അഞ്ച് മാസം; ‘സ്നേഹിത’ അഭയമേകിയത് 658 അതിജീവിതകൾക്ക്

കൊ​ച്ചി: അ​ഞ്ച് മാ​സ​ത്തി​നി​ടെ ‘സ്നേ​ഹി​ത’ അ​ഭ​യ​മേ​കി​യ​ത് 650ഓ​ളം അ​തി​ജീ​വി​ത​ക​ൾ​ക്ക്. കേ​സു​ക​ളി​ൽ ഇ​ര​ക​ളാ​ക്ക​പ്പെ​ട്ട 658 വ​നി​ത​ക​ളാ​ണ് സം​സ്ഥാ​ന​ത്ത് കു​ടും​ബ​ശ്രീ സ്നേ​ഹി​ത ജെ​ൻ​ഡ​ർ ഹെ​ൽ​പ് ഡെ​സ്കി​നു​ള്ള ഷെ​ൽ​ട്ട​ർ ഹോ​മു​ക​ളി​ൽ അ​ഭ​യം തേ​ടി​യെ​ത്തി​യ​ത്. ഇ​തി​ൽ ബ​ഹു​ഭൂ​രി​പ​ക്ഷ​വും ഗാ​ർ​ഹി​ക പീ​ഡ​ന ഇ​ര​ക​ളാ​ണ്.

ജ​നു​വ​രി ഒ​ന്നു​മു​ത​ൽ മേ​യ് 31 വ​രെ​യു​ള്ള ക​ണ​ക്കാ​ണി​ത്. ഏ​റ്റ​വും കൂ​ടു​ത​ൽ പേ​ർ​ക്ക് അ​ഭ​യ​മേ​കി​യ​ത് പാ​ല​ക്കാ​ട് സ്നേ​ഹി​ത​യി​ലാ​ണ്. ത​നി​യെ യാ​ത്ര ചെ​യ്യേ​ണ്ടി​വ​ന്ന 178 വ​നി​ത​ക​ൾ​ക്കും ഇ​ക്കാ​ല​യ​ള​വി​ൽ അ​തി​ഥി​ക​ളാ​യി അ​ഭ​യം ന​ൽ​കി​യി​ട്ടു​ണ്ട്.

ഇ​ര​ക​ളാ​ക്ക​പ്പെ​ടു​ന്ന സ്ത്രീ​ക​ൾ​ക്കും കു​ട്ടി​ക​ൾ​ക്കും സൗ​ജ​ന്യ​മാ​യി പ​ര​മാ​വ​ധി ഒ​രാ​ഴ്ച​വ​രെ ഭ​ക്ഷ​ണ​ത്തോ​ടെ​യു​ള്ള താ​മ​സ സൗ​ക​ര്യ​മൊ​രു​ക്കു​മ്പോ​ൾ അ​തി​ഥി​ക​ളാ​യെ​ത്തു​ന്ന സ്ത്രീ​ക​ളി​ൽ​നി​ന്ന് 150 രൂ​പ​യാ​ണ് പ്ര​തി​ദി​നം ഈ​ടാ​ക്കു​ന്ന​ത്. പീ​ഡ​ന​ങ്ങ​ൾ​ക്കി​ര‍യാ​ക്ക​പ്പെ​ടു​ന്ന​വ​ർ​ക്ക് നി​യ​മ-​വൈ​ദ്യ സ​ഹാ​യ​ങ്ങ​ൾ ന​ൽ​കു​ന്ന​തോ​ടൊ​പ്പം കൗ​ൺ​സ​ലി​ങ് അ​ട​ക്ക​മു​ള്ള സൗ​ക​ര്യ​ങ്ങ​ളും ഒ​രു​ക്കി​യി​ട്ടു​ണ്ട്.

കു​ടും​ബം, വ്യ​ക്തി, കൗ​മാ​ര​ക്കാ​ർ എ​ന്നി​വ​ർ​ക്കു​ള്ള കൗ​ൺ​സ​ലി​ങ്ങും വി​വാ​ഹ​പൂ​ർ​വ കൗ​ൺ​സ​ലി​ങ്ങും സ്നേ​ഹി​ത കേ​ന്ദ്ര​ങ്ങ​ളി​ൽ ന​ൽ​കി​വ​രു​ന്നു​ണ്ട്. അ​ഞ്ച് മാ​സ​ത്തി​നി​ടെ കൗ​ൺ​സ​ലി​ങ് ന​ൽ​കി​യ​ത് 2951 പേ​ർ​ക്കാ​ണ്. 1460 കേ​സു​ക​ൾ നേ​രി​ട്ടും 1244 കേ​സു​ക​ൾ ഫോ​ൺ വ​ഴി​യും ഇ​വി​ട​ങ്ങ​ളി​ൽ ര​ജി​സ്റ്റ​ർ ചെ​യ്തി​ട്ടു​മു​ണ്ട്.

2013ൽ ​മ​ല​പ്പു​റം, എ​റ​ണാ​കു​ളം, തി​രു​വ​ന​ന്ത​പു​രം ജി​ല്ല​ക​ളി​ൽ പ​രീ​ക്ഷ​ണാ​ടി​സ്ഥാ​ന​ത്തി​ൽ ആ​രം​ഭി​ച്ച സ്നേ​ഹി​ത കേ​ന്ദ്ര​ങ്ങ​ൾ ര​ണ്ടു​വ​ർ​ഷം പി​ന്നി​ട്ട​പ്പോ​ൾ വ​യ​നാ​ട്, പാ​ല​ക്കാ​ട്, ഇ​ടു​ക്കി ജി​ല്ല​ക​ളി​ലേ​ക്കു​കൂ​ടി വ്യാ​പി​പ്പി​ക്കു​ക​യാ​യി​രു​ന്നു. നി​ല​വി​ൽ 14 ജി​ല്ല​ക​ളി​ലും പു​റ​മേ അ​ട്ട​പ്പാ​ടി​യി​ലു​മാ​ണ് 24 മ​ണി​ക്കൂ​റു​മു​ള്ള സ്നേ​ഹി​ത​യു​ടെ പ്ര​വ​ർ​ത്ത​നം.

അ​ഞ്ച് സേ​വ​ന​ദാ​താ​ക്ക​ളും ര​ണ്ട് കൗ​ൺ​സി​ല​ർ​മാ​രു​മ​ട​ക്കം 11 വ​നി​ത ജീ​വ​ന​ക്കാ​രാ​ണ് ഓ​രോ കേ​ന്ദ്ര​ത്തി​ലു​മു​ള്ള​ത്. ടോ​ൾ​ഫ്രീ ന​മ്പ​റി​ലേ​ക്കെ​ത്തു​ന്ന ഗാ​ർ​ഹി​ക പീ​ഡ​ന-​പോ​ക്സോ പ​രാ​തി​ക​ൾ അ​ന്വേ​ഷി​ച്ച്​ പൊ​ലീ​സ് അ​ട​ക്ക​മു​ള്ള ഇ​ത​ര സം​വി​ധാ​ന​ങ്ങ​ളു​ടെ സ​ഹാ​യം ഉ​റ​പ്പാ​ക്കു​ന്ന​ത് ഈ ​ജീ​വ​ന​ക്കാ​രാ​ണ്. അ​തി​ക്ര​മ​ങ്ങ​ൾ​ക്കി​ര​യാ​കു​ന്ന​വ​രെ വി​വി​ധ എ​ൻ.​ജി.​ഒ​ക​ളു​ടെ സ​ഹ​ക​ര​ണ​ത്തോ​ടെ പു​ന​ര​ധി​വ​സി​പ്പി​ക്കു​ന്ന​തും ഇ​വ​രു​ടെ ക​ർ​ത്ത​വ്യ​മാ​ണ്.

അ​തി​ജീ​വി​ത​ക​ൾ​ക്ക് കൈ​ത്താ​ങ്ങാ​കു​ന്ന ത​ര​ത്തി​ലാ​ണ് സ്നേ​ഹി​ത​യു​ടെ പ്ര​വ​ർ​ത്ത​ന​മെ​ന്ന് ചു​മ​ത​ല വ​ഹി​ക്കു​ന്ന സം​സ്ഥാ​ന അ​സി. പ്രോ​ഗ്രാം മാ​നേ​ജ​ർ ഡി.​എ. ഫെ​ബി പ​റ​ഞ്ഞു. ഇ​ര​ക​ളാ​ക്ക​പ്പെ​ടു​ന്ന​ സ്ത്രീ​ക​ൾ​ക്കും കു​ട്ടി​ക​ൾ​ക്കും ആ​വ​ശ്യ​മാ​യ പി​ന്തു​ണ ന​ൽ​കി മു​ഖ്യ​ധാ​ര​യി​ലേ​ക്ക് കൊ​ണ്ടു​വ​ര​ലാ​ണ് ല​ക്ഷ്യ​മി​ടു​ന്ന​തെ​ന്നും അ​വ​ർ കൂ​ട്ടി​ച്ചേ​ർ​ത്തു.