നടുക്കം വിട്ടുമാറാതെ

കൊ​ച്ചി: ചൂ​ര​ക്കാ​ട് പ​ട​ക്ക സ്ഫോ​ട​ന വി​വ​രം വാ​ർ​ത്ത​യാ​യ​തോ​ടെ വ​ൻ ജ​ന​ക്കൂ​ട്ട​മാ​ണ് ഇ​വി​ടേ​ക്കെ​ത്തി​യ​ത്. ഇ​തോ​ടെ തൃ​പ്പൂ​ണി​ത്തു​റ-​പു​തി​യ​കാ​വ് റോ​ഡി​ൽ ഗ​താ​ഗ​തവും സ്തം​ഭ​ിച്ചു. വി​വ​ര​മ​റി​ഞ്ഞ​യു​ട​ൻ അ​ഗ്നി​ര​ക്ഷാ സേന​യും പൊ​ലീ​സും അ​ട​ക്കം സ്ഥ​ല​ത്തെ​ത്തി ര​ക്ഷാ​പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ചു. പൊ​ട്ടാ​തെ കി​ട​ന്ന പ​ട​ക്ക​ങ്ങ​ൾ നി​ർ​വീര്യമാക്കലാ​യി​രു​ന്നു ഇ​വ​ർ​ക്ക് ഏ​റെ ദു​ർ​ഘ​ട ജോ​ലി. ജ​ന​ക്കൂ​ട്ട​ത്തെ നി​യ​ന്ത്രി​ക്കാ​ൻ അ​പ​ക​ട​സ്ഥ​ലം വ​ള്ളി​കെ​ട്ടി തി​രി​ച്ചു. തു​ട​ർ​ന്ന് ജീ​പ്പി​ലൂ​ടെ മൈ​ക്ക് കെ​ട്ടി ജ​ന​ങ്ങ​ൾ​ക്ക് ജാ​ഗ്ര​ത നി​ർ​ദേ​ശ​വും ന​ൽ​കി. സ​മീ​പ വീ​ടു​ക​ളി​ൽ​നി​ന്ന് ആ​ളു​ക​ളെ ഒ​ഴി​പ്പി​ച്ച​തോ​ടൊ​പ്പം ശാ​രീ​രാ​കാ​സ്വാ​സ്ഥ്യം അനുഭവപ്പെട്ടവ​രെ ആ​ശു​പ​ത്രി​യി​ലു​മെ​ത്തി​ച്ചു. ഇതിനോ​ട​കം സി​റ്റി പൊ​ലീ​സ് ക​മീ​ഷ​ണ​ർ, ക​ല​ക്ട​ർ അ​ട​ക്ക​മു​ള​ള ഉ​ന്ന​ത ഉ​ദ്യോ​ഗ​സ്ഥ​രും ഹൈ​ബി ഈ​ഡ​ൻ എം.​പി അ​ട​ക്ക​മു​ള്ള ജനപ്രതിനി​ധി​ക​ളും സ്ഥ​ല​ത്തെ​ത്തി.

ഫോ​റ​ൻ​സി​ക് വി​ദ​ഗ്ധ​രും വി​വി​ധ വ​കു​പ്പ് മേ​ധാ​വി​ക​ളും പ്ര​ദേ​ശം സ​ന്ദ​ർ​ശി​ച്ചു. ആ​രോ​ഗ്യ വ​കു​പ്പി​ന്‍റെ നേ​തൃ​ത്വ​ത്തി​ൽ പ​രി​ശീ​ല​നം ല​ഭി​ച്ച വ​ള​ണ്ടി​യ​ർമാർ പ്ര​ദേ​ശ​ത്തെ വീ​ടു​ക​ൾ സ​ന്ദ​ർ​ശി​ച്ച് പ്രാ​യ​മേ​റി​യ​വ​ർ, കു​ട്ടി​ക​ൾ, രോ​ഗി​ക​ൾ, ഗ​ർ​ഭി​ണി​ക​ൾ അ​ട​ക്ക​മു​ള​ള​വ​രു​ടെ വി​വ​ര​ശേ​ഖ​ര​ണം ന​ട​ത്തി. കൗ​ൺ​സ​ലി​ങും ചി​കി​ത്സ​യും ആ​വ​ശ്യ​മു​ള്ള​വ​ർ​ക്ക്​ ന​ൽ​കാ​നാ​യി​രു​ന്നു വി​വ​ര ശേ​ഖ​ര​ണം.