ഭിന്നശേഷി വിദ്യാർഥികളുടെ കൈപിടിച്ച് ഡയപ്പർ ബാങ്ക് പദ്ധതി

കൊ​ച്ചി: വി​ധി​യു​ടെ വി​ള​യാ​ട്ട​ത്തി​ൽ കി​ട​പ്പി​ലാ​യ വി​ദ്യാ​ർ​ഥി​ക​ൾ​ക്കാ​യി ഡ‍യ​പ്പ​ർ ബാ​ങ്കൊ​രു​ക്കി സ​മ​ഗ്ര ശി​ക്ഷ കേ​ര​ള. ജി​ല്ല​യി​ലെ 15 ബ്ലോ​ക്ക് റി​സോ​ഴ്സ് സെ​ന്‍റ​റു​ക​ൾ​ക്ക് കീ​ഴി​ൽ വ​രു​ന്ന വി​ദ്യാ​ർ​ഥി​ക​ൾ​ക്കാ​യാ​ണ് ഡ​യ​പ്പ​ർ ബാ​ങ്കൊ​രു​ക്കു​ന്ന​ത്.

ജി​ല്ല​ത​ല ഉ​ദ്ഘാ​ട​നം വൈ​പ്പി​ൻ ബി.​ആ​ർ.​സി​യി​ൽ കെ.​എ​ൻ. ഉ​ണ്ണി​കൃ​ഷ്ണ​ൻ എം.​എ​ൽ.​എ നി​ർ​വ​ഹി​ച്ചു. ഭി​ന്ന​ശേ​ഷി വി​ദ്യാ​ർ​ഥി​ക​ളു​ടെ പ​രി​ച​ര​ണ​ത്തി​ൽ ര​ക്ഷി​താ​ക്ക​ൾ​ക്കൊ​രു കൈ​ത്താ​ങ്ങാ​കു​ക​യെ​ന്ന ല​ക്ഷ്യ​ത്തോ​ടെ​യാ​ണ് പ​ദ്ധ​തി.

ഗു​ണ​ഭോ​ക്താ​ക്ക​ൾ 380 വി​ദ്യാ​ർ​ഥി​ക​ൾ

ജി​ല്ല‍യി​ലെ വി​ദ്യാ​ല​യ​ങ്ങ​ളി​ൽ 6563 ഭി​ന്ന​ശേ​ഷി വി​ദ്യാ​ർ​ഥി​ക​ളാ​ണു​ള്ള​ത്. ഇ​തി​ൽ​ത​ന്നെ 380 പേ​ർ കി​ട​പ്പി​ലാ​യ​വ​രോ വീ​ൽ​ചെ​യ​ർ സ​ഹാ​യ​ത്തോ​ടെ സ​ഞ്ച​രി​ക്കു​ന്ന​വ​രോ ആ​ണ്.

സ​മ​ഗ്ര ശി​ക്ഷ​യു​ടെ കീ​ഴി​ലു​ള്ള സ്പെ​ഷ​ൽ എ​ജു​ക്കേ​റ്റ​ർ​മാ​ർ ബു​ധ​നാ​ഴ്ച​ക​ളി​ൽ ഇ​വ​രു​ടെ വീ​ട്ടി​ലെ​ത്തി ഗൃ​ഹാ​ധി​ഷ്ഠി​ത വി​ദ്യാ​ഭ്യാ​സ രീ​തി​യി​ലാ​ണ് പ​ഠി​പ്പി​ക്കു​ന്ന​ത്. ഇ​ത്ത​ര​ത്തി​ൽ കി​ട​പ്പി​ലാ​യ ഒ​രു വി​ദ്യാ​ർ​ഥി ദി​വ​സേ​ന ചു​രു​ങ്ങി​യ​ത് മൂ​ന്ന്​​ ഡ​യ​പ്പ​റെ​ങ്കി​ലും ഉ​പ​യോ​ഗി​ക്കു​മെ​ന്നാ​ണ് ക​ണ​ക്ക്.

ഈ​യി​ന​ത്തി​ൽ ഒ​രു​വ​ർ​ഷം 1100ഓ​ളം ഡ​യ​പ്പ​റു​ക​ൾ ഒ​രാ​ൾ​ക്ക്​ വേ​ണ്ടി​വ​രും. ഗൃ​ഹാ​ധി​ഷ്ഠി​ത വി​ദ്യാ​ഭ്യാ​സ പ​ദ്ധ​തി​യു​ടെ ഗു​ണ​ഭോ​ക്താ​ക്ക​ളി​ൽ ഭൂ​രി​ഭാ​ഗ​വും സാ​ധാ​ര​ണ​ക്കാ​രോ അ​തി​ൽ താ​ഴെ​യു​ള്ള​വ​രോ ആ​യ​തി​നാ​ൽ ഇ​ത് ര​ക്ഷി​താ​ക്ക​ൾ​ക്ക് വ​ലി​യ ബാ​ധ്യ​ത​യാ​ണ് സൃ​ഷ്ടി​ക്കു​ന്ന​ത്. ഇ​ത്​ പ​രി​ഹ​രി​ക്കാ​ൻ ല​ക്ഷ്യ​മി​ട്ടാ​ണ് പ​ദ്ധ​തി ന​ട​പ്പാ​ക്കു​ന്ന​ത്.