ചെറിയൊരു തീപ്പൊരി മതി കത്തിപ്പടരാന്‍

കൊ​ച്ചി: താ​പ​നി​ല ഉ​യ​ർ​ന്ന​തോ​ടെ പൊ​ള്ളു​ന്ന ചൂ​ടി​ൽ തീ​പി​ടി​ത്തം വ്യാ​പ​ക​മാ​യി​രി​ക്കു​ക​യാ​ണ്. ഏ​താ​നും ആ​ഴ്ച​ക​ൾ​ക്കു​ള്ളി​ൽ പ​ത്തി​ല​ധി​കം തീ​പി​ടി​ത്ത​ങ്ങ​ളാ​ണ് ജി​ല്ല​യി​ൽ റി​പ്പോ​ർ​ട്ട് ചെ​യ്യ​പ്പെ​ട്ട​ത്. ജി​ല്ല​യി​ൽ സ​മീ​പ ദി​വ​സ​ങ്ങ​ളി​ൽ ഏ​റ്റ​വു​മ​ധി​കം ചൂ​ട് രേ​ഖ​പ്പെ​ടു​ത്തി​യി​രി​ക്കു​ന്ന​ത് ചൂ​ണ്ടി​യി​ലാ​ണ്. ഇ​വി​ടു​ത്തെ ഉ​യ​ർ​ന്ന താ​പ​നി​ല 40 ഡി​ഗ്രി​യും ക​ട​ന്നി​രി​ക്കു​ക​യാ​ണ്.

അ​ല​ക്ഷ്യ​മാ​യി മാ​ലി​ന്യ​ത്തി​നും പു​ല്ലി​നു​മൊ​ക്കെ തീ​യി​ടു​ന്ന​ത​ട​ക്കം ശ്ര​ദ്ധ​യി​ല്ലാ​യ്മ​യാ​ണ് തീ​പി​ടി​ത്ത​ത്തി​ന് പ്ര​ധാ​ന​മാ​യും വ​ഴി​വെ​ക്കു​ന്ന​ത്. മാ​ലി​ന്യം ക​ത്തി​ച്ച​തി​ൽ​നി​ന്ന് പ​ട​ർ​ന്ന തീ ​ന​ഗ​ര​ത്തി​ലെ വ​ർ​ക്ഷോ​പ്പി​ലേ​ക്ക് വ്യാ​പി​ച്ച് 17 ഓ​ട്ടോ​റി​ക്ഷ​ക​ളും ഉ​പ​ക​ര​ണ​ങ്ങ​ളും ക​ത്തി​ന​ശി​ച്ച സം​ഭ​വം ഏ​താ​നും ദി​വ​സ​ങ്ങ​ൾ​ക്ക് മു​മ്പാ​ണു​ണ്ടാ​യ​ത്. ല​ക്ഷ‍ങ്ങ​ളു​ടെ നാ​ശ​ന​ഷ്ട​മാ​ണ് അ​വി​ടെ റി​പ്പോ​ർ​ട്ട് ചെ​യ്യ​പ്പെ​ട്ട​ത്. കാ​ക്ക​നാ​ട് വി​ല്ലേ​ജ് ഓ​ഫി​സ് വ​ള​പ്പി​ലു​ണ്ടാ​യ തീ​പി​ടി​ത്ത​ത്തി​ൽ ത​ടി​ക്ക​ഷ്‌​ണ​ങ്ങ​ളും മ​ര​ക്കൊ​മ്പു​ക​ളും ക​ത്തി ന​ശി​ച്ചി​രു​ന്നു. വ​ല്ലാ​ർ​പാ​ട​ത്ത് ഡി.​പി വേ​ൾ​ഡി​ന് എ​തി​ർ​വ​ശ​ത്തു​ള്ള ഒ​ഴി​ഞ്ഞ പ​റ​മ്പി​ൽ പു​ല്ലി​ന് തീ​പി​ടി​ച്ച​തും പ​രി​ഭ്രാ​ന്തി പ​ര​ത്തി​യി​രു​ന്നു. ചാ​ല​ക്ക​ൽ ആ​ക്രി​ക്ക​ട​യി​ലും തീ​പി​ടി​ത്ത​മു​ണ്ടാ​യി.

പെ​രു​മ്പ​ട​പ്പി​ൽ ന​ഗ​ര​സ​ഭ ശേ​ഖ​രി​ച്ച പ്ലാ​സ്റ്റി​ക് മാ​ലി​ന്യ​ങ്ങ​ളി​ലും തീ​പ​ട​ർ​ന്നി​രു​ന്നു. തോ​പ്പും​പ​ടി​യി​ലെ വി​യ്യാ സ്റ്റോ​റി​ന് തീ​പി​ടി​ച്ച് ക്രോ​ക്ക​റി ഇ​ന​ങ്ങ​ൾ, പാ​ത്ര​ങ്ങ​ൾ തു​ട​ങ്ങി​യ ക​ത്തി​ന​ശി​ച്ചി​രു​ന്നു. മാ​ട​വ​ന​യി​ൽ ഒ​ഴി​ഞ്ഞ പ​റ​മ്പി​ലെ പു​ല്ലി​ന് തീ​പി​ടി​ച്ച​തി​ന് പി​ന്നി​ൽ പ​ട​ക്കം പൊ​ട്ടി​ച്ച​പ്പോ​ഴു​ണ്ടാ​യ തീ​പ്പൊ​രി​യാ​ണെ​ന്ന സം​ശ​യം ഉ​യ​ർ​ന്നി​രു​ന്നു.

മാ​ലി​ന്യം ക​ത്തി​ച്ച​തി​നെ തു​ട​ർ​ന്ന് കു​ണ്ട​ന്നൂ​ർ ജ​ങ്ഷ​നി​ലു​ള്ള കെ​ട്ടി​ട​ത്തി​ൽ തീ​പി​ടി​ത്ത​മു​ണ്ടാ​യ​തും സ​മീ​പ​കാ​ല​ത്താ​ണ്. ദി​വ​സം മു​ന്നോ​ട്ടു​പോ​കു​ന്തോ​റും അ​ന്ത​രീ​ക്ഷ താ​പ​നി​ല കു​റ​യാ​തെ തു​ട​രു​മ്പോ​ൾ കൂ​ടു​ത​ൽ ജാ​ഗ്ര​ത വേ​ണ​മെ​ന്നാ​ണ് അ​ധി​കൃ​ത​രു​ടെ മു​ന്ന​റി​യി​പ്പ്. ചൂ​ടേ​റു​ന്ന സ​മ​യ​ത്തും അ​ല്ലാ​ത്ത​പ്പോ​ഴും ഒ​രു​പോ​ലെ തീ​പി​ടി​ത്ത​ത്തി​ന് വ​ഴി​വെ​ക്കു​ന്ന പ്ര​ശ്ന​മാ​ണ് ഷോ​ർ​ട്ട് സ​ർ​ക്യൂ​ട്ട്. വൈ​ദ്യു​തി ഉ​പ​യോ​ഗ​ത്തി​ലും ക്ര​മീ​ക​ര​ണ​ത്തി​ലും മ​തി​യാ​യ ശ്ര​ദ്ധ​പു​ല​ർ​ത്ത​ണം.

ആ​ളി​പ്പ​ട​രും, ശ്ര​ദ്ധ​വേ​ണം

- അ​ഗ്നി​ബാ​ധ​ക്ക് ഇ​ട​യാ​ക്കു​ന്ന ത​ര​ത്തി​ല്‍ തീ​ക്കൊ​ള്ളി​യും മ​റ്റും അ​ല​ക്ഷ്യ​മാ​യി വ​ലി​ച്ചെ​റി​യ​രു​ത്.

- പൊ​തു​സ്ഥ​ല​ങ്ങ​ളി​ല്‍ മാ​ലി​ന്യം ക​ത്തി​ക്ക​രു​ത്. ഇ​ത്ത​ര​ത്തി​ൽ വ​സ്തു​ക്ക​ൾ ക​ത്തി​ച്ച സ്ഥ​ല​ങ്ങ​ൾ​ക്ക് സ​മീ​പം വാ​ഹ​ന​ങ്ങ​ള്‍ പാ​ര്‍ക്ക് ചെ​യ്യ​രു​ത്.

- അ​ത്യാ​വ​ശ്യ ഘ​ട്ട​ങ്ങ​ളി​ൽ ഉ​പ​യോ​ഗി​ക്കാ​ൻ വെ​ള്ളം ടാ​ങ്കു​ക​ളി​ൽ സൂ​ക്ഷി​ക്കു​ക

- ഇ​ല​ക്ട്രി​ക്ക് ലൈ​നു​ക​ൾ​ക്ക് താ​ഴെ പ്ര​ത്യേ​ക ശ്ര​ദ്ധ​വേ​ണം

- ച​പ്പു​ച​വ​റു​ക​ൾ കൂ​ട്ടി​യി​ട്ട് ക​ത്തി​ക്കു​മ്പോ​ൾ ശ്ര​ദ്ധ​വേ​ണം. ച​പ്പു​ച​വ​റു​ക​ൾ ക​ത്തി​ച്ച ശേ​ഷം തീ ​പൂ​ർ​ണ​മാ​യി അ​ണ​ഞ്ഞു​വെ​ന്നു ഉ​റ​പ്പു​വ​രു​ത്ത​ണം.

- സ്ഥാ​പ​ന​ങ്ങ​ളി​ൽ അ​ഗ്നി​ശ​മ​ന ഉ​പ​ക​ര​ണ​ങ്ങ​ൾ പ്ര​വ​ർ​ത്ത​സ​ജ്ജ​മെ​ന്ന് ഉ​റ​പ്പാ​ക്കു​ക

- പാ​ച​ക​വാ​ത​ക സി​ലി​ണ്ട​ർ ഉ​പ​യോ​ഗി​ക്കു​മ്പോ​ൾ ക​ന​ത്ത ജാ​ഗ്ര​ത പാ​ലി​ക്കു​ക. പാ​ച​കം ക​ഴി​ഞ്ഞാ​ലു​ട​ൻ ബ​ർ​ണ​ർ ഓ​ഫാ​ക്കു​ക

- മാ​ലി​ന്യം നി​ക്ഷേ​പി​ക്കു​ന്ന സ്ഥ​ല​ങ്ങ​ളി​ല്‍ പൊ​ട്ടി​ത്തെ​റി​ക്കു​ന്ന​തോ ആ​ളി​ക്ക​ത്തു​ന്ന​തോ ആ​യ ദ്രാ​വ​ക​ങ്ങ​ള്‍ അ​ട​ങ്ങി​യ കു​പ്പി​ക​ളോ സ​മാ​ന​മാ​യ മ​റ്റു വ​സ്തു​ക്ക​ളോ ഇ​ടാ​തി​രി​ക്കു​ക

- വ​ന​പ്ര​ദേ​ശ​ങ്ങ​ളി​ലും മ​റ്റും തീ​പ​ട​രു​ന്ന സാ​ഹ​ച​ര്യ​മു​ണ്ടാ​കാ​തി​രി​ക്കാ​ൻ വി​നോ​ദ സ​ഞ്ചാ​രി​ക​ൾ പ്ര​ത്യേ​ക ശ്ര​ദ്ധ പു​ല​ർ​ത്ത​ണം.

- കെ​ട്ടി​ട​ങ്ങ​ളി​ലെ സ്ഥി​രം അ​ഗ്നി​ശ​മ​ന സം​വി​ധാ​ന​ങ്ങ​ള്‍ പ്ര​വ​ര്‍ത്ത​ന​ക്ഷ​മ​മാ​ണെ​ന്ന് ഉ​റ​പ്പാ​ക്ക​ണം