പുതുവർഷാരംഭത്തിലും ശുഭമല്ലാതെ ഗാർഹിക പീഡന കണക്കുകൾ

കൊ​ച്ചി: പു​തു​വ​ർ​ഷാ​രം​ഭ​ത്തി​ലും ശു​ഭ​ക​ര​മ​ല്ലാ​തെ വീ​ട​ക​ങ്ങ​ളി​ലെ സ്ത്രീ​സു​ര​ക്ഷ. ജി​ല്ല​യി​ൽ പോ​യ വ​ർ​ഷം 259 ഗാ​ർ​ഹി​ക പീ​ഡ​ന പ​രാ​തി​ക​ളാ​ണ് റി​പ്പോ​ർ​ട്ട് ചെ​യ്ത​ത്. കു​ടും​ബ​ശ്രീ​യു​ടെ സ്നേ​ഹി​ത ജെ​ൻ​ഡ​ർ ഹെ​ൽ​പ് ഡെ​സ്ക് വ​ഴി 2022 ന​വം​ബ​ർ മു​ത​ൽ മാ​ത്രം ര​ജി​സ്റ്റ​ർ ചെ​യ്ത പ​രാ​തി​ക​ളാ​ണി​ത്. 2022ൽ ​ഇ​ത് 226 ആ​യി​രു​ന്നെ​ങ്കി​ൽ തൊ​ട്ട് മു​മ്പ​ത്തെ വ​ർ​ഷം ഇ​ത് 182 ആ​യി​രു​ന്നു.

ഓ​രോ വ​ർ​ഷ​വും കേ​സു​ക​ൾ വ​ർ​ധി​ക്കു​ക​യാ​ണ്. പ്ര​തി​മാ​സം പ​ത്തി​ൽ കു​റ​യാ​ത്ത കേ​സു​ക​ൾ സ്നേ​ഹി​ത വ​ഴി മാ​ത്രം റി​പ്പോ​ർ​ട്ട് ചെ​യ്യു​ന്നു. ഇ​തി​ന് പു​റ​മേ ലോ​ക്ക​ൽ പൊ​ലീ​സ് സ്റ്റേ​ഷ​നു​ക​ൾ വ​ഴി​യും വ​നി​ത ക​മീ​ഷ​ൻ അ​ട​ക്കം സം​വി​ധാ​ന​ങ്ങ​ൾ വ​ഴി​യും റി​പ്പോ​ർ​ട്ട് ചെ​യ്യു​ന്ന കേ​സു​ക​ളു​ടെ എ​ണ്ണം ചേ​ർ​ത്താ​ൽ ക​ണ​ക്ക് ഇ​തി​നി​ര​ട്ടി​യാ​കും. ഗാ​ർ​ഹി​ക പീ​ഡ​ന നി​രോ​ധ​ന നി​യ​മം ന​ട​പ്പാ​ക്കി ഒ​ന്ന​ര പ​തി​റ്റാ​ണ്ട് പി​ന്നി​ട്ടെ​ങ്കി​ലും മു​ൻ കാ​ല​ങ്ങ​ളി​ൽ കാ​ര്യ​മാ​യ പ​രാ​തി​ക​ളു​യ​ർ​ന്നി​രു​ന്നി​ല്ല. എ​ന്നാ​ൽ നി​യ​മ​ങ്ങ​ളെ കു​റി​ച്ച് അ​വ​ബോ​ധം വ​ന്ന​തോ​ടെ പീ​ഡ​ന​ങ്ങ​ളെ കു​റി​ച്ച് പ​രാ​തി​പ്പെ​ടാ​ൻ സ്ത്രീ​ക​ൾ ത​യാ​റാ​കു​ന്ന​താ​ണ് കേ​സു​ക​ൾ വ​ർ​ധി​ക്കാ​ൻ കാ​ര​ണ​മെ​ന്നാ​ണ് അ​ധി​കൃ​ത​രു​ടെ വി​ശ​ദീ​ക​ര​ണം. ഇ​ന്ന് സ്തീ​ക​ൾ​ക്ക് അ​വ​ബോ​ധം ന​ൽ​കാ​നും നി​യ​മ​പ​ര​മാ​യി സ​ഹാ​യി​ക്കാ​നും സ​ർ​ക്കാ​ർ സം​വി​ധാ​ന​ങ്ങ​ൾ​ത​ന്നെ സ​ജീ​വ​മാ​ണ്.

സ്ത്രീ​ധ​നം മു​ത​ൽ സൗ​ന്ദ​ര്യംവ​രെ; കാ​ര​ണ​ങ്ങ​ൾ നി​ര​വ​ധി

വ​ർ​ധി​ക്കു​ന്ന ഗാ​ർ​ഹി​ക പീ​ഡ​ന കേ​സു​ക​ളു​ടെ പി​ന്നി​ലു​ള്ള കാ​ര​ണ​ങ്ങ​ളും നി​ര​വ​ധി​യാ​ണ്. സ്തീ​ധ​ന ത​ർ​ക്ക​വും സൗ​ന്ദ​ര്യ പ്ര​ശ്ന​ങ്ങ​ളും അ​വി​ഹി​ത​ങ്ങ​ളു​മാ​ണ് ഭൂ​രി​ഭാ​ഗം കേ​സു​ക​ളി​ലേ​യും വി​ല്ല​നാ​കു​ന്ന​ത്.​

ഇ​തോ​ടൊ​പ്പം മാ​ന​സി​ക പ്ര​ശ്ന​ങ്ങ​ളും കു​ടും​ബ​പ​ര​മാ​യ ഈ​ഗോ​ക​ളും പ്ര​ശ്ന​ങ്ങ​ൾ സൃ​ഷ്ടി​ക്കു​ന്നു​ണ്ട്. ടോ​ൾ​ഫ്രീ ന​മ്പ​ർ വ​ഴി​യും നേ​രി​ട്ടും സ്നേ​ഹി​ത ജെ​ൻ​ഡ​ർ ഹെ​ൽ​പ് ഡെ​സ്കി​ലെ​ത്തു​ന്ന​വ​രി​ൽ ഭൂ​രി​ഭാ​ഗ​ത്തി​നും ഇ​ത്ത​രം ക​ഥ​ക​ളാ​ണ് പ​റ​യാ​നു​ള്ള​തെ​ന്ന് കൗ​ൺ​സി​ല​ർ​മാ​ർ പ​റ​യു​ന്നു.

ഇ​വ​ർ​ക്കാ​യി മീ​ഡി​യേ​ഷ​ൻ, കൗ​ൺ​സ​ലി​ങ്, നി​യ​മ​സ​ഹാ​യം അ​ട​ക്കം സൗ​ക​ര്യ​ങ്ങ​ളാ​ണ് സ്നേ​ഹി​ത​യൊ​രു​ക്കു​ന്ന​ത്. കൂ​ടാ​തെ ഇ​ത്ത​രം പീ​ഡ​ന​ങ്ങ​ൾ​ക്കി​ര​യാ​കു​ന്ന സ്ത്രീ​ക​ൾ​ക്ക് ഒ​രാ​ഴ്ച വ​രെ ഭ​ക്ഷ​ണ താ​മ​സ സൗ​ക​ര്യ​വും സൗ​ജ​ന്യ​മാ​യി ഇ​വി​ടെ ഒ​രു​ക്കു​ന്നു​ണ്ട്.

ബ​ന്ധ​ങ്ങ​ൾ​ക്ക് വൈ​കാ​രി​ക​ത​ലം ന​ഷ്ട​മാ​കു​ന്ന​താ​ണ് പ്ര​ശ്നം -ഡോ. ​സി.​ജെ. ജോ​ൺ

കു​ടും​ബ​ങ്ങ​ളി​ൽ ബ​ന്ധ​ങ്ങ​ൾ​ക്ക് വൈ​കാ​രി​ക ത​ലം ന​ഷ്ട​പ്പെ​ടു​ന്ന​താ​ണ് ഗാ​ർ​ഹി​ക പീ​ഡ​നം പോ​ലു​ള്ള കേ​സു​ക​ൾ വ​ർ​ധി​ക്കു​ന്ന​തി​ന് പി​ന്നി​ലെ​ന്ന് പ്ര​മു​ഖ മ​നഃ​ശാ​സ്ത്ര​ഞ്ജ​ൻ ഡോ. ​സി.​ജെ. ജോ​ൺ. സ​മൂ​ഹ​ത്തി​ൽ അ​ക്ര​മ വാ​സ​ന വ​ള​രു​ക​യാ​ണ്.

സി​നി​മ​ക​ളും മ​റ്റും ഇ​തി​ന് പ്രോ​ത്സാ​ഹ​ന​മാ​കു​ന്നു​ണ്ട്. ഇ​തി​ന്‍റെ പ്ര​തി​ഫ​ല​നം കു​ടും​ബ​ങ്ങ​ളി​ലു​മു​ണ്ടാ​കു​ന്നു​ണ്ട്. എ​ന്നാ​ൽ മു​ൻ കാ​ല​ങ്ങ​ളി​ലേ​ത് പോ​ലെ സ്ത്രീ​ക​ൾ എ​ല്ലാം സ​ഹി​ക്കു​ന്ന രീ​തി മാ​റി. ഇ​പ്പോ​ഴ​വ​ർ പ്ര​തി​ക​രി​ക്കാ​ൻ തു​ട​ങ്ങി​യി​ട്ടു​ണ്ട്. അ​താ​ണ് ഗാ​ർ​ഹി​ക പീ​ഡ​ന കേ​സു​ക​ൾ കൂ​ടു​ത​ലാ​യി റി​പ്പോ​ർ​ട്ട് ചെ​യ്യാ​ൻ കാ​ര​ണം. കു​ടും​ബ ബ​ന്ധ​ങ്ങ​ളി​ൽ ഊ​ഷ്മ​ള​ത വ​ർ​ധി​പ്പി​ക്ക​ലാ​ണ് ഇ​ത്ത​രം പ്ര​ശ്ന​ങ്ങ​ൾ​ക്ക് പ​രി​ഹാ​ര​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ക്കു​ന്നു.