ര​ണ്ടു​വ​ർ​ഷ​മാ​യി​ട്ടും ഒ​രു ന​ട​പ​ടി​യു​മി​ല്ല: കനാൽ സംരക്ഷണഭിത്തി തകർന്നു; റോഡും വീടുകളും ഭീഷണിയിൽ

ചൂ​ർ​ണി​ക്ക​ര: പ​ഞ്ചാ​യ​ത്തി​ലെ മാ​ധ​വ​പു​രം പെ​രി​യാ​ർ​വാ​ലി ക​നാ​ൽ ത​ക​ർ​ന്നി​ട്ട് ര​ണ്ട് വ​ർ​ഷ​മാ​യി. ത​ക​ർ​ന്ന സം​ര​ക്ഷ​ണ ഭി​ത്തി കെ​ട്ടാ​ത്ത​തി​നാ​ൽ ക​നാ​ലി​നോ​ട് ചേ​ർ​ന്ന റോ​ഡും വീ​ടു​ക​ളും എ​പ്പോ​ൾ വേ​ണ​മെ​ങ്കി​ലും നി​ലം​പൊ​ത്താ​മെ​ന്ന അ​വ​സ്ഥ​യി​ലാ​ണ്. ന​ഗ​ര​ത്തോ​ട് ചേ​ർ​ന്ന എ​സ്.​സി കോ​ള​നി​ക്ക് സ​മീ​പ​മാ​ണ് ആ​ഴ​വും വീ​തി​യു​മേ​റി​യ ക​നാ​ൽ​ഭി​ത്തി വ​ലി​യ​തോ​തി​ൽ ത​ക​ർ​ന്ന​ത്. കോ​ള​നി ന​വീ​ക​ര​ണ ഭാ​ഗ​മാ​യി എ​ഫ്.​ഐ.​ടി​യാ​ണ് ഈ ​ക​നാ​ൽ സം​ര​ക്ഷ​ണ ഭി​ത്തി കെ​ട്ടി​യി​രു​ന്ന​ത്.

എ​ന്നാ​ൽ, പ​ണി​ക​ഴി​ഞ്ഞ് അ​ഞ്ച് വ​ർ​ഷം പൂ​ർ​ത്തി​യാ​വു​ന്ന​തി​നു മു​മ്പേ സം​ര​ക്ഷ​ണ ഭി​ത്തി ഇ​ടി​ഞ്ഞു​വീ​ഴു​ക​യാ​യി​രു​ന്നു. പ​ണി​യി​ലെ അ​പാ​ക​ത​യാ​ണ് ഇ​തി​ന് കാ​ര​ണ​മെ​ന്ന് നാ​ട്ടു​കാ​ർ പ​രാ​തി​പ്പെ​ടു​ന്നു. പു​ന​ർ​നി​ർ​മി​ക്കാ​ൻ പ​ഞ്ചാ​യ​ത്ത്‌ എ​സ്റ്റി​മേ​റ്റ് ത​യാ​റാ​ക്കി​യി​രു​ന്നു. അ​തു​പ്ര​കാ​രം 54 ല​ക്ഷം രൂ​പ​യാ​ണ് ചെ​ല​വ് ക​ണ​ക്കാ​ക്കി​യ​ത്. എ​ന്നാ​ൽ, പ​ഞ്ചാ​യ​ത്തി​ന് അ​ത്ര​യും തു​ക മാ​റ്റി​വെ​ക്കാ​ൻ ക​ഴി​യാ​തെ​വ​ന്നു. ഈ ​സാ​ഹ​ച​ര്യ​ത്തി​ൽ നി​ർ​മാ​ണം ന​ട​ത്തു​ന്ന​തി​നാ​യി പെ​രി​യാ​ർ വാ​ലി​യെ സ​മീ​പി​ച്ചു. എ​ന്നാ​ൽ, അ​വ​ർ​ക്ക് ഫ​ണ്ടി​ല്ലെ​ന്നാ​ണ് പ​റ​ഞ്ഞ​ത്. തു​ട​ർ​ന്ന് പ​ഞ്ചാ​യ​ത്ത്‌, സ്ഥ​ലം എം.​എ​ൽ.​എ​യെ​യും എം.​പി​യെ​യും സ​മീ​പി​ച്ചു. ബെ​ന്നി ബ​ഹ​നാ​ൻ എം.​പി നി​ല​വി​ലെ എ​സ്.​സി ഫ​ണ്ടി​നു​ള്ള പ​ദ്ധ​തി​ക​ൾ അ​തി​നു മു​ന്നേ ഏ​റ്റെ​ടു​ത്തി​രു​ന്നു. എ​സ്.​സി ഫ​ണ്ട് എം.​പി​മാ​ർ​ക്ക് എ​വി​ടെ വേ​ണ​മെ​ങ്കി​ലും ചെ​ല​വ​ഴി​ക്കാ​മെ​ന്ന് ഉ​ത്ത​ര​വു​ള്ള​തു​കൊ​ണ്ട് മ​റ്റു എം.​പി​മാ​രോ​ട് ചോ​ദി​ച്ചാ​ൽ ന​ന്നാ​യി​രി​ക്കു​മെ​ന്ന് അ​ദ്ദേ​ഹം പ​ഞ്ചാ​യ​ത്ത് അ​ധി​കൃ​ത​രെ അ​റി​യി​ച്ചു. ഈ ​സാ​ഹ​ച​ര്യ​ത്തി​ൽ എ​റ​ണാ​കു​ള​ത്ത് കെ. ​സു​ധാ​ക​ര​ൻ എം.​പി​യെ ക​ണ്ട​പ്പോ​ൾ പ​ഞ്ചാ​യ​ത്ത് അ​ധി​കൃ​ത​ർ, അ​ടി​യ​ന്ത​ര പ്രാ​ധാ​ന്യ​മു​ള്ള ഈ ​വി​ഷ​യം അ​ദ്ദേ​ഹ​ത്തി​ന്‍റെ ശ്ര​ദ്ധ​യി​ൽ​പെ​ടു​ത്തി. എ​ന്നാ​ൽ, കോ​വി​ഡ് സാ​ഹ​ച​ര്യ​ത്തി​ൽ എം.​പി​മാ​രു​ടെ ഫ​ണ്ട് നി​ർ​ത്തി​വെ​ച്ചി​രി​ക്കു​ക​യാ​ണെ​ന്നും ഉ​ട​നെ ത​ന്നെ അ​ത് റി​ലീ​സ് ചെ​യ്യാ​ൻ സാ​ധ്യ​ത​യു​ണ്ടെ​ന്നും എം.​പി അ​വ​രെ അ​റി​യി​ച്ചു. ഇ​തി​ന്‍റെ​യ​ടി​സ്ഥാ​ന​ത്തി​ൽ ആ ​വാ​ർ​ഡി​ലെ അം​ഗം ഉ​ൾ​പ്പെ​ടെ അ​ഞ്ച് പ​ഞ്ചാ​യ​ത്ത് അം​ഗ​ങ്ങ​ൾ എം.​പി​ക്ക് എ​സ്റ്റി​മേ​റ്റ് ന​ൽ​കാ​നും നേ​രി​ൽ​ക​ണ്ട് വി​വ​ര​ങ്ങ​ൾ വി​ശ​ദീ​ക​രി​ക്കാ​നു​മാ​യി ക​ണ്ണൂ​രി​ലേ​ക്ക് പോ​യി​രു​ന്നു. എ​ന്നാ​ൽ, യാ​ത്ര ചി​ല​ർ വി​വാ​ദ​മാ​ക്കി​യ​തോ​ടെ പി​ന്നീ​ട് ഫ​ണ്ടി​നാ​യു​ള്ള ശ്ര​മം പ​ഞ്ചാ​യ​ത്ത് തു​ട​ർ​ന്നി​ല്ല.

പി​ന്നീ​ട് കോ​ർ​പ​സ് ഫ​ണ്ടി​നു​വേ​ണ്ടി ശ്ര​മം ന​ട​ത്തി​യ​തി​ന്‍റെ ഭാ​ഗ​മാ​യി എ​സ്റ്റി​മേ​റ്റ് ത​യാ​റാ​ക്കി സ​ർ​ക്കാ​റി​ലേ​ക്ക് കൊ​ടു​ത്തി​ട്ടു​ണ്ട്. അ​ത് അ​നു​വ​ദി​ച്ചു​കി​ട്ടു​ന്ന​തി​നാ​യു​ള്ള ശ്ര​മ​ങ്ങ​ൾ ജ​ന​പ്ര​തി​നി​ധി​ക​ൾ ന​ട​ത്തു​മ്പോ​ൾ നി​ർ​മാ​ണ പ്ര​വൃ​ത്തി ന​ട​ത്തി​യ എ​ഫ്.​ഐ.​ടി​യും പെ​രി​യാ​ർ വാ​ലി​യും ഉ​റ​ക്കം ന​ടി​ക്കു​ക​യാ​ണെ​ന്ന് പ​ഞ്ചാ​യ​ത്ത് അ​ധി​കൃ​ത​ർ ആ​രോ​പി​ക്കു​ന്നു.