എറണാകുളം നഗരത്തിലെ കനാൽ നവീകരണം; കോടികളുടെ പദ്ധതി നിർവഹണത്തിൽ മെ​ല്ലെപ്പോക്ക്​

കൊ​ച്ചി: ഒ​രൊ​റ്റ മ​ഴ പെ​യ്താ​ൽ വെ​ള്ള​ത്തി​ലാ​കു​ന്ന എ​റ​ണാ​കു​ള​ത്തെ ക​ര​ക​യ​റ്റാ​ൻ ആ​വി​ഷ്ക​രി​ച്ച ക​നാ​ൽ ന​വീ​ക​ര​ണ പ​ദ്ധ​തി​ക്കാ​യി നാ​ടി​ന്‍റെ കാ​ത്തി​രി​പ്പ് തു​ട​രു​ന്നു.

ന​ഗ​ര​ത്തി​ലും പ​രി​സ​ര​ത്തു​കൂ​ടെ​യും ഒ​ഴു​കു​ന്ന ക​നാ​ലു​ക​ൾ ന​വീ​ക​രി​ച്ച് നീ​രൊ​ഴു​ക്ക് സു​ഗ​മ​മാ​ക്കി ജ​ല​ഗ​താ​ഗ​തം ഉ​ൾ​പ്പെ​ടെ സാ​ധ്യ​മാ​ക്കാ​ൻ ല​ക്ഷ്യ​മി​ട്ടു​ള്ള​താ​യി​രു​ന്നു പ​ദ്ധ​തി. ആ​റ് ക​നാ​ലു​ക​ൾ പു​ന​രു​ജ്ജീ​വി​പ്പി​ക്കാ​നു​ള്ള പ​ദ്ധ​തി മ​ന്ദ​ഗ​തി​യി​ലാ​ണ് മു​ന്നോ​ട്ടു​നീ​ങ്ങു​ന്ന​ത്.

ഇ​ൻ​റ​ഗ്രേ​റ്റ​ഡ് അ​ർ​ബ​ൻ റീ​ജ​ന​റേ​ഷ​ൻ ആ​ൻ​ഡ് വാ​ട്ട​ർ ട്രാ​ൻ​സ്പോ​ർ​ട്ട് സി​സ്റ്റം പ​ദ്ധ​തി 1528. 27 കോ​ടി​യു​ടെ കി​ഫ്ബി ധ​ന​സ​ഹാ​യ​ത്തോ​ടെ കൊ​ച്ചി മെ​ട്രോ റെ​യി​ൽ ലി​മി​റ്റ​ഡ് മു​ഖേ​ന ന​ട​പ്പാ​ക്കാ​ൻ 2021ലാ​ണ് ത​ത്ത്വ​ത്തി​ൽ ഭ​ര​ണാ​നു​മ​തി ന​ൽ​കി​യ​ത്. ഭൂ​മി ഏ​റ്റെ​ടു​ക്ക​ലു​മാ​യി ബ​ന്ധ​പ്പെ​ട്ട പ്ര​വൃ​ത്തി ഇ​ട​പ്പ​ള്ളി ക​നാ​ലി​ലും ചി​ല​വ​ന്നൂ​ർ ക​നാ​ലി​ലും പു​രോ​ഗ​മി​ക്കു​ക​യാ​ണെ​ന്നാ​ണ് അ​ധി​കൃ​ത​രു​ടെ വി​ശ​ദീ​ക​ര​ണം.

പ​ദ്ധ​തി​യു​ടെ ഭാ​ഗ​മാ​യി ന​ട​പ്പാ​ക്കാ​നു​ദ്ദേ​ശി​ച്ചി​രു​ന്ന സീ​വേ​ജ് ശൃം​ഖ​ല വി​പു​ല​പ്പെ​ടു​ത്താ​നും പ​രി​ശോ​ധ​ന​ക​ൾ ന​ട​ക്കു​ന്നു​ണ്ട്. എ​ളം​കു​ളം, പേ​ര​ണ്ടൂ​ർ, മു​ട്ടാ​ർ, വെ​ണ്ണ​ല എ​ന്നീ സ്ഥ​ല​ങ്ങ​ളി​ൽ സീ​വേ​ജ് ട്രീ​റ്റ്മെ​ന്‍റ്​ പ്ലാ​ൻ​റ് സ്ഥാ​പി​ക്കാ​നു​ള്ള പ്ര​വ​ർ​ത്ത​ന​ങ്ങ​ൾ​ക്ക് മു​ൻ​ഗ​ണ​ന ന​ൽ​കി​വ​രു​ക​യാ​ണെ​ന്നാ​ണ് അ​വ​ർ വ്യ​ക്ത​മാ​ക്കു​ന്ന​ത്.

ഇ​തു​വ​രെ 2060.32 കോ​ടി​യു​ടെ ധ​ന​സ​ഹാ​യ​ത്തി​ന് കി​ഫ്ബി​യി​ൽ​നി​ന്ന് അം​ഗീ​കാ​രം ന​ൽ​കി​യി​ട്ടു​ണ്ട്. പ​ദ്ധ​തി​യു​ടെ ഭാ​ഗ​മാ​യി ചി​ല​വ​ന്നൂ​ർ ടാ​ങ്ക് ബ​ണ്ട് റോ​ഡ് പാ​ല​ത്തി​ന്‍റെ നി​ർ​മാ​ണ പ്ര​വൃ​ത്തി പു​രോ​ഗ​മി​ക്കു​ക​യാ​ണെ​ന്നും അ​ധി​കൃ​ത​ർ വ്യ​ക്ത​മാ​ക്കി.

പ​ദ്ധ​തി​യി​ൽ ഉ​ൾ​പ്പെ​ടു​ന്ന ക​നാ​ലു​ക​ൾ, നി​ല​വി​ലെ വീ​തി, പ​ദ്ധ​തി​ക്കു​ശേ​ഷം ല​ക്ഷ്യ​മി​ടു​ന്ന ചു​രു​ങ്ങി​യ വീ​തി

ഇ​ട​പ്പ​ള്ളി ക​നാ​ൽ- അ​ഞ്ച് മീ​റ്റ​ർ മു​ത​ൽ 180 മീ​റ്റ​ർ വ​രെ, 16.50 മീ​റ്റ​ർ

ചി​ല​വ​ന്നൂ​ർ ക​നാ​ൽ- ര​ണ്ട് മീ​റ്റ​ർ മു​ത​ൽ 300 മീ​റ്റ​ർ വ​രെ, 16.50 മീ​റ്റ​ർ

പേ​ര​ണ്ടൂ​ർ ക​നാ​ൽ- ര​ണ്ട് മു​ത​ൽ 110 മീ​റ്റ​ർ വ​രെ, 16.50 മീ​റ്റ​ർ.

തേ​വ​ര ക​നാ​ൽ- 13 മീ​റ്റ​ർ മു​ത​ൽ 25 മീ​റ്റ​ർ വ​രെ, 16.50 മീ​റ്റ​ർ

മാ​ർ​ക്ക​റ്റ് ക​നാ​ൽ- ര​ണ്ട് മീ​റ്റ​ർ മു​ത​ൽ 20 മീ​റ്റ​ർ വ​രെ. ഇ​വി​ടെ ത​ൽ​സ്ഥി​തി തു​ട​രു​ന്ന​തി​നാ​ൽ വീ​തി​യി​ൽ മാ​റ്റ​മു​ണ്ടാ​കി​ല്ല.

കോ​ന്തു​രു​ത്തി ക​നാ​ൽ- ര​ണ്ട് മീ​റ്റ​ർ മു​ത​ൽ 20 മീ​റ്റ​ർ വ​രെ. 16.50 മീ​റ്റ​ർ

ക​നാ​ലി​ലൂ​ടെ ബോ​ട്ട് ഗ​താ​ഗ​തം

ന​വീ​ക​ര​ണ​ത്തി​ലൂ​ടെ ഇ​ട​പ്പ​ള്ളി ക​നാ​ലി​ൽ ബോ​ട്ട് ഗ​താ​ഗ​ത​ത്തി​ന് സൗ​ക​ര്യ​മൊ​രു​ക്കാ​നാ​ണ് പ​ദ്ധ​തി​യി​ടു​ന്ന​ത്. മാ​ർ​ക്ക​റ്റ് ക​നാ​ലി​ൽ ഇ​ത് വി​ഭാ​വ​നം ചെ​യ്തി​ട്ടി​ല്ല. ബോ​ട്ട് സ​ഞ്ചാ​ര​ത്തി​ന്​ റെ​യി​ൽ​വേ പാ​ല​ങ്ങ​ൾ ഉ​യ​ർ​ത്തു​ന്ന​ത് പ്രാ​യോ​ഗി​ക​മ​ല്ലാ​ത്ത​തി​നാ​ൽ ബാ​ക്കി​യു​ള്ള ക​നാ​ലു​ക​ളി​ൽ ജ​ല​ഗ​താ​ഗ​തം ഉ​ദ്ദേ​ശി​ക്കു​ന്നി​ല്ല.

എ​ന്ന് തീ​രും പ​ണി​?

മു​ഴു​വ​ൻ ഭൂ​മി​യും പ​ദ്ധ​തി നി​ർ​വ​ഹ​ണ ഏ​ജ​ൻ​സി​യാ​യ കൊ​ച്ചി മെ​ട്രോ റെ​യി​ൽ ലി​മി​റ്റ​ഡി​ന് കൈ​മാ​റി​യ​ശേ​ഷം വേ​ണം നി​ർ​മാ​ണ ​പ്ര​വൃ​ത്തി ആ​രം​ഭി​ക്കാ​ൻ.

കൈ​മാ​റ്റ​ത്തി​നു​ശേ​ഷം 36 മാ​സം കൊ​ണ്ട് നി​ർ​മാ​ണ പ്ര​വൃ​ത്തി​ക​ൾ പൂ​ർ​ത്തി​യാ​ക്കാ​നാ​ണ് അ​ധി​കൃ​ത​ർ ല​ക്ഷ്യ​മി​ടു​ന്ന​ത്. പ​ദ്ധ​തി​ക്കു​വേ​ണ്ടി​യു​ള്ള പു​റ​മ്പോ​ക്ക് നി​ർ​ണ​യി​ക്കു​ന്ന ന​ട​പ​ടി​ക്ര​മ​ങ്ങ​ൾ പു​രോ​ഗ​മി​ക്കു​ക​യാ​ണ്. അ​തി​നാ​ൽ പു​ന​ര​ധി​വാ​സ​വു​മാ​യി ബ​ന്ധ​പ്പെ​ട്ട് പ്ര​ത്യേ​ക പാ​ക്കേ​ജ്​ ഒ​ന്നും ഇ​തു​വ​രെ രൂ​പ​പ്പെ​ടു​ത്തി​യി​ട്ടി​ല്ല.