ബാർ ജീവനക്കാരന്‍റെ കഴുത്തിൽ കത്തി​െവച്ച് കവർച്ച; നാലുപേർ പിടിയിൽ

ആ​ലു​വ: ബാ​ർ ജീ​വ​ന​ക്കാ​ര​ന്‍റെ ക​ഴു​ത്തി​ൽ ക​ത്തി​വ​ച്ച് ക​വ​ർ​ച്ച ന​ട​ത്തി​യ കേ​സി​ൽ നാ​ല് പേ​ർ പി​ടി​യി​ൽ. ഇ​ടു​ക്കി ത​ങ്ക​മ​ണി വ​ലി​യ​പ​റ​മ്പി​ൽ വി​ബി​ൻ ബി​ജു (22),ആ​ലു​വ ആ​ല​ങ്ങാ​ട് മൂ​ഞ്ഞാ​റ വീ​ട്ടി​ൽ ജി​നോ​യ് ജേ​ക്ക​ബ്​ (33), തൃ​ശൂ​ർ വെ​ള്ളി​ക്കു​ള​ങ്ങ​ര തോ​ട്ടു​ങ്ങ​ൽ വീ​ട്ടി​ൽ ആ​ലീ​ഫ് (24), ആ​ല​പ്പു​ഴ മു​തു​കു​ളം സ​ഫ മ​ൻ​സി​ലി​ൽ മു​ഹ​മ്മ​ദ് ഫൈ​സ​ൽ (29) എ​ന്നി​വ​രെ​യാ​ണ് പൊ​ലീ​സ് പി​ടി​കൂ​ടി​യ​ത്. 16ന് ​പു​ല​ർ​ച്ചെ ര​ണ്ട് മ​ണി​യോ​ടെ​യാ​ണ് കേ​സി​നാ​സ്പ​ദ​മാ​യ സം​ഭ​വം.

ക​ണ്ണൂ​രി​ലെ വീ​ട്ടി​ൽ​നി​ന്ന് ആ​ലു​വ റെ​യി​ൽ​വേ സ്റ്റേ​ഷ​നി​ൽ ട്രെ​യി​നി​റ​ങ്ങി താ​മ​സ​സ്ഥ​ല​ത്തേ​ക്ക് പോ​വു​ക​യാ​യി​രു​ന്നു ബാ​ർ ജീ​വ​ന​ക്കാ​ര​ൻ ശ്രീ​ജേ​ഷ്. ഓ​വ​ർ ബ്രി​ഡ്ജി​ന​ടി​യി​ലെ റെ​യി​ൽ​വേ ട്രാ​ക്കി​ൽ വ​ച്ച് ക​വ​ർ​ച്ച സം​ഘം ക​ഴു​ത്തി​ലും വാ​യി​ലും ക​ത്തി​വെ​ച്ച് ഭീ​ഷ​ണി​പ്പെ​ടു​ത്തു​ക​യും മ​ർ​ദി​ക്കു​ക​യും ചെ​യ്തു. തു​ട​ർ​ന്ന് യു​വാ​വി​ന്‍റെ കൈ​വ​ശ​മു​ണ്ടാ​യി​രു​ന്ന പ​ണ​മ​ട​ങ്ങി​യ ബാ​ഗും മൊ​ബൈ​ൽ ഫോ​ണും ക​വ​ർ​ന്ന് ക​ട​ന്നു​ക​ള​ഞ്ഞു.

പ​രാ​തി ല​ഭി​ച്ച​യു​ട​നെ പ്ര​ത്യേ​ക ടീം ​രു​പ​വ​ത്​​ക​രി​ച്ച് പൊ​ലീ​സ് അ​ന്വേ​ഷ​ണ​മാ​രം​ഭി​ച്ചു. നി​ര​വ​ധി സി.​സി.​ടി.​വി കാ​മ​റ​ക​ൾ പ​രി​ശോ​ധി​ച്ചു. മ​ണ​പ്പു​റം ഭാ​ഗം കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ലാ​ണ് പ്ര​തി​ക​ളെ അ​റ​സ്റ്റ് ചെ​യ്ത​ത്. വി​ബി​ൻ ബി​ജു​വി​നെ​തി​രെ മു​ള​ന്തു​രു​ത്തി, എ​റ​ണാ​കു​ളം നോ​ർ​ത്ത്, ചോ​റ്റാ​നി​ക്ക​ര, കു​ന്നം​കു​ളം എ​ന്നീ സ്റ്റേ​ഷ​നു​ക​ളി​ൽ കേ​സു​ക​ളു​ണ്ട്. ജി​നോ​യ് ജേ​ക്ക​ബി​നെ​തി​രെ എ​റ​ണാ​കു​ളം സൗ​ത്ത്, സെ​ൻ​ട്ര​ൽ, അ​രൂ​ർ, ക​ണ്ണ​മാ​ലി, മ​ര​ട്, ഷൊ​ർ​ണൂ​ർ സ്റ്റേ​ഷ​നു​ക​ളി​ൽ കേ​സു​ക​ളു​ണ്ട്. ആ​ലി​ഫി​നെ​തി​രെ വെ​ള്ളി​ക്കു​ള​ങ്ങ​ര, പാ​ലാ​രി​വ​ട്ടം, സെ​ൻ​ട്ര​ൽ എ​ന്നീ സ്റ്റേ​ഷ​നു​ക​ളി​ലും മു​ഹ​മ്മ​ദ് ഫൈ​സ​ലി​നെ​തി​രെ ഷൊ​ർ​ണൂ​ർ സ്റ്റേ​ഷ​നി​ലും കേ​സു​ക​ളു​ണ്ട്. ക​വ​ർ​ച്ച ന​ട​ത്തി​യ ഫോ​ൺ ക​ണ്ടെ​ടു​ത്തു.

ഡി​വൈ.​എ​സ്.​പി ടി.​ആ​ർ. രാ​ജേ​ഷ്, ഇ​ൻ​സ്പെ​ക്ട​ർ എം.​എം. മ​ഞ്ജു ദാ​സ്, എ​സ്.​ഐ കെ. ​ന​ന്ദ​കു​മാ​ർ, സീ​നി​യ​ർ സി.​പി.​ഒ​മാ​രാ​യ മാ​ഹി​ൻ ഷാ ​അ​ബൂ​ബ​ക്ക​ർ, മു​ഹ​മ്മ​ദ് അ​മീ​ർ, കെ.​എം. മ​നോ​ജ്, മേ​രി ദാ​സ്, പി.​ആ​ർ. ശ്രീ​രാ​ജ് എ​ന്നി​വ​രാ​ണ് അ​ന്വേ​ഷ​ണ സം​ഘ​ത്തി​ൽ ഉ​ണ്ടാ​യി​രു​ന്ന​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്തു.