ഫോർട്ടുകൊച്ചി കടൽ തീരത്ത് കക്കകൾ ചത്തടിയുന്നു
text_fieldsഫോർട്ട്കൊച്ചി കടൽ തീരത്ത് കക്കകൾ അടിഞ്ഞപ്പോൾ
മട്ടാഞ്ചേരി: ഫോർട്ട്കൊച്ചി കടൽ തീരത്ത് കക്കകൾ ചത്തടിയുന്നു. ലക്ഷക്കണക്കിന് കക്കകളാണ് ചത്ത് തീരത്തടിഞ്ഞത്.
കടുത്ത ചൂടും ഒഴുകിയെത്തുന്ന മാലിന്യങ്ങൾ തീര കടലിെൻറ അടിത്തട്ടിൽ അടിയുന്നതുമാണ് ഈ പ്രതിഭാസത്തിന് കാരണമെന്ന് സമുദ്ര ഗവേഷകർ പറയുന്നു. തോടുകളിലും കായലിലും വലിച്ചെറിയുന്ന മാലിന്യം ഒഴുകിയെത്തുന്നത് കടലിലേക്കാണ്.
രാസ മാലിന്യങ്ങൾ, അറവു മാലിന്യങ്ങൾ അടക്കമുള്ളവ ഇത്തരത്തിൽ തീരക്കടലിെൻറ അടിത്തട്ടിൽ അടിയുന്നത് കക്കകളുടെ ആവാസ വ്യവസ്ഥക്ക് കോട്ടംതട്ടിക്കുന്നതായി വിദഗ്ധർ ചൂണ്ടികാട്ടുന്നു.
കടുത്ത ചൂടും കക്കകളെ പ്രതിരോധത്തിലാക്കുകയാണെന്നാണ് മുതിർന്ന മത്സ്യ തൊഴിലാളികളും പറയുന്നത്. കഴിഞ്ഞ വേനൽ കാലത്തും ഇത്തരത്തിൽ കക്കകൾ തീരത്ത് ചത്തടിഞ്ഞിരുന്നതായും ഇവർ പറയുന്നു.ജലാശയങ്ങളിലേക്ക് മാലിന്യങ്ങൾ തള്ളുന്നത് തടയാൻ നടപടി വേണമെന്നും മത്സ്യത്തൊഴിലാളികൾ ആവശ്യപ്പെടുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.