വോട്ടുചെയ്യുന്നിടത്ത് കുട്ടികൾക്കെന്തു കാര്യം?

കൊ​ച്ചി: പൊ​ന്നു​രു​ക്കു​ന്നി​ട​ത്ത് പൂ​ച്ച​ക്കെ​ന്തു കാ​ര്യം എ​ന്ന പ​ഴ​ഞ്ചൊ​ല്ലി​ന് ഇ​വി​ടെ പ്ര​സ​ക്തി​യി​ല്ല, കാ​ര​ണം വോ​ട്ടെ​ടു​പ്പ് ന​ട​ക്കു​ന്നി​ട​ത്തെ​ല്ലാം വോ​ട്ട​ർ​മാ​ര​ല്ലാ​ത്ത കു​ട്ടി​ക​ളു​ടെ നി​റ​ഞ്ഞ സാ​ന്നി​ധ്യ​വു​മു​ണ്ടാ​യി​രു​ന്നു. മാ​താ​പി​താ​ക്ക​ളു​ടെ കൈ ​പി​ടി​ച്ച് മു​തി​ർ​ന്ന വോ​ട്ട​ർ​മാ​രേ​ക്കാ​ൾ ഗ​മ​യോ​ടെ​യാ​ണ് ഭാ​വി​യി​ലെ വോ​ട്ട​ർ​മാ​ർ ബൂ​ത്തു​ക​ളി​ലെ​ത്തി​യ​ത്. കൈ​ക്കു​ഞ്ഞു​ങ്ങ​ളെ എ​ടു​ത്തു നി​ൽ​ക്കു​ന്ന​വ​ർ കു​ഞ്ഞു​ങ്ങ​ളു​മാ​യി ത​ന്നെ​യാ​ണ് ഉ​ള്ളി​ൽ ക​യ​റി വോ​ട്ടു ചെ​യ്ത​ത്. എ​ന്നാ​ൽ, കു​റേ​ക്കൂ​ടി വ​ലി​യ കു​ട്ടി​ക​ൾ പു​റ​ത്ത് മ‍റ്റു​ള്ള​വ​രു​ടെ കൂ​ടെ വോ​ട്ടു ചെ​യ്തു വ​രു​ന്ന അ​മ്മ​മാ​ർ​ക്കാ​യി കാ​ത്തു​നി​ന്നു. വോ​ട്ടെ​ടു​പ്പ് കേ​ന്ദ്ര​ങ്ങ​ളാ​യ എ​ൽ.​പി സ്കൂ​ളു​ക​ളി​ലും മ​റ്റും ഉ​ണ്ടാ​യി​രു​ന്ന വി​നോ​ദോ​പാ​ധി​ക​ളാ​യി​രു​ന്നു മു​തി​ർ​ന്ന​വ​ർ നീ​ണ്ട ക്യൂ​വി​ൽ നി​ൽ​ക്കു​മ്പോ​ൾ കു​രു​ന്നു​ക​ൾ​ക്ക് ആ​ശ്വാ​സ​മാ​യ​ത്. സീ​സോ, സ്ലൈ​ഡ്, ഊ​ഞ്ഞാ​ൽ തു​ട​ങ്ങി​യ ക​ളി​യു​പ​ക​ര​ണ​ങ്ങ​ൾ ഉ​ൾ​പ്പെ​ടു​ന്ന കു​ട്ടി​പാ​ർ​ക്കു​ക​ൾ മി​ക്ക സ്കൂ​ളു​ക​ളി​ലു​മു​ണ്ടാ​യി​രു​ന്നു.

മു​തി​ർ​ന്ന​വ​ർ വോ​ട്ടു ചെ​യ്ത് ഗൗ​ര​വ​ത​ര​മാ​യ സ​മ്മ​തി​ദാ​ന പ്ര​ക്രി​യ​യു​ടെ ഭാ​ഗ​മാ​യ​പ്പോ​ൾ പാ​ർ​ക്കി​ൽ ക​ളി​ച്ചു തി​മ​ർ​ക്കു​ക​യാ​യി​രു​ന്നു പ​ല​രും. സ്കൂ​ൾ പൂ​ട്ടി​യ​തി​നാ​ൽ വീ​ട്ടി​ൽ ത​ന്നെ​യാ​യ​തി​ന്‍റെ മ​ടു​പ്പും വി​ര​സ​ത​യും ഒ​ഴി​വാ​ക്കാ​നും ഒ​രു ദി​വ​സം പു​റ​ത്തി​റ​ങ്ങി ആ​ഘോ​ഷി​ക്കാ​നും കി​ട്ടി​യ അ​വ​സ​ര​മാ​യാ​ണ് കു​ട്ടി​ക​ൾ വോ​ട്ടെ​ടു​പ്പു ദി​ന​ത്തെ ക​ണ്ട​ത്. പ​ല​ർ​ക്കും അ​വ​ധി​ക്കാ​ല​ത്തി​നി​ടെ വോ​ട്ടെ​ടു​പ്പു കേ​ന്ദ്ര​മാ​യ സ്വ​ന്തം സ്കൂ​ളി​ൽ ത​ന്നെ ഒ​രി​ക്ക​ൽ കൂ​ടി എ​ത്താ​നാ​യി. ഇ​ങ്ങ​നെ വ​ന്ന കു​ട്ടി​ക​ൾ സ​ഹ​പാ​ഠി​ക​ളെ ക​ണ്ട് സൗ​ഹൃ​ദം പു​തു​ക്കു​ന്ന​തും വെ​ക്കേ​ഷ​ൻ വി​ശേ​ഷ​ങ്ങ​ൾ പ​ങ്കു​വെ​ക്കു​ന്ന​തും കാ​ണാ​മാ​യി​രു​ന്നു.