്യ​ക്കാ​കെ മാ​തൃ​ക​യാ​ണെ​ന്ന് പ്ര​ധാ​ന​മ​ന്ത്രി പ​റ​ഞ്ഞ​ത് അ​ഭി​മാ​ന​ക​ര​മാ​ണ്. ഇ​ത്ര​യും ബോ​ട്ടു​ക​ളു​ടെ ഒ​രു​മി​ച്ചു​ള്ള ഓ​ർ​ഡ​ർ കൊ​ച്ചി ക​പ്പ​ൽ​ശാ​ല​ക്ക് ല​ഭി​ച്ച​ത് ജ​ല​മെ​ട്രോ​ക്ക് വേ​ണ്ടി​യാ​ണെ​ന്ന​തും ശ്ര​ദ്ധേ​യ​മാ​ണ്. ജ​ല​മെ​ട്രോ കൊ​ച്ചി​യി​ൽ​ത​ന്നെ പ്ര​ധാ​ന​മ​ന്ത്രി ഉ​ദ്ഘാ​ട​നം ചെ​യ്യ​ണ​മെ​ന്ന​താ​യി​രു​ന്നു ആ​ഗ്ര​ഹ​മെ​ന്ന്​ ഹൈ​ബി ഈ​ഡ​ൻ എം.​പി പ​റ​ഞ്ഞു. പ്ര​ധാ​ന​മ​ന്ത്രി തി​ങ്ക​ളാ​ഴ്ച ന​ഗ​ര​ത്തി​ലു​ണ്ടാ​യി​രു​ന്നി​ട്ടും ദൗ​ർ​ഭാ​ഗ്യ​വ​ശാ​ൽ അ​തു​ണ്ടാ​യി​ല്ലെ​ന്നും അ​ദ്ദേ​ഹം പ​റ​ഞ്ഞു.

10 ദ്വീപുകളെ കൂട്ടിയിണക്കും

കൊ​ച്ചി: 10 ദ്വീ​പു​ക​ളെ ബ​ന്ധി​പ്പി​ച്ച് 76 കി​ലോ​മീ​റ്റ​ർ ദൈ​ർ​ഘ്യ​ത്തി​ലാ​ണ്‌ കൊ​ച്ചി ജ​ല മെ​ട്രോ യ​ഥാ​ർ​ഥ്യ​മാ​കു​ന്ന​ത്. 38 ടെ​ർ​മി​ന​ലു​ക​ളു​ണ്ടാ​കും. 1136.83 കോ​ടി രൂ​പ​യാ​ണ്​ ചെ​ല​വ്. ബാ​റ്റ​റി​യി​ലും ഹൈ​ബ്രി​ഡ് രീ​തി​യി​ലും പ്ര​വ​ര്‍ത്തി​ക്കും. ലോ​ക​ത്തി​ൽ​ ആ​ദ്യ​മാ​യാ​ണ് ബാ​റ്റ​റി​യി​ല്‍ പ്ര​വ​ര്‍ത്തി​ക്കു​ന്ന ഇ​ത്ര​യും വി​പു​ല​മാ​യ ബോ​ട്ട് ശൃം​ഖ​ല​.

യാ​ത്ര ഇ​ങ്ങ​നെ

• ബു​ധ​നാ​ഴ്ച മു​ത​ൽ പൊ​തു​ജ​ന​ങ്ങ​ൾ​ക്ക് ‌ജ​ല മെ​ട്രോ​യി​ൽ സ​ഞ്ച​രി​ക്കാം.

• ഹൈ​കോ​ർ​ട്ട് ടെ​ർ​മി​ന​ലി​ൽ​നി​ന്ന് വൈ​പ്പി​നി​ലേ​ക്കും തി​രി​ച്ചു​മാ​ണ് ആ​ദ്യ സ​ർ​വി​സ്.

• വൈ​റ്റി​ല-​കാ​ക്ക​നാ​ട് റൂ​ട്ടി​ൽ വ്യാ​ഴാ​ഴ്ച മു​ത​ൽ സ​ർ​വി​സ് തു​ട​ങ്ങും.

• യാ​ത്രാ​സ​മ​യം രാ​വി​ലെ ഏ​ഴു​മു​ത​ൽ രാ​ത്രി എ​ട്ടു​വ​രെ

• തി​ര​ക്കു​ള്ള സ​മ​യ​ങ്ങ​ളി​ൽ 15 മി​നി​റ്റ് ഇ​ട​വേ​ള​യി​ൽ സ​ർ​വി​സ്​

യാ​ത്രാ നി​ര​ക്ക്​

ഹൈ​കോ​ർ​ട്ട്-​വൈ​പ്പി​ൻ റൂ​ട്ടി​ൽ 20 രൂ​പ, വൈ​റ്റി​ല- കാ​ക്ക​നാ​ട് റൂ​ട്ടി​ൽ 30 രൂ​പ, മി​നി​മം നി​ര​ക്ക് 20 രൂ​പ, ആ​ഴ്ച​തോ​റു​മു​ള്ള പാ​സി​ന് 180 രൂ​പ, പ്ര​തി​മാ​സ പാ​സ് ​- 600 രൂ​പ, ത്രൈ​മാ​സ പാ​സ് ​-1500 രൂ​പ.