ആയിരങ്ങൾക്ക് നോമ്പുതുറയും അത്താഴവുമൊരുക്കി ഇടപ്പള്ളി മഹല്ല് ജമാഅത്ത്

കൊ​ച്ചി: ആ​യി​ര​ങ്ങ​ൾ​ക്ക് നോ​മ്പു​തു​റ​യും അ​ത്താ​ഴ​വു​മൊ​രു​ക്കി വ്യ​ത്യ​സ്ത​രാ​കു​ക​യാ​ണ് ഇ​ട​പ്പ​ള്ളി മ​ഹ​ല്ല് മു​സ്ലിം ജ​മാ​അ​ത്ത്. ജി​ല്ല​യി​ലെ ഏ​റ്റ​വും പു​രാ​ത​ന പ​ള​ളി​ക​ളി​ലൊ​ന്നാ​യ ഇ​വി​ടെ ദി​വ​സേ​ന നോ​മ്പു​തു​റ​ക്ക്​ മാ​ത്ര​മെ​ത്തു​ന്ന​ത് ആ​യി​ര​ത്തി​ലേ​റെ പേ​രാ​ണ്. കൊ​ച്ചി ന​ഗ​ര​ത്തി​ലേ​യും സ​മീ​പ പ്ര​ദേ​ശ​ങ്ങ​ളി​ലേ​യും വി​വി​ധ സ്ഥാ​പ​ന​ങ്ങ​ളി​ലെ ജോ​ലി​ക്കാ​രും,ഐ.​ടി. ജി​വ​ന​ക്കാ​രും യാ​ത്ര​ക്കാ​രു​മാ​ണ് ഇ​വ​രി​ൽ ഭൂ​രി​ഭാ​ഗ​വും. സ​മൃ​ദ്ധ​മാ​യ നോ​മ്പ് തു​റ​യാ​ണ് ഇ​വി​ടെ​യാ​രു​ക്കു​ന്ന​ത്.

നോ​മ്പ് പി​ടി​ക്കു​ന്ന​വ​ർ​ക്കാ​യി പു​ല​ർ​ച്ചെ 3.30 മു​ത​ൽ 4.30 വ​രെ​യാ​ണ് അ​ത്താ​ഴം ന​ൽ​കു​ന്ന​ത്. കി​ലോ​മീ​റ്റ​റു​ക​ൾ​ക്ക​പ്പു​റ​ത്ത് നി​ന്നു പോ​ലും ഇ​വി​ടെ അ​ത്താ​ഴം ക​ഴി​ക്കാ​നെ​ത്തു​ന്ന​വ​ർ നി​ര​വ​ധി​യാ​ണെ​ന്ന് ജ​മാ​അ​ത്ത് ഭാ​ര​വാ​ഹി​ക​ൾ പ​റ​യു​ന്നു. നോ​മ്പ് പി​ടി​ക്കു​ന്ന സ​ഹ​പ്ര​വ​ർ​ത്ത​ക​ർ​ക്ക് പാ​ർസ​ൽ വാ​ങ്ങി പോ​കു​ന്ന​വ​രും ഉ​ണ്ട്. ശ​രാ​ശ​രി അ​ഞ്ഞൂ​റോ​ളം പേ​രാ​ണ് അ​ത്താ​ഴം ക​ഴി​ക്കാ​നെ​ത്തു​ന്ന​ത്. പള്ളിയു​ടെ കാ​ൻ​റീ​നി​ൽ ത​ന്നെ​യാ​ണ് ഇ​വ​ർ​ക്കാ​യി സൗ​ക​ര്യ​മൊ​രു​ക്കു​ന്ന​ത്.

നോ​മ്പ് തു​റ നേ​ര​ത്തേ​യു​ണ്ടെ​ങ്കി​ലും വി​വി​ധ കോ​ണു​ക​ളി​ൽ നി​ന്ന് ആ​വ​ശ്യ​മു​യ​ർ​ന്ന​തി​നെ തു​ട​ർ​ന്ന് മൂ​ന്ന് വ​ർ​ഷം മു​മ്പാ​ണ് അ​ത്താ​ഴ വി​ത​ര​ണ​വും ആ​രം​ഭി​ച്ച​ത്. അ​ത്താ​ഴ​ത്തി​നാ​യി രാ​വി​ലെ മു​ത​ൽ മ​ഗ്​​രി​ബ് വ​രെ പ​ള്ളി​യി​ൽ നി​ന്ന് കൂ​പ്പ​ൺ ന​ൽ​കും.

ഇ​തു​മാ​യി എ​ത്തു​ന്ന​വ​ർ​ക്കാ​ണ് മു​ൻ​ഗ​ണ​ന. എ​ങ്കി​ലും കൂ​പ്പ​ണി​ല്ലാ​ത്ത​വ​ർ​ക്കും അ​ത്താ​ഴം ന​ൽ​കു​ന്നു​ണ്ട്. നോ​മ്പ് തു​റ​ക്കും അ​ത്താ​ഴ​ത്തി​നു​മാ​യി മു​പ്പ​തി​നാ​യി​ര​ത്തോ​ളം രൂ​പ​യാ​ണ് ഒ​രു ദി​വ​സം ചെ​ല​വ​ഴി​ക്കു​ന്ന​ത്. ഉ​ദാ​ര​മ​തി​ക​ൾ ന​ൽ​കു​ന്ന സ​ഹാ​യ​മാ​ണ് ഇ​തി​ന് ഉ​പ​യോ​ഗി​ക്കു​ന്ന​ത്.ആ​യി​ര​ത്തി​ലേ​റെ വ​ർ​ഷം പ​ഴ​ക്ക​മു​ള്ള പ​ള്ളി​ക്ക് കീ​ഴി​ൽ ജു​മു​അ ന​മ​സ്കാ​ര​മു​ള്ള ഏ​ഴ് പ​ള്ളി​ക​ൾ കൂ​ടി​യു​ണ്ട്.​

ജ​മാ​അ​ത്ത് പ്ര​സി​ഡ​ൻ​റ് ഏ.​എം. പ​രീ​ക്കു​ട്ടി, സെ​ക്ര​ട്ട​റി കെ.​കെ.​ജാ​ഫ​ർ,ക​ൺ​വീ​ന​ർ ടി.​എ.​മു​ഹ​മ്മ​ദ​ലി, ട്ര​ഷ​റ​ർ ടി.​എം മു​ഹ​മ്മ​ദ്,ഭാ​ര​വാ​ഹി​ക​ളാ​യ അ​ബ്ദു​ൽ സ​മ​ദ്, അ​ബ്ദു​ൽ ഹ​മീ​ദ് അ​ട​ക്ക​മു​ള​ള​വ​രാ​ണ് പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കു​ന്ന​ത്. നോ​മ്പു​തു​റ​യു​ടേ​യും അ​ത്താ​ഴ​ത്തി​ന്‍റെ​യു​മെ​ല്ലാം വി​ത​ര​ണ​വും സം​ഘാ​ട​ന​വും ന​ട​ത്തു​ന്ന​ത് മ​ഹ​ല്ലി​ലെ യു​വാ​ക്ക​ളു​ടെ കൂ​ട്ടാ​യ്മ​യാ​ണ്.

ഇ​തോ​ടൊ​പ്പം ക​ള​മ​ശ്ശേ​രി ഞാ​ല​കം ജു​മാ​മ​സ്ജി​ദ്, പ​ത്ത​ടി​പ്പാ​ലം ന​മ​സ്കാ​ര​പ്പ​ള്ളി,പെ​രു​മ്പാ​വൂ​ർ ടൗ​ൺ മ​സ്ജി​ദ്,വ​ട്ട​ക്കാ​ട്ടു​പ​ടി ജു​മാ​മ​സ്ജി​ദ്,കോ​ല​ഞ്ചേ​രി ജു​മാ​മ​സ്ജി​ദ്, അ​ങ്ക​മാ​ലി ടൗ​ൺ ജു​മാ​മ​സ്ജി​ദ് അ​ട​ക്കം ജി​ല്ല​യി​ലെ വി​വി​ധ പ​ള്ളി​ക​ളി​ലും യാ​ത്ര​ക്കാ​ര​ട​ക്ക​മു​ള്ളവ​ർ​ക്കാ​യി നോ​മ്പു​തു​റ സൗ​ക​ര്യ​ങ്ങ​ളു​ണ്ട്.