ബില്ല് അടച്ചില്ല; സ്പോർട്സ് ഹോസ്റ്റലിന്‍റെ ഫ്യൂസ്​ ഊരി

കൊ​ച്ചി: ബി​ൽ തു​ക അ​ട​ക്കാ​തി​രു​ന്ന​തി​നെ തു​ട​ർ​ന്ന് പ​ന​മ്പ​ള്ളി ന​ഗ​ർ സ്പോ​ർ​ട്സ് ഹോ​സ്റ്റ​ലി​ലെ വൈ​ദ്യു​തി കെ.​എ​സ്.​ഇ.​ബി വി​ച്ഛേ​ദി​ച്ചു. ഘ​ഡു​ക്ക​ളാ​യി തു​ക അ​ട​ക്കാ​ൻ അ​വ​സ​രം ന​ൽ​കി​യി​ട്ടും പാ​ലി​ക്കാ​തെ​വ​ന്ന​തോ​ടെ​യാ​ണ് ന​ട​പ​ടി​യെ​ന്ന് വൈ​ദ്യു​തി വ​കു​പ്പ് അ​റി​യി​ച്ചു. വെ​ള്ളി​യാ​ഴ്ച രാ​വി​ലെ പ​ത്ത​ര​യോ​ടെ​യാ​ണ് വൈ​ദ്യു​തി വി​ച്ഛേ​ദി​ച്ച​ത്.

ഹോ​സ്റ്റ​ലി​ലെ ഏ​പ്രി​ൽ, മേ​യ് മാ​സ​ങ്ങ​ളി​ലെ വൈ​ദ്യു​തി ബി​ല്ല് 13,000 രൂ​പ​യാ​ണ്. ഇ​ത് അ​ട​ക്കാ​നു​ള്ള അ​വ​സാ​ന ദി​വ​സം വ്യാ​ഴാ​ഴ്ച​യാ​യി​രു​ന്നു. നി​ശ്ചി​ത സ​മ​യ​ത്ത് പ​ണം അ​ട​ക്കാ​ത്ത​തോ​ടെ​യാ​ണ് കെ.​എ​സ്.​ഇ.​ബി ഉ​ദ്യോ​ഗ​സ്ഥ​ർ വെ​ള്ളി​യാ​ഴ്ച രാ​വി​ലെ പ​ത്ത​ര​യോ​ടെ എ​ത്തി ഫ്യൂ​സ് ഊ​രി​യ​ത്. പ​ണം അ​ട​ച്ചി​ല്ലെ​ങ്കി​ൽ ഫ്യൂ​സ് ഊ​രു​ന്ന ന​ട​പ​ടി​ക​ളി​ലേ​ക്ക് ക​ട​ക്കു​മെ​ന്ന് കെ.​എ​സ്.​ഇ.​ബി​യു​ടെ മു​ന്ന​റി​യി​പ്പു​ണ്ടാ​യി​രു​ന്നു.

എ​ന്നാ​ൽ, ഹോ​സ്റ്റ​ൽ അ​വ​ധി ദി​വ​സ​ങ്ങ​ളി​ലാ​യ​തി​നാ​ൽ ശ്ര​ദ്ധ​യി​ൽ​പ്പെ​ട്ടി​ല്ലെ​ന്നാ​ണ് അ​ധി​കൃ​ത​രു​ടെ വി​ശ​ദീ​ക​ര​ണം. അ​മ്പ​തി​നാ​യി​ര​ത്തി​ല​ധി​കം രൂ​പ കെ.​എ​സ്.​ഇ.​ബി​ക്ക് അ​ട​ക്കാ​നു​ണ്ടെ​ന്നാ​ണ് വി​വ​രം. ര​ണ്ടു​മാ​സ​മാ​യി ഹോ​സ്റ്റ​ല്‍ അ​വ​ധി​യാ​യി​രു​ന്ന​തി​നാ​ല്‍ ബി​ല്ല് ല​ഭി​ച്ച​ത് അ​റി​യാ​ഞ്ഞ​തു​മൂ​ല​മാ​ണ് പ​ണം അ​ട​ക്കാ​തി​രു​ന്ന​തെ​ന്ന് ഹോ​സ്റ്റ​ല്‍ അ​ധി​കൃ​ത​ര്‍ വ്യ​ക്ത​മാ​ക്കി.

സം​ഭ​വം വി​വാ​ദ​മാ​യ​തോ​ടെ ജി​ല്ല സ്പോ​ർ​ട്സ് കൗ​ൺ​സി​ൽ ബി​ല്ല് അ​ട​ച്ചു. ഇ​തോ​ടെ കെ.​എ​സ്.​ഇ.​ബി അ​ധി​കൃ​ത​ർ വൈ​ദ്യു​തി പു​നഃ​സ്ഥാ​പി​ച്ചു. ഹോ​സ്റ്റ​ലി​ലെ കാ​യി​ക​താ​ര​ങ്ങ​ൾ​ക്ക് മ​തി​യാ​യ പോ​ഷ​കാ​ഹാ​രം ന​ൽ​കു​ന്നി​ല്ലെ​ന്ന് മു​മ്പ്​ പ​രാ​തി ഉ​യ​ർ​ന്നി​രു​ന്നു. ഇ​തു​കാ​ര​ണം പ​രി​ശീ​ല​നം വെ​ട്ടി​ക്കു​റ​ച്ച​ത് വി​വാ​ദ​മാ​യി​രു​ന്നു.