ലാ​ബു​ക​ളി​ൽ​നി​ന്ന് വ്യ​ത്യ​സ്​​ത റി​പ്പോ​ർ​ട്ടു​ക​ൾ; പ​രാ​തി പ​റ​ഞ്ഞ​തി​ന് പൊ​ലീ​സ് പീ​ഡ​നം

പ​ള്ളു​രു​ത്തി: കോ​വി​ഡ് ബാ​ധി​ച്ച് ഒ​രു മാ​സ​ത്തെ ക്വാ​റ​ൻ​റീ​ൻ പൂ​ർ​ത്തി​യാ​ക്കി പു​റ​ത്തി​റ​ങ്ങി​യ വീ​ട്ട​മ്മ​യു​ടെ പ​രി​ശോ​ധ​ന ഫ​ലം വീ​ണ്ടും പോ​സി​റ്റി​വ്. സം​ശ​യ​ത്തെ തു​ട​ർ​ന്ന് മ​റ്റൊ​രു ലാ​ബി​ൽ ന​ട​ത്തി​യ പ​രി​ശോ​ധ​ന​യി​ൽ നെ​ഗ​റ്റീ​വും. പ​ള്ളു​രു​ത്തി ന​മ്പ്യാ​പു​രം റോ​ഡി​നു സ​മീ​പം താ​മ​സി​ക്കു​ന്ന കു​ടും​ബ​ത്തി​നാ​ണ് ദു​ര​നു​ഭ​വം ഉ​ണ്ടാ​യ​ത്.

ചൊ​വ്വാ​ഴ്ച​യാ​ണ് പ​ള്ളു​രു​ത്തി മ​രു​ന്നു ക​ട​യി​ലെ സ്വ​കാ​ര്യ പ​രി​ശോ​ധ​ന കേ​ന്ദ്ര​ത്തി​ൽ ഇ​വ​ർ ആ​ൻ​റി​ജ​ൻ പ​രി​ശോ​ധ​ന ന​ട​ത്തി​യ​ത്. 15 മി​നി​റ്റി​ന​കം സ്ഥാ​പ​ന​ത്തി​ൽ നി​ന്നും റി​സ​ൽ​ട്ട് ല​ഭി​ച്ച​പ്പോ​ൾ പോ​സി​റ്റി​വ് എ​ന്ന അ​റി​യി​പ്പാ​ണ് വീ​ട്ടു​കാ​രെ ഞെ​ട്ടി​ച്ച​ത്. വീ​ട്ട​മ്മ​യു​ടെ ഭ​ർ​ത്താ​വ് ലാ​ബി​ലെ​ത്തി കാ​ര്യം പ​റ​ഞ്ഞെ​ങ്കി​ലും ഇ​വ​ർ അ​ഭി​പ്രാ​യ​ത്തി​ൽ ഉ​റ​ച്ചു നി​ന്നു. തു​ട​ർ​ന്ന് തോ​പ്പും​പ​ടി​യി​ലെ ലാ​ബി​ലെ​ത്തി വീ​ണ്ടും പ​രി​ശോ​ധ​ന​ക്ക് വി​ധേ​യ​മാ​വു​ക​യാ​യി​രു​ന്നു. ഈ ​പ​രി​ശോ​ധ​നാ ഫ​ലം നെ​ഗ​റ്റീ​വാ​യ​തോ​ടെ ആ​ശ്വാ​സ​മാ​യ​താ​യി വീ​ട്ട​മ്മ പ​റ​ഞ്ഞു.

ര​ണ്ടാ​മ​ത്തെ പ​രി​ശോ​ധ​ന ഫ​ല​വു​മാ​യി പ​ള്ളു​രു​ത്തി​യി​ലെ ലാ​ബി​ലെ​ത്തി​യ​പ്പോ​ൾ വീ​ട്ട​മ്മ​യു​ടെ ഭ​ർ​ത്താ​വി​നു നേ​രെ ത​ട്ടി​ക്ക​യ​റി​യെ​ന്നും ലാ​ബ് ഉ​ട​മ പ​ള്ളു​രു​ത്തി പൊ​ലീ​സി​ൽ വ്യാ​ജ പ​രാ​തി ന​ൽ​കി ഇ​ദ്ദേ​ഹ​ത്തെ മ​ണി​ക്കൂ​റു​ക​ളോ​ളം പൊ​ലീ​സ് സ്​​റ്റേ​ഷ​നി​ൽ നി​ർ​ത്തി പീ​ഡി​പ്പി​ച്ച​താ​യും പ​റ​യു​ന്നു. ഉ​ന്ന​ത രാ​ഷ്​​ട്രീ​യ നേ​താ​വിെൻറ കൂ​ട്ടാ​ളി​യു​ടെ പ​ങ്കാ​ളി​ത്ത​ത്തി​ലാ​ണ് പ​ള്ളു​രു​ത്തി​യി​ലെ ലാ​ബ് പ്ര​വ​ർ​ത്തി​ക്കു​ന്ന​ത്. സം​ഭ​വ​ത്തി​ൽ കു​റ്റ​ക്കാ​രാ​യ​വ​ർ​ക്കെ​തി​രെ ന​ട​പ​ടി സ്വീ​ക​രി​ക്കാ​ൻ മു​ഖ്യ​മ​ന്ത്രി​ക്കും, ആ​രോ​ഗ്യ മ​ന്ത്രി​ക്കും പ​രാ​തി ന​ൽ​കാ​ൻ ഒ​രു​ങ്ങു​ക​യാ​ണ് കു​ടും​ബം .