കടൽത്തിരകളെ പിടിച്ചുകെട്ടിയ ചെല്ലാനം ‘മോഡൽ’

കൊ​ച്ചി: ചെ​ല്ലാ​ന​മെ​ന്ന സ്ഥ​ല​നാ​മ​ത്തി​ന് സ​മ​ര​മെ​ന്നാ​യി​രു​ന്നു ഒ​രു​കാ​ല​ത്ത് പ​ര്യാ​യം. ഓ​രോ വ​ർ​ഷ​വും ക​ട​ൽ ക​യ​റി ദു​രി​ത​ത്തി​ലാ​കു​ന്ന ജ​ന​ത​യു​ടെ ക​ണ്ണീ​രി​ൽ നി​ന്ന് ഉ​യ​ർ​ന്നു​വ​ന്ന പ്ര​തി​ഷേ​ധ​ങ്ങ​ളാ​യി​രു​ന്നു അ​തി​ലേ​ക്ക് വ​ഴി​വെ​ച്ച​ത്. കാ​ല​വ​ർ​ഷം ശ​ക്തി പ്രാ​പി​ക്കു​ക​യും ക​ട​ൽ പ്ര​ക്ഷു​ബ്ധ​മാ​കു​ക​യും ചെ​യ്യു​മ്പോ​ൾ ഇ​ന്ന് ചെ​ല്ലാ​നം ശാ​ന്ത​മാ​ണ്. ആ​ഞ്ഞ​ടി​ക്കു​ന്ന തി​ര​മാ​ല​ക​ൾ ജ​ന​ത​യെ ഭ​യ​പ്പെ​ടു​ത്തു​ന്നി​ല്ല.

ശ​ക്ത​മാ​യ ക​ട​ൽ​ക​യ​റ്റ​ത്തെ ത​ട​ഞ്ഞു​നി​ർ​ത്താ​ൻ പ​ര്യാ​പ്ത​മാ​യ ടെ​ട്രാ​പോ​ഡ് ക​ട​ൽ​ഭി​ത്തി യാ​ഥാ​ർ​ഥ്യ​മാ​യ​തോ​ടെ​യാ​ണ് അ​വി​ടെ ഒ​രു നി​ശ്ചി​ത പ്ര​ദേ​ശ​മെ​ങ്കി​ലും സു​ര​ക്ഷി​ത​കേ​ന്ദ്ര​മാ​യി മാ​റി​യ​ത്. രൂ​ക്ഷ​മാ​യ ക​ട​ലാ​ക്ര​മ​ണം നേ​രി​ട്ടി​രു​ന്ന ചെ​ല്ലാ​ന​ത്തെ പു​ത്ത​ൻ​തോ​ട്, ക​ണ്ട​ക്ക​ട​വ്, ചാ​ള​ക്ക​ട​വ്, മ​റു​വാ​ക്കാ​ട്, വേ​ളാ​ങ്ക​ണ്ണി, ബ​സാ​ർ, മാ​ലാ​ഖ​പ്പ​ടി, ക​മ്പ​നി​പ്പ​ടി, ഗൊ​ണ്ടു​പ​റ​മ്പ്, വാ​ച്ചാ​ക്ക​ൽ ക​ട​പ്പു​റം, ആ​ലു​ങ്ക​ൽ ക​ട​പ്പു​റം എ​ന്നി​വി​ട​ങ്ങി​ൽ കൂ​റ്റ​ൻ തി​ര​മാ​ല​ക​ളെ ടെ​ട്രാ​പോ​ഡ്‌ ക​ട​ൽ​ഭി​ത്തി പി​ടി​ച്ചു​കെ​ട്ടി. കാ​ല​വ​ർ​ഷം ക​ന​ക്കു​മ്പോ​ൾ ദു​രി​താ​ശ്വാ​സ ക്യാ​മ്പു​ക​ളി​ലെ​ത്തി​യി​രു​ന്ന ചെ​ല്ലാ​ന​ത്തു​കാ​ർ​ക്ക്‌ ഇ​ന്ന് സ്വ​ന്തം വീ​ടു​ക​ളി​ൽ സു​ഖ​മാ​യി അ​ന്തി​യു​റ​ങ്ങാ​നാ​കു​ന്നു. ഈ ​മാ​തൃ​കാ​പ​ദ്ധ​തി ക​ട​ൽ​ക​യ​റ്റ ദു​രി​തം രൂ​ക്ഷ​മാ​യ പു​ത്ത​ൻ​തോ​ട്, ക​ണ്ണ​മാ​ലി, ചെ​റി​യ​ക​ട​വ്, കാ​ട്ടി​പ്പ​റ​മ്പ്, കൈ​ത​വേ​ലി, മാ​നാ​ശ്ശേ​രി, സൗ​ദി, ബീ​ച്ച് റോ​ഡ് എ​ന്നി​വി​ട​ങ്ങ​ളി​ലേ​ക്ക് വ്യാ​പി​പ്പി​ക്ക​ണ​മെ​ന്നാ​ണ് ആ​വ​ശ്യം ഉ​യ​രു​ന്ന​ത്.

തീ​രം പ​റ​യു​ന്നു, ചെ​ല്ലാ​നം മാ​തൃ​ക വ്യാ​പി​പ്പി​ക്ക​ണം

ചെ​ല്ലാ​നം മാ​തൃ​ക​യി​ലു​ള്ള ടെ​ട്രാ​പോ​ഡ് ക​ട​ൽ​ഭി​ത്തി നി​ർ​മാ​ണം സം​സ്ഥാ​ന​ത്തെ വി​വി​ധ തീ​ര​ദേ​ശ​ങ്ങ​ളി​ൽ ന​ട​പ്പാ​ക്കു​മെ​ന്ന് അ​ധി​കൃ​ത​ർ മു​മ്പേ അ​റി​യി​ച്ചി​ട്ടു​ള്ള​താ​ണ്. ഇ​ത് ന​ട​പ്പി​ൽ വ​ന്നാ​ൽ തീ​ര​ദേ​ശ​ത്തെ ക​ട​ൽ​ക​യ​റ്റ പ്ര​ശ്ന​ങ്ങ​ൾ​ക്ക് ശാ​ശ്വ​ത പ​രി​ഹാ​ര​മാ​കു​മെ​ന്നാ​ണ് പ്ര​ദേ​ശ​വാ​സി​ക​ളു​ടെ വി​ശ്വാ​സം. ചെ​ല്ലാ​ന​ത്തെ ബാ​ക്കി​യു​ള്ള പ്ര​ദേ​ശ​ത്തും വൈ​പ്പി​ൻ മേ​ഖ​ല​യി​ലും ഇ​ത് യാ​ഥാ​ർ​ഥ്യ​മാ​ക്ക​ണ​മെ​ന്നാ​ണ് ആ​വ​ശ്യം. ഇ​തി​ലൂ​ടെ ശ​ക്ത​മാ​യ തി​ര​മാ​ല​യെ ത​ട​ഞ്ഞ് നി​ർ​ത്തി ജി​ല്ല​യു​ടെ തീ​ര​ത്തി​ന് സം​ര​ക്ഷ​ണ​മേ​കാ​നാ​കും.

വ​ൻ തു​ക ആ​വ​ശ്യ​മാ​യ പ​ദ്ധ​തി​ക്ക് ഫ​ണ്ട് ല​ഭ്യ​മാ​ക്കു​ക​യാ​ണ് അ​ധി​കൃ​ത​ർ ഇ​തി​ന് നേ​രി​ടു​ന്ന പ്ര​തി​സ​ന്ധി. വൈ​പ്പി​ൻ ഉ​ൾ​പ്പെ​ടെ പ​ല മേ​ഖ​ല​യി​ലെ​യും ക​ട​ൽ​ക​യ​റ്റ​വു​മാ​യി ബ​ന്ധ​പ്പെ​ട്ട് പ​ഠ​ന​ങ്ങ​ളു​ണ്ട്. എ​ന്നാ​ൽ പ​ദ്ധ​തി​ക​ൾ ന​ട​പ്പാ​ക്കാ​നാ​കു​ന്നി​ല്ല. വ​ലി​യ ബ​ജ​റ്റി​ൽ ന​ട​പ്പാ​ക്കേ​ണ്ട പ​ദ്ധ​തി​ക​ളാ​ണ് ഇ​വ​യൊ​ക്കെ. അ​തി​നു​ള്ള ഫ​ണ്ട്‌ കേ​ന്ദ്ര​ത്തി​ൽ ല​ഭ്യ​മാ​കു​ന്നി​ല്ലെ​ന്ന​താ​ണ് അ​ധി​കൃ​ത​ർ വ്യ​ക്ത​മാ​ക്കു​ന്ന​ത്. സം​സ്ഥാ​ന​ത്തോ​ടു​ള്ള കേ​ന്ദ്ര അ​വ​ഗ​ണ​ന​യു​ടെ ഭാ​ഗ​മാ​യി അ​ടി​യ​ന്തി​ര​മാ​യി ന​ട​പ്പാ​ക്കേ​ണ്ട ഇ​ത്ത​രം പ​ദ്ധ​തി​ക​ളും വൈ​കു​ക​യാ​ണ്.

(അ​വ​സാ​നി​ച്ചു)