ബിഗ് ബെൻഹൗസിലെ താമസക്കാരുടെ ദുരിതത്തിന് അറുതിയാകുന്നു

മ​ട്ടാ​ഞ്ചേ​രി: ന​ഗ​ര​സ​ഭ​യും സ​ർ​ക്കാ​റും കൈ​യൊ​ഴി​ഞ്ഞെ​ങ്കി​ലും കോ​മ്പാ​റ​മു​ക്ക് ബി​ഗ് ബെ​ൻ ഹൗ​സ് കെ​ട്ടി​ട​ത്തി​ലെ അ​ന്തേ​വാ​സി​ക​ളു​ടെ ദു​രി​ത ജീ​വി​ത​ത്തി​ന് അ​റു​തി​യാ​കു​ന്നു. വ്യ​വ​സാ​യി​യാ​യ എ.​എം. നൗ​ഷാ​ദി​ന്‍റെ ഇ​ട​പെ​ട​ലി​ലാ​ണ് ആ​റു കു​ടും​ബ​ങ്ങ​ൾ​ക്ക് ഭ​വ​നം ഒ​രു​ങ്ങു​ന്ന​ത്. 2021 ഒ​ക്ടോ​ബ​ർ 15നാ​ണ് ക​ന​ത്ത കാ​റ്റി​ലും മ​ഴ​യി​ലും ബി​ഗ് ബെ​ൻ ഹൗ​സി​ന്റെ ചു​വ​രി​ൽ വി​ള്ള​ൽ വീ​ണ​ത്. അ​പ​ക​ടാ​വ​സ്ഥ​യി​ലാ​യ​തോ​ടെ ഇ​വി​ടെ താ​മ​സി​ച്ചി​രു​ന്ന ആ​റു കു​ടും​ബ​ങ്ങ​ൾ മ​ട്ടാ​ഞ്ചേ​രി ക​മ്മ്യൂ​ണി​റ്റി ഹാ​ളി​ലാ​ണ് ക​ഴി​ഞ്ഞ മൂ​ന്ന് വ​ർ​ഷ​മാ​യി ക​ഴി​യു​ന്ന​ത്. അ​പ​ക​ടാ​വ​സ്ഥ ക​ണ​ക്കി​ലെ​ടു​ത്ത് ന​ഗ​ര​സ​ഭ ഇ​ട​പെ​ട്ട് ഇ​വ​രെ മാ​റ്റി താ​മ​സി​പ്പി​ച്ച​തോ​ടെ മൂ​ന്നു വ​ർ​ഷ​മാ​യി ഇ​വ​ർ ദു​രി​ത ജീ​വി​തം ന​യി​ച്ചു​വ​രി​ക​യാ​ണ്.

ഇ​വ​ർ​ക്ക് പു​ന​ര​ധി​വാ​സ​വും മ​റ്റും ന​ഗ​ര​സ​ഭ വാ​ഗ്ദാ​നം ന​ൽ​കി​യി​രു​ന്നെ​ങ്കി​ലും ഒ​രു ന​ട​പ​ടി​യും ഉ​ണ്ടാ​യി​ല്ല. ഇ​തി​നി​ടെ സ്വ​ന്തം ഭ​വ​നം കാ​ണാ​നാ​കാ​തെ ര​ണ്ടു പേ​ർ മ​ര​ണ​ത്തി​ന് കീ​ഴ​ട​ങ്ങി. ക​മ്മ്യൂ​ണി​റ്റി ഹാ​ളി​ൽ ഒ​രു സു​ര​ക്ഷി​ത​ത്വ​വു​മി​ല്ലാ​തെ​യാ​ണ് ഇ​വ​ർ ക​ഴി​ഞ്ഞി​രു​ന്ന​ത്. സ്വ​കാ​ര്യ​ത പോ​ലും ന​ഷ്ട​പ്പെ​ട്ട കു​ടും​ബ​ങ്ങ​ൾ ഭാ​വി​യെ​ക്കു​റി​ച്ച് ഒ​രു പ്ര​തീ​ക്ഷ​യു​മി​ല്ലാ​തെ​യാ​ണ് ക​ഴി​ഞ്ഞി​രു​ന്ന​ത്. ഇ​തോ​ടെ ഗ​ത്യ​ന്ത​ര​മി​ല്ലാ​തെ മൂ​ന്ന് കു​ടും​ബ​ങ്ങ​ൾ വാ​ട​ക വീ​ടു​ക​ളി​ലേ​ക്ക് മാ​റി. വാ​ട​ക കൊ​ടു​ക്കാ​നു​ള്ള ശേ​ഷി​യി​ല്ലെ​ങ്കി​ലും കു​ട്ടി​ക​ളു​ടെ ആ​രോ​ഗ്യം ക​ണ​ക്കി​ലെ​ടു​ത്ത് മാ​റാ​ൻ നി​ർ​ബ​ന്ധി​ത​രാ​വുകയായിരുന്നു. ബി​ഗ് ബെ​ൻ കെ​ട്ടി​ട​ത്തി​ന് വി​ള്ള​ൽ വീ​ണ​പ്പോ​ൾ ഉ​ട​ൻ പ​രി​ഹാ​ര​മു​ണ്ടാ​ക്കാ​മെ​ന്ന ഉ​റ​പ്പു​മാ​യി ജ​ന​പ്ര​തി​നി​ധി​ക​ൾ അ​ട​ക്ക​മു​ള്ള​വ​ർ എ​ത്തി​യെ​ങ്കി​ലും ഇ​വ​രെ ക​മ്മ്യൂ​ണി​റ്റി ഹാ​ളി​ലേ​ക്ക് മാ​റ്റി​യ​തോ​ടെ എ​ല്ലാം മ​ന്ദ​ഗ​തി​യി​ലാ​യി. വ​ഖ​ഫ്​ ബോർഡിന്‍റെ അ​ധീ​ന​ത​യി​ലു​ള്ള കെ​ട്ടി​ട​മാ​യ​തി​നാ​ൽ അ​റ്റ​കു​റ്റ പ​ണി​ക​ൾ ന​ട​ത്തു​ന്ന​തി​ന് അ​വ​രു​ടെ അ​നു​വാ​ദം വേ​ണ​മാ​യി​രു​ന്നു. വ​ഖ​ഫ് ബോ​ർ​ഡ് അ​നു​വാ​ദം ന​ൽ​കി​യെ​ങ്കി​ലും ന​വീ​ക​ര​ണ​ത്തി​നു​ള്ള ഫ​ണ്ട് വി​ല​ങ്ങു​ത​ടി​യാ​യി.

ഇ​തി​നു​ശേ​ഷം പൊ​തു​മേ​ഖ​ല സ്ഥാ​പ​ന​ങ്ങ​ൾ ഉ​ൾ​പ്പെ​ടെ അ​റ്റ​കു​റ്റ പ​ണി​ക​ൾ ന​ട​ത്താ​ൻ സ​മ്മ​ത​വു​മാ​യി എ​ത്തി​യെ​ങ്കി​ലും അ​വ​രും പി​ന്നി​ട് പി​ൻ​മാ​റി. ഇ​വ​രു​ടെ ദു​രി​തം കേ​ട്ട​റി​ഞ്ഞെ​ത്തി​യ എ.​എം നൗ​ഷാ​ദ് ന​വീ​ക​ര​ണ ചു​മ​ത​ല ഏ​റ്റെ​ടു​ക്കു​ക​യാ​യി​രു​ന്നു. ബി​ഗ്ബെ​ൻ ഹൗ​സ് കെ​ട്ടി​ട​ത്തി​ന്റെ ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ അ​വ​സാ​ന ഘ​ട്ട​ത്തി​ലാ​ണ്. 25 ല​ക്ഷം രൂ​പ വി​നി​യോ​ഗി​ച്ചാ​ണ്​ നൗ​ഷാ​ദ്​ കെ​ട്ടി​ട​ത്തി​ന്റെ ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ ഏ​റ്റെ​ടു​ത്ത് ന​ട​ത്തി​യ​ത്. ക​ഴി​ഞ്ഞ ഡി​സം​ബ​റി​ലാ​ണ് ജോ​ലി​ക​ൾ തു​ട​ങ്ങി​യ​ത്. എ​ട്ടു മാ​സ​ത്തി​ന​ക​മാ​ണ് ജോ​ലി​ക​ൾ പൂ​ർ​ത്തീ​ക​രി​ക്കു​ന്ന​ത്. ആ​റ് കു​ടും​ബ​ങ്ങ​ൾ​ക്കും അ​ടു​ക്ക​ള, ശു​ചി​മു​റി, കി​ട​പ്പ് മു​റി, ഹാ​ൾ ഉ​ൾ​പ്പെ​ടെ​യാ​ണ് കെ​ട്ടി​ടം ന​വീ​ക​രി​ച്ച​ത്. നേ​ര​ത്തേ ഇ​വ​ർ ശു​ചി​മു​റി സം​വി​ധാ​ന​ത്തി​ന് വ​ലി​യ പ്ര​യാ​സം നേ​രി​ട്ടി​രു​ന്നു. ന​വീ​ക​ര​ണ​ത്തി​ന്റെ അ​വ​സാ​ന മി​നു​ക്ക് പ​ണി​ക​ൾ മാ​ത്ര​മേ ഇ​നി പൂ​ർ​ത്തി​യാ​കാ​നു​ള്ളൂ. അ​ടു​ത്ത മാ​സം പ​ത്തി​ന് താ​മ​സ​ക്കാ​ർ​ക്ക് താ​ക്കോ​ൽ കൈ​മാ​റു​മെ​ന്ന് എ.​എം. നൗ​ഷാ​ദ് പ​റ​ഞ്ഞു. ഐ.​ജി പി. വി​ജ​യ​നാ​ണ് താ​ക്കോ​ൽ കൈ​മാ​റു​ന്ന​ത്.