ജില്ല ജയിലിലെ കിണറുകൾ വറ്റി; വെള്ളത്തിനായി നട്ടംതിരിഞ്ഞ് ജയിൽ അധികൃതർ

കാ​ക്ക​നാ​ട്: ജി​ല്ല ജ​യി​ലി​ൽ കു​ടി​ക്കാ​നും കു​ളി​ക്കാ​നും വെ​ള്ളം തി​ക​യാ​തെ അ​ധി​കൃ​ത​ർ ന​ട്ടം​തി​രി​യു​ന്നു. വേ​ന​ൽ ക​ടു​ത്ത​തോ​ടെ ജ​യി​ലി​ന് അ​ക​ത്തെ​യും പു​റ​ത്തെ​യും ര​ണ്ടു കി​ണ​റു​ക​ളി​ലെ വെ​ള്ളം വ​റ്റി. മ​റ്റു പ്രാ​ഥ​മി​കാ​വ​ശ്യ​ങ്ങ​ൾ​ക്ക് വെ​ള്ളം ശേ​ഖ​രി​ച്ചി​രു​ന്ന​ത് ജ​യി​ലി​ന് സ​മീ​പ​ത്തെ പാ​റ​ക്കു​ള​ത്തി​ൽ​നി​ന്നാ​ണ്. ഇ​തും വ​റ്റി​യ​തോ​ടെ ത​ട​വു​കാ​രു​ടെ ര​ണ്ടു നേ​ര​ത്തെ കു​ളി ഒ​രു​നേ​ര​മാ​ക്കി അ​ധി​കൃ​ത​ർ നി​യ​ന്ത്ര​ണം ഏ​ർ​പ്പെ​ടു​ത്തി​യി​രി​ക്കു​ക​യാ​ണ്. 250ഓ​ളം അ​ന്തേ​വാ​സി​ക​ൾ​ക്കും ജ​യി​ൽ ഉ​ദ്യോ​ഗ​സ്ഥ​ർ​ക്കു​മാ​ണ് പ്രാ​ഥ​മി​കാ​വ​ശ്യ​ങ്ങ​ൾ​ക്ക് വെ​ള്ളം വേ​ണ്ട​ത്.

ജി​ല്ല ജ​യി​ലി​നു​മു​ന്നി​ലെ ഫു​ഡ് കൗ​ണ്ട​റി​ലേ​ക്കു​ള്ള ച​പ്പാ​ത്തി, ക​റി ഉ​ൾ​പ്പെ​ടെ​യു​ള്ള ഭ​ക്ഷ്യ​സാ​ധ​ന​ങ്ങ​ളു​ടെ പാ​ച​ക​ത്തി​ന് ജ​യി​ൽ വ​കു​പ്പി​നു​കീ​ഴി​ലു​ള്ള കി​ണ​റ്റി​ലെ വെ​ള്ള​മാ​ണ് ഉ​പ​യോ​ഗി​ച്ചി​രു​ന്ന​ത്. ഇ​പ്പോ​ൾ അ​തും വ​റ്റി​യി​രി​ക്കു​ക​യാ​ണ്. ജ​ല അ​തോ​റി​റ്റി​യു​ടെ പൈ​പ്പ് വ​ഴി ജ​യി​ലി​ൽ വെ​ള്ള​മെ​ത്തു​ന്ന​ത് ആ​ഴ്ച​യി​ൽ ര​ണ്ടു ദി​വ​സം മാ​ത്ര​മാ​ണ്. ഇ​ട​ക്ക്​ തൃ​ക്കാ​ക്ക​ര ന​ഗ​ര​സ​ഭ ടാ​ങ്ക​റി​ൽ വെ​ള്ള​മെ​ത്തി​ച്ചി​ട്ടും തി​ക​യു​ന്നി​ല്ല. പൊ​ള്ളു​ന്ന വി​ല​ക്ക്​ ടാ​ങ്ക​ർ വെ​ള്ളം വാ​ങ്ങി​യാ​ണ് ജ​യി​ലി​ലെ ത​ട​വു​കാ​രു​ടെ ദൈ​നം​ദി​ന ആ​വ​ശ്യ​ങ്ങ​ൾ​ക്കും പാ​ച​ക​ത്തി​നും ഉ​പ​യോ​ഗി​ക്കു​ന്ന​ത്.

ജി​ല്ല ജ​യി​ലി​ൽ പാ​ർ​പ്പി​ക്കാ​ൻ ക​ഴി​യു​ന്ന അ​ന്തേ​വാ​സി​ക​ളു​ടെ എ​ണ്ണം 100 ആ​ണ്. എ​ന്നാ​ൽ നി​ല​വി​ൽ 215 പേ​രു​ണ്ട്. ഓ​രോ ബ്ലോ​ക്കി​ലെ സെ​ല്ലി​ലും ആ​ൾ​ക്കാ​രെ കു​ത്തി​നി​റ​ച്ചാ​ണ് പാ​ർ​പ്പി​ച്ചി​രി​ക്കു​ന്ന​ത്. 11 പേ​രെ ഇ​ടാ​ൻ സൗ​ക​ര്യ​മു​ള്ള സ​മീ​പ​ത്തെ വ​നി​ത ജ​യി​ലി​ലാ​ണെ​ങ്കി​ൽ 25ഓ​ളം അ​ന്തേ​വാ​സി​ക​ളു​ണ്ട്. വെ​ള്ള​ക്ഷാ​മ​ത്തി​ന് പ​രി​ഹാ​രം കാ​ണാ​ൻ ഭൂ​ഗ​ർ​ഭ​ജ​ല വ​കു​പ്പ് കു​ഴ​ൽ​ക്കി​ണ​ർ നി​ർ​മി​ക്കാ​മെ​ന്ന് അ​റി​യി​ച്ചെ​ങ്കി​ലും തു​ട​ർ​ന​ട​പ​ടി​ക​ൾ വൈ​കു​ക​യാ​ണ്. ഭൂ​ഗ​ർ​ഭ ജ​ല വ​കു​പ്പ് പ​രി​ശോ​ധി​ച്ച് വെ​ള്ളം കി​ട്ടു​ന്ന സ്‌​ഥ​ലം ക​ണ്ടെ​ത്തി​യി​ട്ടു​ണ്ട്. അ​ടി​യ​ന്ത​ര​മാ​യി നി​ർ​മാ​ണം തു​ട​ങ്ങി​യി​ല്ലെ​ങ്കി​ൽ ജ​യി​ലി​ലെ ജ​ല​ക്ഷാ​മം രൂ​ക്ഷ​മാ​കു​മെ​ന്നാ​ണ് ആ​ശ​ങ്ക.