കിടപ്പുരോഗികൾ ദുരിതത്തിൽ; കാക്കനാട് പാലിയേറ്റീവ് കെയർ പ്രവർത്തനം നിലച്ചിട്ട് മാസങ്ങൾ

കാ​ക്ക​നാ​ട്: ഇ​രു​നൂ​റി​ല​ധി​കം കി​ട​പ്പു രോ​ഗി​ക​ൾ ഉ​ൾ​പ്പ​ടെ നി​ര​വ​ധി രോ​ഗി​ക​ൾ​ക്ക് ആ​ശ്വാ​സ​മാ​യി​രു​ന്ന തൃ​ക്കാ​ക്ക​ര ന​ഗ​ര​സ​ഭ കാ​ക്ക​നാ​ട് കു​ടും​ബാ​രോ​ഗ്യ കേ​ന്ദ്രം പാ​ലി​യേ​റ്റീ​വ് പ്ര​വ​ർ​ത്ത​നം നി​ല​ച്ചി​ട്ട് മാ​സ​ങ്ങ​ളാ​യി. മ​ല​മൂ​ത്ര വി​സ​ർ​ജ​ന​ത്തി​നും ഭ​ക്ഷ​ണ​ത്തി​നും പ​രാ​ശ്ര​യം ആ​വ​ശ്യ​മാ​യ രോ​ഗി​ക​ൾ നി​ര​വ​ധി​യാ​ണ്. ഇ​വ​രു​ടെ ട്യൂ​ബു​ക​ൾ മാ​റ്റി​യി​ടാ​ൻ പോ​ലും ന​ഴ്സു​മാ​ർ ഇ​ല്ലാ​തെ പ​റ്റി​ല്ല. നി​ല​വി​ൽ സേ​വ​നം ചെ​യ്ത ന​ഴ്സ് മു​ൻ​കൂ​ട്ടി വി​വ​രം ന​ൽ​കി​യ ശേ​ഷം ര​ണ്ടു മാ​സം മു​മ്പ് സേ​വ​നം മ​തി​യാ​ക്കി സ​ർ​ക്കാ​ർ ജോ​ലി​യി​ൽ പ്ര​വേ​ശി​ച്ചു. എ​ന്നാ​ൽ, തൃ​ക്കാ​ക്ക​ര ന​ഗ​ര​സ​ഭ ഇ​തു​വ​രെ പു​തി​യൊ​രു ന​ഴ്സി​നെ ചു​മ​ത​ല​പ്പെ​ടു​ത്താ​ൻ പോ​ലും താ​ൽ​പ​ര്യം കാ​ണി​ച്ചി​ട്ടി​ല്ല.

രോ​ഗി​ക​ൾ അ​ന്വേ​ഷി​ച്ച​പ്പോ​ൾ തെ​ര​ഞ്ഞെ​ടു​പ്പ്​ പെ​രു​മാ​റ്റ​ച്ച​ട്ടം വ​ന്ന​തി​നാ​ലാ​ണ് ന​ഴ്സി​നെ നി​യ​മി​ക്കാ​ൻ ത​ട​സ്സ​മാ​യ​തെ​ന്ന ന്യാ​യ​മാ​ണ് ന​ഗ​ര​സ​ഭ പ​റ​യു​ന്ന​ത്. കു​ടും​ബാ​രോ​ഗ്യ കേ​ന്ദ്ര​ത്തി​ലെ പാ​ലി​യേ​റ്റീ​വ് സേ​വ​നം ആ​വ​ശ്യ​പ്പെ​ട്ട് നൂ​റു​ക്ക​ണ​ക്കി​ന് രോ​ഗി​ക​ളാ​ണ് ര​ജി​സ്റ്റ​ർ ചെ​യ്തി​രി​ക്കു​ന്ന​ത്. ഓ​രോ മാ​സ​വും 20 ഹോം ​കെ​യ​റു​ക​ളാ​ണ് ചെ​യ്യേ​ണ്ട​ത്.

സേ​വ​നം മു​ട​ങ്ങി​യ​തി​നാ​ൽ തൃ​ക്കാ​ക്ക​ര​യി​ലെ മു​ഴു​വ​ൻ വാ​ർ​ഡു​ക​ളി​ലെ​യും കി​ട​പ്പു രോ​ഗി​ക​ൾ ദു​രി​ത​ത്തി​ലാ​ണ്. ഈ ​വാ​ർ​ഡു​ക​ളി​ലെ ജ​ന​പ്ര​തി​നി​ധി​ക​ളും മ​റ്റു സ​ന്ന​ദ്ധ പ്ര​വ​ർ​ത്ത​ക​രും ഇ​ട​പെ​ടു​മെ​ന്ന പ്ര​തീ​ക്ഷ​യി​ലാ​ണ് പാ​ലി​യേ​റ്റീ​വ് രോ​ഗി​ക​ൾ. നി​ല​വി​ൽ ക​ഴി​ഞ്ഞ ര​ണ്ടു മാ​സ​മാ​യി സ്വ​കാ​ര്യ ആ​ശു​പ​ത്രി​ക​ളേ​യോ സ്വ​കാ​ര്യ പാ​ലി​യേ​റ്റീ​വി​നെ​യോ ആ​ശ്ര​യി​ച്ച് ഭീ​മ​മാ​യ തു​ക ന​ൽ​കി ട്യൂ​ബു​ക​ൾ മാ​റി​യി​ടേ​ണ്ട അ​വ​സ്ഥ​യി​ലാ​ണ് നി​ർ​ധ​ന​രാ​യ കി​ട​പ്പു രോ​ഗി​ക​ൾ. കി​ട​പ്പു രോ​ഗി​ക​ൾ​ക്കും മ​റ്റു​മാ​യി നി​ര​വ​ധി പ​ദ്ധ​തി​ക​ൾ ന​ഗ​ര​സ​ഭ ആ​സൂ​ത്ര​ണം ചെ​യ്ത​തെ​ങ്കി​ലും ഒ​ന്നും ന​ട​പ്പാ​യി​ല്ല.